ابشتري سيارة من معرض وابغى نصائحكم

احذر انك توقع على شيك 

ممكن يضمن حقه بكمبيالات على عدد الاقساط 

الكمبيالات تكفي ليه شيك واحد من الشباب اخذ سياره نفس نظامك واخذ عليه كمبيالات فقط ويوم خلص اقصادها اعطاه الي وقعها ونقل السياره بسمه 

انتبه توقع على الشيك
هو يضمن حقه بالكمبيالات
الشيك عشان لو تأخرت كم قسط يشتكيك بكامل المبلغ وهذا ذكاء منه لكن مكشوف
وبعدين كيف يبغاك توقع على شيك؟
يبغاك تعطيه شيك من عندك بكامل المبلغ
انتبه بارك الله فيك
قول أوقع على الكمبيالات بعدد الأقساط فقط

الكمبيالات تكفي 
ولكن لو اصرّ بالشيك وماتبي تفوت البيعه قوله مافي مانع واكتب له بكل قسط شيك 
يعني القسط مثلا 1000 ريال وقيمة المبلغ الاجمالي 60 الف 
اعطه 60 شيك وكل شيك ب 1000 وتاريخ صرفه يكون مع تاريخ حلول القسط وانت مع كل سداد قسط تاخذ الشيك اللي على نفس التاريخ معك وتشيله عندك لين اخر قسط تدفع اخر 1000 ريال وتستلم منه اخر شيك وصارت الشيكات كلها عندك لا ضرر ولا ضرار

اما لو طلبك شيك واحد بقيمة 60 الف هنا ارفض وكنسل كل شي لان لو صار اي شي لك وماسددته قسطين ثلاث ووقتها لك سنتين مسدد وتأخرت اخر 3 اقساط لأي سبب بيروح بالشيك يصرفه ومايحصل رصيد لصرفه راح يطالبك وقتها بالمبلغ كامل والشيك كذا يسجنك ع طول وعلاوة ع السنتين الماضيه مدفوعه وتصير مديون له بالمبلغ كامل

اتمنى وضحت الصورة

الشيك أداة وفاء وليس أداة ضمان
أي استخدام آخر للشيك يعرضك للمساءلة القانونية
إذا ما عندك رصيد أو لا تضمن الرصيد لا توقع شيك
ختاما مد رجولك على قد لحافك ما تقدر تشتري سيارة خذ إن شاء الله سيارة موديل 2000 ومشي حالك فيها حتى ييسر لك الله
الكمبيالات والشيكات بداية للهم والغم وإني لك ناصح

ابعد عن الشيك
الكمبيالات أأمن طريقة وتضمن حقوق الطرفين

كمبياله وشيك والله اي تعثر ماراح يرحمك ولااقدر اي ظرف لك شيك بدون رصيد قضيه ثانيه