الافالون تطفي فجاه

ويضا ازيد 

السياره من اضغط زر الهولد تبدا ترقل 
وايضا اذا ضغطت زر توفير الطاقه ECO

شيك على الدينمو والبطارية، السيارة جديدة ومستحيل كل هالانظمة تخرب فيها، اذا الدينمو والبطارية سليمين شيك على الظفيرة اكيد البلا منها

هي بالوكاله من يوم الاحد وكل شوي يطلعونها وترجع نفس المشكله

الدينمو والبطاريه سليمين حسب الفحص 

الظفيره مدري والله 

اهم شي لاتستلمها الا اذا اتصلحت تمام

توهم كلموني يقولون احتمال كبير يكون الخلل في طرمبة البنزين
السؤال وش دخل طرمبة البنزين بهالعلامات اللي تطلع في الطبلون ؟!

يقولون غيرنا الكمبيوتر ونفس المشكله والكمبيوتر طالع ان الخلل في 
طرمبة البنزين ضخ البنزين ضعيف 

هل هذا صحيح وممكن يكون من طرمبة البنزين ؟

في مقطع نزله المهندس محمد الشبيبي باليوتيوب لشخص صارت معه نفس حالتك غسل المكينة وصارت السيارة تتفتف وترج الزبدة قال حلها انك تفتح الكبوت وتخليها بالشمس وباذن الله تضبط معك 

خراب طرمبة البنزين مستحيل يولع لك كل هاللمبات، مشكلتك كهربائية اكيد وممكن زي ماقال ابو سعد فتح الكبوت بالشمس ينشّف الموية من الافياش وتروح الالتماسات اللي مسببة لك كل هالمشاكل

طرمبة البنزين تسوي هالاشياء اللي قلتها فوق.. وتولع لمبه المكينه فقط
فلابد من تغيرها.. اذا كانت السياره تطفي فجاه وقبل تطفى ماتستجيب للدعس ويجيها نفضه وتفتفه
وحتى اذا جيت تشغلها ماتشتغل معاك.. الا بعد ربع ساعه.. واذا اشتغلت تمشي شوي وتنتفض وتطفي
لازم تخليها فتره طويله عشان تبرد الطرمبه بعدين تمشي عليها وباي لحظه ممكن تطفى من جديد

اما بالنسبه للعلامات الثانيه.. ممكن سببها المويه.. لكن الحين غير الطرمبه عشان تسلم من انها تطفي فجاه عليك.. وبعدين شف للمبات الثانيه.. ونقول يارب انها تختفي بعد الطرمبه

اخوي افحص فيوز طرمبة البنزين ممكن يكون في خلل من بعد ما غسلو

شوف ياحبيبي دايم غسيل المكينه هذا ما يجيب الا المشاكل المهم بعطيك الحل كامل واذا سويته ان شاء الله تروح المشكلة

اولا المشكله الي عندك كهربائية في موية دخلت في احد الافياش وصار التماس بسيط وضرب الفيوز اذا لها فيوز او صار خلل في توصيل الكهرباء

الحل / خذ منظف الكترونيات من ساكو وقبل تبدا بالحل انفخ المكينه هوا طبعا على كل شي عاد هي دفع امامي تحصل القير وكل العفش موجود اول ما تفتح الكبوت وركز على الدينمو والبطارية والكويلات


بعدين افصل البطارية وفك كل فيش ونظفه بمنظف الكترونيات وتاكد انه نشف قبل تركب طبعا نظف الفيش والمكان الي يركب فيه والسيارة جديدة يعني كلبساتها لينة

بعدين نظف اسلاك التفريغ الي تجي موصلة في البودي فقط رشها بالمنظف وتاكد انها نظيفة وما فيها اي مشاكل

وفك الكويلات وتاكد هل دخلها موية اذا في موية ف انفخها هوا ونشف كل شي وتاكد انها نشفت وخصوصا السست الي داخل الكويل
بعدها فك فلتر الهواء وتاكد هل فيه شي او دخله ماء


