في علامات تدل على أن المعرض أو البائع متحايل تعال شوف.
6
1
إضغط هنا للإخفاء
السلام عليكم، تحية طيبة لكم وبعد..
الموضوع هذا يعلم الله أنه حرصًا على سلامتكم من التحايل، والتحايل ممكن ما يكون سوء بجودة المعروض لأن بعض المعروض جديد، لكن السعر أعلى من غيره. لذلك اتبع نهج النبي عليه أفضل الصلاة والسلام عندما قال (دع ما يريبك إلى ما لا يريبك)
وانحش عن كل بائع غير واضح في إعلانه أو كلامه واختصر وقتك وشوف غيره قبل تبلش معه.
ومن هذي الصور للريبة
يخفي سعر السيارة، وأنا صراحة ما أثق بأي بائع أو معرض يخفي سعر السيارة ويقول عند الاتصال أو على السوم وهو مقفل الردود أو يقول السوم من صامل كذا وكذا أو يقول وصل السوم على الخاص كذا وكذا. أنا أبي أختصر وقتي فاعرض سعرك وأنا بقارن بدل المشوار الطويل. ولو تلاحظ أن أغلب الصريحين بعرض السعر هم الصادقين بتعاملهم. عكس المريبين.
ومن الصور الأخرى يخفي بعض البيانات عن السيارة. مثلا يقول رش تجميلي ، هذي الكلمة أكبر خدعة ببيع السيارات. أو يعرض لك ممشى السيارة بالمايل وليس بالكيلو ويتركه كذا مبهم وأكيد أنت بتفهمه كيلو لأن هذا هو المتبع عندنا. فتنخدع.
الزبدة .. انحش عن أي بائع يدسدس ببيانات بيعته وعرضه مبهم غير كافي.
اللهم اغننا بحلالك عن حرامك وبفضلك عمن سواك.
والسلام عليكم.
إبلاغ
الردود
بالنسبه للجديد مدري وش وضعهم اذا يتحجج بتغير السعر
يقدر يكتب ملاحظه السعر متغير او غير ثابت
والمفروض الادارة تبع الموقع تلزم اي اعلان
عن سيارة جديده يكتب السعر
واللي يدبل الكبد هاللي ينزل اعلان ويقول باقي التفاصيل
على الواتس طيب مثل ماقدرت تكتب اعلانك بالموقع تقدر
تكمل التفاصيل بعدين وش الفايده ان باقي التفاصيل على الواتس او الحكمه؟
راح تجييك رسايل بالهبل وكله بتسألك عن تفاصيل السياره شيء غريب
واللي تسأله عن الممشى او حالة البدي ويطنش ويرد على السومات ويحدث كل شوي عن
كم وصل السوم
المشكله 70% او اكثر من الاعلانات غير واضحه وناقصه
1
0
6
0
2
0
صحيح الغير واضح في تعاملة وفي اعلانه ولا يحط رقم التواصل ابعد عنه من البدايه وريح راسك
واذا كان العرض ممتاز ولقطة فاعرف انه غلباً نصبه
شفت سيارة في اعلان وكلمته والموتر مامشى شي ونظيف وضربت مشوار من الدمام الى الرياض وفي الاخر السيارة معدلة والكمبسر خربات ويحلف انه ماخرب الا اليوم الصبح والبدي مرشوش ومايء الرديتر مغطي المكينه كلها
والثاني في الجبيل رحت له وكان كل نص ساعة يتصل علي متى جاي وصلت ولا باقي
وطلعت سيارة شركة من تحت رايحة فيها وجايها صدمة قدام
الموضوع منتشر مع الاسف واستغلال للناس خاصة هذي الايام في قسم الاجهزة والناس تدور كمبيوتر ولا تابلت للمدارس
شفت اعلانات لاجهزة معروضة اعلى من سعرها جديد قبل 4 او 5 سنوات وبعظها مايدعم البرامج الجديدة للمدرسة
ايباد 2 و3 الي لها اكثر من 7 سنوات يبي يبيعها بسعر الجديدة اليوم
ولا يحط صور مبهمة بدون تفصيل وفي ناس ترقع وترفع السعر على شي مايدرون عنه واذا طلبت صور طلب واتسب وارسلك صور مو واضحة
والمسكين يتدبس وبعدها يتفاجاء ان الجهاز ماصلح لعياله
2
0
و شي ثاني يحير ،، موتر حكومي من 2010 و ماشي 100 او اقل ،، صدق هد ولا يمزح
4
0
قاعدين. من الآخر هذا سعري عاجبك مبروك عليك, ما عاجبك مورتي معاي و فلوسك معاك.
2
0
موقع حراج أرسلت لهم من فترة اقتراحات ومن ضمنها تحديد السعر وبالنسبة للمزادات يحطون خيار اعتماد السومات بالاسم. والعربون يروح للموقع كتأمين.
ولكن محد رد نهائيا.
لو فتح موقع أشد صرامة وتنظيم من موقع حراج أتوقع يصير حراج مثل موقع مستعمل ولا عليه إقبال.
0
0
0
0
انا استغرب من الناس ما تشوفون شوارعنا سيارات ما كملت سنة تصير لها حوادث من سواقة البعض وهذا منتشر عندنا عكس دول جنبنا
ب خصوص الي يخفي عيوب السياره بينك وبينه الفحص قل لة قبل تروح تري راح افحص في مركز متخصص
صارت لي من قبل رحت ل واحد من الدمام ل الرياض واخر شي فيها عيوب وغير كلامه الناس ما تصدق بس الشكوي لله ما لك الا الفحص وصدقي لو غش ما يتوفق في بيعها
0
0
له من كل مكان والغريب ان بعض المعارض تجد له تقييمات ضخمة ومنتهج نفس الاسلوب
العجيب ان البعض يقول عرض خاض ومخفي السعر
0
0
0
0
والي يقول السوم وصل 30 والموتر حده بالغصب يجيب 15 - 20
والي يقول انا شريت السياره من دون فحص
والي يقول ما ادري عن البدي
في مره قابلت شخص وقالي الموتر في تبهيت خفيف من الشمس وبعد الفحص تبين ان التبهيت بسبب رش سابق
ولا يقولي يمكن السواق رشها وانا ما ادري
1
0
من الألفاظ اللي يتداولونها شريطة العقار( بناء شخصي )يعني عشان الزبون يفهم إنها ماهي تجارية وإنه يرغب فيها السكن بنفسه ولكن هو يقصد إنه بناها بجهود شخصية وهذا تدليس على الناس
وغيرها كثير
1
0
بالنسبة للمعارض الي ما تحط سعر ولا اتابها لانه غير ثقة ومن يكذب بالاعلان يكون اكذب بالبيعواغلب اللوم يقع ع موقع حراج مفروض حسب انظمة وزارة التجارة اي اعلان بدون سعر يحذف
قبل 3 سنه و 7 شهر