شريت تاهو 2012 ولكن ....

الله يكون في عونك ومريت انا على مثل هذي التجربه وكان رد الوكاله ( طبيعي تروح بعد فتره لان السياره جديده )

العالم تحسب للجديد خمس سنوات او اكثر تفتك من روحتن للورش والجديد الحين صار مثل الشغالة انت وحضك

ارمة في وجوهم وخذ واحد جديد

الله يكون في عونك ولا تسكت عن حقك

شف يالغالي انا بشور عليك شور مبارك

ياحبيبي خل فترة التمرين تنتهي وامسك عليه خط بسيط باذن الله غير تدعيلي بعض المواتر الجديده تكون فيها هذي الرجه بسيطه انت تشوفها كبيره

لكن هي بسيطه انا اقولك ليش

عشان انت حساس على الجديد راح اي صوت تسمع عكس لو اخذت مستعمل ماراح تركز على الاصوات او الوقوف او الرجه وغيرهااااا
لكن خذ علم امش على الموتر 2000 كيلو ومن ثم اجلده مع خط وراح تدعيلي

رجه والضغط ينزل 
لايضحكون عليك ويقولون لانه جديد 
السياره فيها شي لا تمشي عليه ورجعها 
لهم ولا ترضى الى بجديدة وشتك للفرع الرئيسي بدبي
هم يبون الممشى يزيد جالسين يتهربون 

ارمه وخذ واحد جديد 
تشري جديد وتصلح بأي ضمير !!!!

قل لهم السياره عاطله عطل مصنعي 
مره شريت تلفزيون 55 بوصه سوني وقالوا ضمان 3 سنوات 
وكنت دقيق شوي لان سوني غالي قيمته حوالي 12000 ريال 
وقلت للبايع طيب ان طلع عاطل اول التركيب !!! تراني ما اقبل اشري جديد واصلحه
قلت يمكن تكون حبه عاطله كصدفه

قالي لي البياع !!
كيف تشري جديد وتصلح 
ان طلع اي عطل خلال  فترة التركيب او بعدها نستبدل لك الجهاز

لايضحكون عليك انت شاري جديد
ارمه في وجيههم وأخذ واحد ثاني

ان مريت بنفس الموضوع لاكن كان عام 2004 من الجميح السياره كنت ماشيه اقل من 9000 ووديتها الصيانه وقالولي حنفك الكمبيوتر ونرسله لدبي لاعادة البرمجه واخبرتهم يجب وجود سياره بديله ووافقوا بشرطين 
1- ان لايزيد سعر الاجار اليومي 300 ريال في اليوم 
2- ان تكون السياره من شفرليت فقط 
وتم وجود السياره عندهم 16 يوم وتم محاسبتي على اجار السياره بالتمام وظبطت السياره حتى تم بيع السياره في عام 2010

اود ان اشكر جميع الاخوان الدين قامو بالرد علي وجزاهم الله الف خير

، واود ان الفت انتباهكم ان المشكلة لا زالت قائمة الى الان وكل ما تم عمله في الوكالة هو مجرد كلام فاضي لا يقدم ولا يأخر
، ليش ؟؟؟ لان الوكيل ونيابة عن شركة جي ام العملاقة اقر بوجود هذه المشكلة منذ العام 2007 حتى الان ولم يجدو لها اي حل يذكر بمعنى (غير قابلة للاصلاح) وذلك لان غرف الاحتراق الكبيرة الحجم في ماكينة الجمس او التاهو هي السبب في هذه الرجه ولكن بالتاكيد تتراوح من سيارة الى اخرى بحيث تكون واضحة جدا كما هو حاصل معي ،،، او تكون بشكل غير واضح وتحتاج الى تركيز شديد لكي تنتبه لها كما حصل ذلك في سيارة احد الاقارب من نوع يوكون 2012 ايضا وبالتالي اعتقد أنه لا فائدة من الرجوع الى الوكالة مرة اخرى لان بالعربي (ماعندهم ما عند جدتي) هذا ما حدث معي بالتفصيل وارجو من الاخوان الذين حصلت معهم هذه المشكلة تحديدا ان يتفضلو ويشرحو لي ولجميع الاخوان عن طرق الحل الصحيحة لهذه المشكلة بعيد عن اسوار الوكالات التي لا يلقي اصحابها بالا للعميل ويسلبون حقه ويتناسون ان هناك يوم الحساب وسترجع كل الحقوق لاصحابها.

انا سلموني الدوام سيارة سوبر بان 2012 وفعلا استلمته ماشي 350 كم فقط باقي ماوصل الف يادوب حق الطريق من الوكاله الى عندي ولما مشيت فيه اول مشوار نفس اللي حصل لك حصل معي وفيها صوت تحسه مو هادي صوت المكينه والى الان صار ماشي 5000 والمشكله هي هي وانا يوميا امسك عليه خط 200 كم رايح جاي ولا راحت ولا شي وفيه تفتفه عالعموم جي ام سي انا اشوف انها بتلحق تويوتا لانها مشاكلها كثرة من موديل 2007 وجاي يعني سراحه مرضت جي ام سي وغير كذا سواقته مالها هيبه وتحس موديل 2006 ونازل اقوى واجمد حتى البدي فاشل سراحه وشكرا

حبيبي انا صارت لي هذي الحركه بس مو نفس موترك كان هواندي 

والله العظيم انى تعبت لدرجه انى خلاااااااااااص معاد بصلحها ابدا 

فاخوي شاور علي قالي اخر شي وصانى اروح اسوي فحص كمبيوتر للمكينه ودلنى 

على ورشه بالصناعية الجديدة بالخبر ،، المهم ياغالي انى رحت عنده وكان سوري وقلتله المشكله

قالي اناا شاك بكم شي بس الفحص الكمبيوتر على المكينه يطلع السبب وترتاح وقالي 150 ريال

قبل الفحص هههههههههه لحالها حق الكمبيوتر وفحصه وياربي لك الحمد طلع حساس نسيت اسمه

جنب المكينه والى يومك الحمد لله معاد عانيت 

اتمنى انى افدتك 

افحص المكينه كمبيوتر مثل ماقال اخوي مجود يمكن يطلع عندك حساس والا فيش طايح وتنتهي مشكلتك

والله العظيم قهههههههههههههههر راسل الشركة الام بامريكا باي طريقة كانت والعلم عند الله زبالة مصانع امريكا

يا خوي ارفع عليهم دعوى للمحكمة عند قاضي يخاف الله 
ومرمطهم حتى تاخذ فلوسك كاملة مكمله
وربي يعينك ولا يهمك احد فيهم في هالشركات
-- جيب الراس الكبير في الشركه للمحكمة

ارفع عليهم قضيهه في الشركه الام حنرال موترز احد الزملاء سواها بعد ما ماطلوبه قرابة 6 اشهر وبلفعل بعد الشكوا تم الاتصال به وتصليح السياره طبعا ليست نفس مشكلة سيارتك مشكله ثانيه