مشروع قطع غيار للسيارات

وجهة نظري محل قطع الغيار اذا ما كنت راس كبير وداخل بميزانية مليونية 
وعندك خبرة وتعرف افضل مصادر تجيب منها القطع افضل لك تغض النظر 
وتشوف لك مشروع ثاني 
محلات القطع اللي شغالين فيها ناس عندهم خبرة 
ويعرفون افضل الطرق اللي يشترون فيها القطع من الموزعين او الوكلاء بارخص تكلفة
يعني سعر الربح عندهم يمكن يكون عندك هو سعر التكلفة او سعر الخسارة بعد 
هذا من غير انه تحتاج توفر اغلب قطع الغيار عشان تنجح والشي هذا يحتاج محل كبير ومستودع كبير
وهذا بيكلفك مبلغ مو بسيط مثل ما ذكرت اول 
هذي وجهة نظري وفيه ناس خبرة اكثر مني ممكن يفيدونك بالتوفيق

روح اشتغل لك في محل قطع غيار عند وكيل سيارات خذ خبرة بعدين قرر
لا تشتغل شغلة ماجربتها لازم الخبرة كافية

نصيحة اشتغل بمحلات قطع الغيار كموظف (سعودة) وتعلم للشغلة قبل تكب فلوسك بمغامرة يمكن تنجح ويمكن تخسر!!

المسئله تعود للمورد الي بيزودك بالقطع بكم يعطيك يمكن ينزل عندك بغالي وجارك برخيص وتخسر وتطلع من السوق
قطع الغيار تحتار لراس مال قوي وفريق متمكن بحيث انك تعرف جميع قطع غيار شركة السياراه الي تبي تبيع قطعها ونقول مثلا نيسان
فالطريقه تروح لمصانع في الصين وتايلند وماليزيا وبقية دول اسيا وتشتري منهم بكميات وتبيع يعني المسئله طويله واذا قلت ماابي دوخة الراس وبنزل من الموردين المحليين ماتضمن انهم ينزلولك بضاعه باسعار تقدر تستمر بمشروعك لان غالبية المؤسسات المحليه يملكها اجانب بالتستر