المسؤول عن قساوة السيارة الياي او المساعد؟

اليايات هي السبب في القساوة

المساعدات هي المسؤولة عن ليونة وقساوة السيارة


اليايات تعطيك شكل السيارة وهي واقفة، مرتفعة نازلة


بشرط ما يكون مركب يايات رياضية تكون قصيرة وتسبب النطنطة الي تعاني منها


وفقك الله

الله يسعدكم يا اخوان واخر كلام اليايات او المساعدات لان ما ودي اشتري شي يطلع ماهو منه السبب

لا تشتري شي لين تعرض على المختص

غريبه والله معي فورد مثل موترك لكن هدروليك وماودي ابيعه بسبب الراحه

علما ان طول عمري استخدم فوردات وكلهن مريحات يايات او هيدروليك وهذي ميزة الفورد لو الخط 1000 كيلو عادي ماتتضايق

لكن واضح ان راعيه الاول مركب مساعدات ابو كلب

اليايات مشكلتك
تلاقيه مركب يايات تجاري
او انه مركب يايات مو نفس طراز سيارتك
أو مزود كعكات مع اليايات

قبل 10 سنوات كان معي لنكن هيدروليك
ركبت مساعادت للاسف السياره صارت جدا سيئه
عموما الافضل رجعها شد بلدها افضل

في شخص هنا تكلم عن نفس الموضوع ،، يقول ركب مساعد لومينا 2002 و يايات فورد 2010
ليش لومينا الانها تجي طويله

ومره وحده شيك على ضغط الكفرات
قد صارت معي بالفورد كنت مغير كفرات والبنشري معبيها هواء واجد تقريبا على 40psi
واصلا من طلعت من عندها من المحل حسيت الموتر تغير علي من يوم غيرت كفرات رحت شيكت على ضغط الهواء وشفته عالي ونزلته الى 35psi وخفت القساوه بشكل معقول
وعموما ابدا بالبحث عن المشكلة من اقل تكلفة للاعلى
وبالتوفيق

اليايان والمساعدتات كلها كلها دور في القساوة (نظام التعليق )
وايضاً نوع الكفرات وضعطها

عزيزي   الاغلب  انه مركب يايات ماهي  لها .
 بس اللهم انها تركب   على القواعد 
 التقوى   كانو يبيعون  حقت الكابرس  موديلات الثمانينات  على انها حقت فورد استغلو انها تركب  لكن قاسيه  جدا. 
القساوه  شي  والمناقز  شي اخر 
المناقز من المساعدات  اذا كانت لينه  مره او خربانه . الموتر كانك في قارب  في  امواج 
اليايات  الغير  مناسبه  تخليه  قاسي .



اكلمك  من استخدام  فورد  اكثر من ٢٧ سنه