أضف سؤال أو موضوع جديد          

سعر السيارة بمكينة مخبطة

up 2 down 0
ammooorit 6
قبل 2 أسبوع و 6 يوم



سلام عليكم ورحمة الله
عندي أفالون 2006 جددتها داخلي وخارجي كل شي غيرته جلود طبلون تلميع ركبت شاشة على اني اكمل استخدامها
لكن طلعت الهدا وللأسف صار تهريب زيت من قاعدة السيفون ماانتبهت له الا والسيارة طفت في نص الجبل
بعد ماصلح الميكانيكي العطل وعبينا زيت فيها صوت طقطقة والظاهر المكينة ودعت

سؤالي هل اعرضها للبيع بمكينة مخبطة
او اغير المكينة ثم اعرضها ؟ لقيت مكينة 2012 مع الرجيع ب5500 ضمان 40 يوم فقط
التوضيب ب6500
السيارة فل الفل نظيفة تماما توي ماليا اسبوع والله بدون مبالغه مجددها كامل لكن قدر الله والحمد لله على كل حال
كم تسوى وهيا مخبطة تقريبا وكم تسوى بعد اصلاح المكينة
الممشى 500 الف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يكون في عونك ،، والله من رائي دور لك مكينة اذا على كلامك الموتر نظيف ع الأقل تخدم معك سنوات وتستفيد من القطع الي غريتها لكن مدري عن اسعار مكائن الأفلون لأنك لو بتعرضها ماراح تجيب لك سعر طيب او سعر يجيب لك سيارة نظيفه 


up 1 down 0
فيصل المغيري 553
قبل 2 أسبوع و 6 يوم



اذا معك مبلغ وتقدر تبيعها وهي مخبطة وتاخذ لك سيارة افضل منها ومكينة بلد وكل شي حتى لو فئة أقل صراحةً هذا الاخيار الاحسن والأفضل


اذا مرة منظغط وما حولك مادة ابد بالعربي على الحديدة زين مكينتها وعلى قولت اللي فوق حلل القطع اللي ركبتها فترة لين تزين امورك واشتر غيرها وبكذا حللت اللي ركبته وخدمتك فترة بالإضافة الى انك بتبيعها بسعر افضل من لوهي كانت مخبطة


لكن اذا عندك القدرة تغير الحين غير احسن وبعها وهي مخبطة حتى لو ينزل كم الف لكن تشتري راحة بالك وفي نفس الوقت تضمن انك ما تخسر مرتين وترجع تطق او يصير فيها مشاكل وتبيعها بخرا بخرابها بعد الخسارة


تحياتي


up 1 down 1
a.ibrahem 3152
قبل 2 أسبوع و 6 يوم



نصيحه مدام على يدك وغيرت فيها قطع ركب مكينه واكرفها كمان سنتين
حللها هذي تويوتا تمشي معاك زي الحلاوه
لو تبي تبيع بعد ما تركب مكينه ما تجبلك اكثر من 20
وهذا المبلغ ما يجبلك شي طيب يجمل معاك
ولو تبي تبيعها بدون مكينه الى حيشتريها حيركب مكينه وحيكرفها وانت ما حتفرح بالمبلغ الى حجيب

ركب مكينه ودق سلف وروح وين ما تبي ولا منه احد


up 3 down 1
فـــ9ـــد 432
قبل 2 أسبوع و 6 يوم



يظهرلي من استفسارك إن عندك جلد على مشاوير الصناعيات و رغبة بهذا الموديل من الافلون خصوصا..
لذلك انصحك تتوكل على الله و تدور لك مكينة من التشليح ولو تشوف أحد معارفك علشان يتوصى لك بمكينة نظيفة..

