أضف سؤال أو موضوع جديد          

كيفية فصل عداد افالون 2019 وتصليح وكالة تويوتا السيء

up 1 down 3
شرقااووي1212 16
قبل سنه و شهر



السلام عليكم
قدر الله علي وصار حادث واصل للشاصيه
الوكاله سعرت التصليح بحوالي ٥٠ الف ومنها وصلتين للشاصيه تتغير
اكتشفت ان التأمين منزل سعر الاصلاح ل٣٠ الف ريال ووصلات الشاصيه انسحبت وتعدلت وانوزنت
وكل هذا بقصد التوفير رغم اني دافع نسبة تحمل ٦٣٠٠ ريال
تخيلوا الرديتر فيه ميلان وضربه والريش حقته بحجم اصبع مقطعه
يقولون لي عادي وتمشي وبيعطوني ضمان، مسخره مابعدها مسخره ومافي ظهر للاسف
والنظام معهم مو معي
لذلك فكرت افصل الطبلون سنة كامله
لين الممشى يصير طبيعي بعد سنة واسلم السيارة للبنك وادفع لهم اجراءات فسخ العقد واللي هي دفع ٧ اقساط
واطلع من مشكلة الكيلو الزايد مع البنك عند الارجاع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وتوبة اطلع سيارة باقي عن طريق البنك
سيارة مالها ١٠ شهور من طلعت من الوكاله
ووتصلح بالوكاله بطريقة ترقيعية تقهر


up 0 down 0
شرقااووي1212 16
قبل سنه و شهر



نسيت اقول لكم
ان الرفارف تسمكرت وانحط عليها معجون
وجسر الرديتر جايبين لي ياه كانه قطعه من التشليح
وقتها عرفت ان جسر افالون قديم يركب ع ٢٠١٩
تخيلوا بطن السيارة جديد لان السيارة جديدة
ولمن تجي تشوف جسر الرديتر تلقى جسر لونه بني مشهب
نفس لون قطع التشليح بالضبط
بني فاتح عليها صدى والوان مختلفة بني غامق وبني فاتح


up 1 down 1
شرقااووي1212 16
قبل سنه و شهر



اخوي اذا هم عملو خطأ لاترد عليهم بخطأ .. تقدر تشتكيهم للجهات المعنيه بدليل
و حسابهم عند ربهم اذا كان في غش في عملهم .. الله يكتب لك الي فيه الخير


up 2 down 0
nescafe 66
قبل سنه و شهر



حسابنا كلنا عند ربنا
هذا بيع غبنة



up 1 down 4
شرقااووي1212 16
قبل سنه و شهر



التأجير المنتهي بالتملك هذا بلاء والتأمين الشامل فقط اسم بدون فائدة ولاحسيب ولا رقيب عليهم
الحمدلله افتكيت منه وخلصت اقساطه وارتحت وتووووبه اخذ سيارة بالنظام هذا
حكيت برصيف مره ماتكلف ٢٠٠ ريال..قلت انا ادفع لتأمين خله يصلح..قالو ادفع نسبة تحمل ٢٥٠٠!!!
لو اشتري صدام وارشه ماكلف ٨٠٠ ريال. الله يعينك وينصرك عليهم بس


up 1 down 0
ابونادر2030 59
قبل سنه و شهر



اطرف واحد ينزل لك العداد أو يفصله ورح عطهم سيارتهم يتصرفون فيها


up 0 down 4
mohammed shareef 1085
قبل سنه و شهر



اذا هم خالفوا شروط العقد بينك وبينهم النظام لكن تروح وتفصل العداد ما اشوف لك حق ابدا خصوصا انك بتضر الي بيشتري منك السيارة في المستقبل والي بيشتريها منه ما راح تضر الوكالة او التأمين. ولو احد نزل موضوع ان شريطي لعب في عداد سيارة كان كلنا دعينا عليه فلا تسمح لنفسك بشي تمنعه عن غيرك.


