هل يؤثر الرش المطفي على سعر البيع

اي رش يقلل من سعر السياره مطفي ولاغيره 
اناعن نفسي اذا شفت سياره مرشوشه مطفي اتركها ايش يضمن لي انه بويه الوكاله نظيفه ؟ حتا محلات الفحص مايفحص البدي عشانه مرشوش سبق واشتريت النترا ٢٠١١ مرشوشه مطفي وراعيها يحلف انه بويتها سليمه ويوم لمعتها وشلت البويه الي عليها ليت اني ماشلتها 

طبيعي بينزل من قيمة السيارة ومن نظرة الناس بعد يعني انت جاك موترين وكلها نفس الممشى وكل شي ونفس النظافة لكن هذا راش مطفي وهذا على بوية بلاده وتشوفها قدام عينك وكلها نفس السعر ايهم بتختار ؟

اكيد باخذ الشد بلد وغير كذا اصلن الرشرشه ذي تعكس صورة مع احترامي للجميع واللي يسويها عن راعي الموتر أنه مراهق وبزر وحركات طيش وبالتالي ما ادري وشلون استخدامه للسيارة ولا ادري وش بيكون وضع البوية الأساس بعد ما اشيل المطفي والاثار اللي بترتب عليها

انت نفسياً لو تدخل وتلقى موتر بس مرشوشه جنوطه سوداء بتدري ان راعيه مراهق وما يدري وش يسوي في الموتر
بتقول لي يمكن بوية الجنوط مشهبه ولا قالبه ولا مصفره لوه راكد وفاهم بيرشها رشة حول الشد بلد او شي مرموق اما اسود ومطفي ولزقات اعرف انه بزر من الآخر ولحد يزعل من كلامي هذا الجد

بالتوفيق

انا السيارة عندي شرط المكينة و القير و الشاص اما البدي تقللي رش من هنا والا رش من هنا عادي. انا راش موتري الباث
لوجود تباهيت و خدوش لكن ما شاء الله نظرة الموتر تقول كنه رش مصنع. وانا بصراحة ما احب السيارة يكون عليها خدوش
و تباهيت منظرها فعلا شي مقزز وانا من شفت موتري بهالمنظر والله ما ترددت ادخله رش و بالعكس مبسوط اني سويتها بالرغم
من نزل سعرها في البيع وانا قلت لنفسي ما ني ببايع لا الحين ولا بعدين و الناس وش عليها في النهاية كل واحد حر بماله و حلاله
الله يبارك. المنطق هذا غلط لو كل واحد بيطلع عيب بسيارته انه مرشوشة ترا بيصير يكرهها. لذلك اقول اعقلها وتوكل و وقت
البيع يفتح الله.

والله اذا ماتفكر بالبيع وبتستخدم سنتين ثلاث.. رش وارضي خاطرك لو البويه الاساسيه باهته او ممخشه
اما اذا يهمك البيع ويمكن هالسنه تبيع.. فخلها شد بلد

المطفي يخرب البويه وحتى لو كان شكله حلو اول ما ينرش
كلها كم اسبوع ويبهت ويمسك غبار
واعتقد ما يرش مطفي وقت البيع الا عشانه رخيص يعني ب 500 ريال موتر كامل ويجمل شكل السياره مؤقتا