وبصراحة لو كنت في مكانك بعتها مكرفون لأني ما اطيق الصناعيات نهائيا بسبب ضيق الوقت..
الله ييسرأمرك


up 1 down 0
qefari2 18
قبل 2 أسبوع و 6 يوم



الله يعوضك وانااخوك فعلا هذا مشكله الافالون قاعده السيفون اليات الي فيها تهرب مع اخوي ٢٠١٠ وصار له نفس مشكلتك بس الحمدلله انتبه لها وصلحها بدون ماتضرر المكينه 
بخصوص المكينه لاتوضب اكثر الورش الي عندنا سباكين والله مايفهم فى التوضيب او مايجدد كل القطع بعد فتره يطلع لك مشكله ثانيه 
شفلك مكينه مستورده نظيفه وريح راسك من حوسه الورش 
دامك نافض موترك لاتبيعه نصيحه خاص لوتبي تبيع وتاخذ مستخدم اذا بتاخذ جديد ومعك المبلغ الله يوفقك بس اذا بتاخذ مستخدم او بتتسلف لاوالله خلك على موترك ابرك لك 


up 3 down 0
k 6 4 i 1060
قبل 2 أسبوع و 6 يوم



الله يجزاكم خير على ردودكم
انا عندي سيارة اخرى جيب
وعندي استطاعه اشتري اليوم سيارة بديلة بفضل الله وكرمه
بس اللي يغبن اني توي متكلف فيها فوق ٧٥٠٠
بكرة ان شاء الله اشوف مكينة افالون ٢٠١٢ في التشليح اذا كانت مناسبة بتوكل واجربها
واخليها كم شهر لين اطلع سيارة بديلة
هيا بصراحه مافي مثلها في الراحه والحجم الداخلي بحر من ورا زي الكابرس



up 0 down 0
ammooorit 6
قبل 2 أسبوع و 6 يوم



اكبر خطأ تخسر على تضبيط والسياره ماشيه كثير بتتعبك خرابات
ركب مكينه وبعها بس صراحه شغل الداخليه ابداع عند مين نجدتها


up 0 down 0
abcdefg123 4
قبل 2 أسبوع و 6 يوم



ركب لها مكينة وبيعها تجيب لك قيمة افضل من يوم تبيعها وتقولهم مخبطة



up 0 down 0
bmw z4 1444
قبل 2 أسبوع و 5 يوم



التنجيد محل اسمه الرائد في مكة قبل سوق الحجاز (موجود له عدة مواضيع في موقع حراج)
تغيير جلد الطبلون والقير والدركسيون وضرب بوية بعض قطع البلاستيك وتغيير جلد المقاعد كاملة جلد الماني ضمان 5 سنوات وجلد باب السواق مع تلميع كامل داخلي خارجي ب3500


عضلات السيارة كل سنتين تقريبا انفض اغلب القطع فالسيارة


up 0 down 0
ammooorit 6
قبل 2 أسبوع و 5 يوم



شف ياخوي انت خاسر ودافع على السيارة ليه تبيعها علشان مكينة
ترا المكينة مو عيب هي قطعها مثلها مثل اي قطعه تتبدل وتمشي معك سنوات العيب الحقيقي اذا كان في الشاص او الهيكل هنا البلشة

انصحك شفلك في التشاليح مكينه وتكون ماهي مفكوكة من السيارة يعني راكبه في السيارة وافتح غطا الزيت وشوف كيف النظافه وراح يبين معك اذا الشخص محافظ على الزيت او لا
وشف لمسامير غطى البلوف والصدر وبكرة الكرنك والغرا الي يجي في الوجيه هل وكالة او قد انفكت يبين معك كل شي وتنعرف الموضبة من الوكالة وعاد الافالون منتشرة واغلب ملاكها ناس محافظين فنسبة كبيرة تلقى مكاين نظيفة وطبقت بلدها

واسعارها في التشاليح ما تتعدا 5000 مع التركيب

بالنسبة للمستوردة فتراها مجددة يعني قد وظبت لكنه خيار ممتاز وخاصة لكانت استيراد ياباني وغالبا شغل التوظيب عندهم امانه مو زي عندنا ,, بس طبعا قطع المستورد ما تكون وكالة بس ماركة كويسة وممكن بعض القطع المهمة والرخيصة تكون وكالة مثل طرمبة الزيت

اخر خيار هو التوظيب وشخصيا ما انصحك فيه الا اذا تعرف واحد ثقة وشغله توب التوب هنا وضب حتى لو تدفع زيادة شي بسيط بس شي يستحق وتعرف كل قطعة بدلتها
واهم نقطتين عند التوظيب لا تمسح الراس سوي صنفرة فقط + لا تخرط المكينه خلها استاندر وكمان الي يشد المكينة لابد يستخدم مفتاح العزم النيوتن علشان يكون الشد متساوي وخصوصا الاجزاء الرئيسية في المكينه

