تقرير نجم ظلم ام عدل؟
1
0
إضغط هنا للإخفاء
السلام عليكم
مساكم الله بالخير
عندي استفسار يااخوان وهو عن تقرير نجم
الوالد صار عليه حادث المغرب يوم الجمعه والحمدلله الحادث تافه والاضرار لاتكاد تذكر للطرفين
والحادث كالأتي:
الوالد كان ماشي بالخط السريع واخذ خدمات عشان المحطه. والمحطه دخلتها نوع ما ضيقه وجاء راعي لكزس شباب وكان مطفي النور و ماانتبه له الوالد
و اعترض طريق الوالد وصدم فيه مع طرف الصدام يمين. وطبعا اللكزس ماجاه الا مخشتين خفيفه في الباب الخلفي الايسر كانها مخش مفتاح وسياره الوالد مغر طعجه قد كف اليد
وطبعا صاحب اللكزس حالف بالعشر انه ياخذ تعويض بقيمه 4000 ريال عشان يصلح الباب من قبل لايدق على نجم ودق على نجم.
وجاء نجم وكتب التقرير وفي تفاصيل التقرير كاتب انه الوالد انحرف عليه والغلط عليه 100%
للعلم ان تأمين الوالد منتهي وانكتب عنده سبب التحويل(الطرف المدان لايحمل تأمين) وصاحب اللكزس مروق وكانه زي اي يوم عادي عنده ومبسوط
طبعا موظف نجم بعد تسليم التقرير للطرفين قال تتفقون وتروحون يوم الاحد للمرور. هل المرور بيجبر الوالد يسدد او يقدرون الاضرار ويسعرون عند شيخ المعارض؟
وهل اقدر اسوي للوالد اعتراض على تقرير نجم
إبلاغ
الردود
0
0
0
0
اذا انت بالرياض
فهناك مافيه ورش عشان تقدر والنظام القديم
الحين فيه مركز تقديراتي يروح يسعر فيه ويجيب الورقه او بي دي اف مرسل على الجوال من مركز تقديراتي
ومركز تقديراتي يقدر الحادث بالملي
اذا السياره اقل من 2018 تصليحها رش وسمكره بما انها حك
يعني التسعيره بتطلع ماتتعدا الف ريال اذا مكتوب بالتقرير المتضرر فقط باب خلفي ايسر
موفق
1
0
قم فز على حيلك ورح للمحطة وشوف إن كان فيها كاميرا مصورة الحادث وإلا لا عشان تتأكدون هو راعي اللكزس كان مشغل الأنوار وإلا لا . . . .
إن كان مشغل الأنوار خلاص الشكوى لله أبوك الغلطان , وإن كان مو مشغل ( الأنوار ) صور اللقطة ورح للمرور وأطعن بتقرير نجم . . . .
وقل لضابط الخفر هذا تصوير كاميرا المحطة . . . . وترى قلت الأنوار مو ( الأسطبات ) لأن الأسطبات ماتعتبر أنوار إن كانت الدنيا مظلمة . . . . .
0
1
الوسط الرياضي الحادث كان خارج رؤيه الكاميرات
0
1
0
0
قبل 4 سنه و 4 شهر