رايكم بالسيارات الصينية ؟؟

وعليكم السلام
الصينية لم تتواجد لفترة تصل لخمس سنين سوا الجيلي وشركات قليلة
واقبال الناس عليها بسبب سعرها وضمان الوكيل والا لم ترسخ في وجدان الناس لانها لم تتجاوز سنين كثيرة
وماحد يقدر يحدد الا ناس امتلكوها لسنتين واكثر قليلا اما ٥ سنوات ماحد راح يفيدك الاقليل من الناس
احد اقاربي اشترى جيب جيلي وسنتين زي الحلاوة لكن بعدها ماعاد يقدر يسافر عليها بسبب الوكيل ماكان يوفر الفحص الدقيق والخلل وكل فترة وفترة وهي تخرب عليه في حاجة
احتمال زادت الجودة فيها مع تنوع الشركات وعروض وكلائها وصياناتهم
واذا عندك شركة تبغا منها يوجد قروبات لها بتلقرام تقدر تستفسر منهم وموفق ان شاء الله

و عليكم السلام و رحمة الله و بركاته
هم للأمانة متقدمين في التكنولوجيا و اسعارهم معقولة بس انا اقول نصبر عليهم سنوات لأنه انتشارهم قليل اكثر شي الكوري
و الياباني و الأمريكي الصيني له انتشار بس مو مثل الباقيين. وانا لو بشتري بشوف لي شي ماشي سوقه مثل الامريكي او الياباني.
و الصين بصراحة عقب الكورونا حقدت عليهم ما بي اشتري منهم شي.

مشكورين على الرد والافادة

أنا اشوف حتى شركات السيارات العريقة ما صارت سياراتهم زي أول من حيث الجودة
وهم قاصدين هذا الشيء لتقليل التكاليف و لتسريع دورة الاستهلاك
يعني اول تخدمك السيارة 10 سنوات بالراحة وممكن تتجاوز 20 سنة للمحافظ
الحين اللي سيارته تحت 2010 غالبا انه يعاني منها مهما كانت الشركة..
لذلك اشوف الصيني خيار جيد اذا أنت ماتهتم بماركة السيارة كتشخيص
لأن في ناس يهمهم هذا الشيء -وأنا صرت مثلهم أجل اقعد لحالي:) -
كبرستيج في زمان المظاهر
الله يكتبلك الخير ومن يقرأ هذا التعليق..

اشكرك اخي qefari2 على المشاركة

فعلا كثير من الشركات تصنع السيارات حتى تعيش اقل وقت ممكن وخاصة بعد الضمان ما ينتهي حتى تشتري قطع غيار او تغير السيارة لانه عمرها الافتراضي انتهى.

اشوف اغلب الصيني يصرفون علي الاكسسورات يعني بلوتوث وغير من الشكليات والحين بدو يهتمون في الشكل
اول بدت جيلي وكانت فاشله الحين في اكثير من شركه بس لازم لهم وقت عشان يتطورون ولازم ينزلون سياره ذات جودة
قبل فترة شفت سياره شانجان جديده واقفه وتهرب مويه كثير من تحت والسياره ب قراطيسها وقطع غيار الصيني غالي حاليا
ما لنا الا نصبر فتره وغير كذا صراحة الصيني سعرة مو مغري يعني بين الصيني وغيره من السيارات الي لها مكانة فرق بسيط

يعني بعض جيوب الصيني سعرها حول 80 الف الجيوب الصغيرة ب السعر هذا ازيد واشتري نيسان او هونداي سيارة جودة اعلي ومعروفة وقطع متوفرة ويعيش معي موتر مشهور ومعروف