للفائدة مشكلة كود P0500 تويوتا ولكزس

2 0

لايمكنك التصويت حتى الحصول على 20 نقطة على الأقل
إضغط هنا للإخفاء

jab132 4
قبل 4 سنه و شهر

السلام عليكم ورحمة الله وبركاته

إلي عنده مشكلة مع كود P0500 لا يستعجل يغير الحساس الخاص بالجيربوكس، فهذي الحساسات ماهي إلا مغناطيس ونادراً تتعطل هي وحساسات الABS،في حالتي لكزس Rx330 2005 طلع الكود P0500 وكانت المشكله من عدادات الطبلون (رغم انه غير متوقع هذا الشئ) نعم كانت منه ١٠٠٪ مع اني غيرت حساس القير قبله ومافي فايده.
الوصف الخاص بالمصنِّع تويوتا هناك ٥ احتمالات للعطل فقط اولها "الدائرة الكهربائية للقطع" المذكورة بالموضوع مثل سلك مقطوع او فيش مفصول.. الخ وثانيا "حساس السرعه الخاص بالقير" و رقم الكود ٥٠٠ يحدد أيهم هو الحساس وفي حالتي هو الأقرب للبطاريه وتحت البطاريه تقريباً بالنسبة لسيارتي والحساس الثاني يكون له رقم كود مختلف ، ثالثاً "عدادات الطبلون" لانه الدائرة الكهربائية موضح من خلالها انها تمر من خلالها ثم بعدها للكمبيوتر فإن كان به خلل مع انها كانت سليمه وشغاله ١٠٠٪ في حالتي لكن يوجد خلل فيه غير واضح وماعرفت انه منه إلا بتجربه مستعمل من التشليح ب٢٠٠ ريال رابعا "الكمبيوتر" وخامسا واخيرا قطعه اسمها skid control ECU وللاسف ما اعرف هذي القطعه لكن اظن نادرا ماتخرب.. واي حساس به مدخل كهربا يمكن معرفه ان كانت سليمه او به عطل طريق جهاز الملتيمتر باختيار خاصية ohm فاذا طلع الرقم ٦٠٠وحولها على ما اذكر فهي سليمه (موجودة الطريقه باليوتيوب وتشمل اي حساس مغناطيسي مثل حساس ABS او القير.. الخ.)
بالنسبه لي كانت من عدادات الطبلون واعراضها خربطه في تعشيق القير فجأة يعشق بالخط بطريقه عشوائية ترجع للاول او الثاني واحيانا ال N وقد تختلف الاعراض من سيارة لاخرى وايضا تعطل مثبت السرعه ونظام التحكم بالدفع الرباعي تعطل لكن الABS ماتعطل وماتولعت لمبته طبعا ماوديتها الورشه سويتها بنفسي بمساعدة معلومات حصلتها من النت والحمدلله ولا كان قالوا القير يحتاج توضيب وتوضب وتدفع مبلغ وقدره وتجي تاخذها تلقى المشكله نفسها حتى لو اشتريت قير جديد وكاله.

واخيرا للتوضيح مو كل سياره تكون نظام الدائرة الكهربائية للحساس تمر من عداد الطبلون لابد بالرجوع ل Wiring Diagram او الدائرة الكهربائية للمشكله نفسها لكل سيارة بالبحث عن طريق قوقل بكتابه الكود واسم السيارة لعلك تحصل الحل.. والي ماعرف يراسلني ويعطيني اسم سيارته وموديلها او رقم الهيكل واحاول قدر استطاعتي.

مرفق صورة لسيارة مشابهه لسيارتي توضح مخطط الدائرة الكهربائية للحساس والقطع المحتمل يكون الخلل منه، وطريقه الكشف على الخلل اولا بأول (الموقع لايسمح بملف PDF فأضفت صورة)


والسلام عليكم ورحمة الله وبركاته

إبلاغ

الردود