وقبل يفك الجنزير او سير التايمن يعرف وزنيتها سواء بتعليمها بنقاط اوعن طريق النقاط الموجودة او من الانترنت بس غالبا تجدها في المواقع الاجنبية باللغة الانجليزية


up 6 down 0
mercy_sa 1075
قبل 2 أسبوع و 5 يوم



اخوي mercy_sa صحيح فيه مكاين مستورده موضبه بس مو كلها انامشتري لموتري مكينه شد بلد ماشاءالله حتا البواجي ماقد فكت الصره حقه الزيت حقه الوكاله 
اذا كان برياض الرجال انصحه يروح تشليح السلي فيه مكاين نظيفه خوات الجدد 


up 0 down 0
k 6 4 i 1060
قبل 2 أسبوع و 5 يوم



يا قلبي
صوت الطقطقة كشفت عليه ولا البنشري اللي قلك ؟
ترا احتمال كبير يكون صوت تكايات وتغيّر التكايات وصل الله وبارك مايحتاج تغير المكينة بكبرها ولا تبيعها


up 1 down 0
a7mad-78 1
قبل 2 أسبوع و 5 يوم



يا قلبي
صوت الطقطقة كشفت عليه ولا البنشري اللي قلك ؟
ترا احتمال كبير يكون صوت تكايات وتغيّر التكايات وصل الله وبارك مايحتاج تغير المكينة بكبرها ولا تبيعها


up 0 down 0
a7mad-78 1
قبل 2 أسبوع و 5 يوم



عليكم السلام
ركب مكينه يارجال حرام نافض الموتر ومجدده تبيعه عشان
تخبيط وكل السياراات تخبط وموديلات جديده بعد ويركبون
مكاين من التشليح وماشيه
مواترهم من احسن مايكون وضمان و٤٠ يوم اشوفها كافيه
والضمان معروف على الدخان والصوت والتهريب والنقص
باسبوع واحد تقدر تعرف المكينه هي نظيفه ولا لا
التوضيب بحاله واحده
اذا تعرف ورشة متخصصه ويضمنون شغلهم


up 0 down 0
عاشق البيداااء 40
قبل 2 أسبوع و 5 يوم



ان تبي نصيحتي , انا لو بمكانك ابدل الماكينة و استخدم السيارة سنوات لين ربي يفرجها. و اعجبني رد الأخ أحمد, تأكد من التكايات
يمكن منها المشكلة لا تسمع اول واحد تأكد أكثر من مرة يمكن ما تحتاج تبدل الماكينة. اغلب الميكانيكة روحهم الفلسفة يسوي نفسه
ابو فهيم و هو ما يعرف وين الله حاطه لذلك شوف التكايات. تأكد من التكايات قبل لا تدخل في ميمعة تبديل المكينة.


up 0 down 0
بدر الباثفايندري 1112
قبل 2 أسبوع و 5 يوم



غير مكينة ايش عندك مشكله
ترا عادي فك مكينه سقط مكينه واكرفها كم سنه قدام والمكينه تبان من اول اسبوع وعلشان اريحك انت ماشي عليها 500 الف يعني تقريبا عمرها الافتراضي انتهى و انصحك بالمكينه المستورده من اليابان تلاقيها نظيفه مره هناك مايستخدمون السيارات كثير والله يوفقك


up 0 down 0
دييكو
قبل 2 أسبوع و 4 يوم



ليست صوت تكايات فقط
باين عمود الكرنك بدأ يصلب السيارة توصل 3000 دورة تسمع صوت طقة قوية وكأنك ضربت فرامل بقوة وهذا عمود كرنك وأذرعه

السيارة الان في جده لتغيير المكينة ان شاء الله تكون مكينة كويسة بعدها نقرر نبيعها ولا اخليها






up 0 down 0
ammooorit 6
قبل 2 أسبوع و 4 يوم



اذا تبغى تبيع لا تخسر 
اذا خسرت مكينة مب جايبه خسارتك بيعها مخبطة افضل 


up 0 down 0
سعد الحريري 69
قبل أسبوع و يوم