بعدها افحص الفيوز الداخلية والخارجية وشف هل في فيز محروق او كلها تمام

بعدها اشبك البطارية وباذن الله تروح المشكله الشغله سهلة جدا ولا تفكر انها صعبة انت تسويها بنفسك لا تروح لحد

ممكن اذا تبغى تختصر تكتفي بنفخ البطارية والدينمو هوا وتنظيف الكويلات تفكهم وتنظفهم وترجعها غالبا دخلها موية


طبعا الامور الي ذكروها لك مستحيل السيارة ماشية 57 الف يا رجال لو انها صينية ما يمديها تخرب خلا باقي افالون بس السالفه لهطة فلوس من ورا التريلات

بمر الوكاله وشوفهم بعد تغيير الطرمبه 

تدرون وش المشكله ي جماعه 

المشكله بعد ماتبرد السياره يعني مثلا ماشغلها من المغرب والصباح اشغلها 
تشتغل طبيعي ومافيها شي وتروح كل اللمبات والتنبيهات ومن امشي 
شوي تجي نفضه ورجه بالسياره ثم تشتغل الانوار 

وذا بردت السياره رجع كل شي طبيعي 

ولو ان الافياش فيها مويه من المستحيل لحد الان مانشفت 

خاصه ان يوم يغسلون المكينه كان يوم السبت والان احنى الاربعاء مع هالحر 

ماتوقع ماتنشف لحد الان

كان عندي جولف فولكس واجن نفس مشكلتك لمن امشي مشوار طويل تطفي وتولع اللمبات ومرات تشتغل ومرات تطول واجلس
ساعات انتظر لمن تشتغل حاولت اعرف المشكلة ما قدرت بالاخير بعتها لمصري وما ادري وش صار معاه بس
ما كلمني والغريب فحصها بالمعارض وفصفصها والفني قاله السياره تمام واشتراها بعد الفحص
مرت 5 سنوات وقبل اسبوع اشوفها مع يماني على الخط السريع هي نفسها وعرفتها من لوحتها
عموما انشب بحلقهم مدام على الضمان واذا طابت نفسك منها بيعها والله يعوضك خير
واقسم بالله الواحد لمن يكون متزوج وعنده دوام ومسئولية وبزران وبناء بيت يكره كره العمى الورش
اما لو شباب وما عنده مسئولية فعادي ينام بالورش

ابغاك تسوي هذي الحركه
بدل الكتوتات الي لونها اسود مع بعض
يعني فكها وركبها ثاني مره
لان في الغالب عندك كتاوت مع الحرارة تسخن وتفصل

استلمت السياره بعد ماغيروا بخاخات البنزين + طرمبة البنزين 

الوضع للحين كويس طفت الانوار بالطبلون كلها 

وللحين لي فتره امشي ماصار اي شي 

بس اوقات اذا جيت اوقف احس بشي خفيف مدري كيف

قالي حق الوكاله عادي يومين كذا وتروح لانها جديده !! 

كيف يغسلون المكينة وهو مكتوب في كتلوج ما تتغسل

دام اشتغلت لمبة المكينة لازم يطلع كود في الفحص هذا الكود عن طريقة ينعرف السبب

الحمدلله لليوم الثاني السياره مافيها لمبات بالطبلون تشتغل

غيروا طرمبة البنزين وضبطت 

لكن اذا لي فتره ماشغلت السياره يكون فيه صعوبه بتشغيل السياره شوي بس
هل مادري وش سببه 

عليكم السلام
خطر غسيل المكينه على الظفيره والاي بي اس
والكويلات بمافيها كتاوت الطرمبه وغيره اما تشمسها
عشان تنشف الرطوبه بسرعه او تغيير التالف
ودام انه من الوكاله فالامور زينه راح يصلحونه وان
طال الوقت عليك

كل عام وانتم بخير
انا عندي فورتشنر vx 2016 ماشي 23 الف له معي سنة بس
مرتين يتفتف ثم يطفي خلال اسبوعين وبعد ساعتين ثلاث تشتغل مضبوط
السيارة تحت الضمان بس ماعندنا فرع لجيميل عندنا وكيله الرشيد مدري يستقبلها او لا مع اني اشيك السيارة عنده
هل تتوقعون الخراب من طرمبة البنزين؟