up 4 down 0
ابو عبدالله riyadh 271
قبل سنه و شهر



اشتكيهم

وإذا ما قدرت تاخذ حقك لا تعالج الخطأ بخطأ واطلب العوض من ربك

لو فصلت العداد وسلمت السيارة للوكالة رح يبيعوها لواحد ما يدري عن كل السالفة


up 3 down 0
مفقود 955
قبل سنه و شهر



عليكم السلام
يااااااكثر مشاكل هالتأجير المنتهي بالتمليك صدق من سماه
منتهي بالتفليس والسبب انه حرااام شرعا
عقدين في عقد وفوقها كل الشروط والبنود ضد العميل

سيارة مستخدمه نص نظافه ابرك بمليون مره من سيارة
جديده بالنظام هذا


up 0 down 1
عاشق البيداااء 65
قبل سنه و شهر



والله ياعاشق البيداء ماكنت عارف عن لعبة التامين والتصليح الترقيعي حقهم بالوكالة
لو ادري والله ماطلعت سيارة من البنك ابد
قاط فيها قسط ٢٣٠٠ بإمكاني اجمع كم شهر واشتري سيارة مستعمله
بس قلت سيارة جديدة وانا بدفع ودام بدفع ماراح يكون في مشاكل
وبغالبية العقود البنكية يلحق العميل فائدة وقبلت فيها
لان كنت ناوي اسدد بدري واسرع بس يوم شفت تصليح الوكاله
عرفت انه بيع غبنة ولازم اطلع منه بأقل الاضرار
وابشرك لقيت القطعه قيمتها حول ٨٠٠ ريال ومن المانيا
الكمبيوتر حق مرسيدس مايصيدها ولايدري ان الكيلو توقف
سنة وبرجعها للبنك وياباب مادخلك شر
اللي بيجي بعدي يبي يشتريها اكيد بيفحص
واذا فحص بيطلع معه الوجهيه صار فيها حادث ومتسمكر والبدي فيه معجون
حتى الباب صار فيه معجون لان من قوة الحادث المراية انكسرت وخدشت الباب
اللي بيشوف كل ذا وبيشتريها ماظنتي بتفرق معه ٣٠ الى ٤٠ الف كيلو
مو محسوبة من ضمن العداد


up 1 down 2
شرقااووي1212 16
قبل سنه و شهر



طيب ليش ما ترجعها الحين للبنك ؟
او اعرضها تنازل اذا مرة نفسك طابت منها


up 1 down 0
مثقف سيارات 1143
قبل سنه و شهر



أسأل الله العظيم أن يعوضك خير
والحمدلله على السلامة
لاتدخل بشبهه وحرام بشيء مايسوى
انت بتغشهم وهم بيبيعونه على غيرك وبذمتك
من عاش بالحيله مات بالفقر
اذا انت ملزم اتصل على شيخ وأسأله عن طريقتك هل حلال او حرام
والافضل برأيي انك تعرضه للتنازل والدنيا ربح وخساره
واصل التأجير بصف البائع وقيمته عاليه
والافضل قرض شخصي وتشري سياره او تشري بقدر فلوسك
وأخيرا تراك تضر نفسك وذمتك ولاتستاهل انك تغش مسلم
واذا لك حق خذه بالمحاكم واذا مالك شي انت بنفسك وقعت ورضيت بشروطهم
ادري انك متخسر فلوس وشغلهم مااعجبك بس انت من راح ووقع ورضي بشروطهم


up 2 down 0
ابو عبدالمجيد. 6
قبل سنه و شهر



الحمدلله على سلامتك والله يعوضك خير ودامك سالم هذي اكبر نعمه الحمدلله، واذا هم غشوك وهذا طبايعهم لا تصير انت مثلهم وتحط شي بذمتك وكل امرك لله وان شاء الله ربي مايخيب


up 1 down 0
abo_salem075 25
قبل سنه و شهر