أضف سؤال أو موضوع جديد          

هل ترى إلغاء خاصية الردود في الموقع تخدم التجاره ؟

up 4 down 0
الملك المجهول 157
قبل شهر و 2 أسبوع



السلام عليكم ورحمة الله وبركاته


أنا مقدم على شراء سيارة لكن .....

عقدتني مسأله إلغاء الردود على المواضيع
يعني تضطر تتصل ويقولك سيمت بالمبلغ الفلاني
مع اني متأكد ان السعر مبالغ فيه لكن وش تقدر تقول
مافيه قدامك سوم

زمان بموقع حراج كانت الردود متاحه محد يقدر يلغيها ماعدا
البخس والرد غير الملائم وهذا تتعامل معه الاداره
فيكون السوم واضح وتقدر تزيد او تنسحب
أما الان تغير الوضع وانا ارى انه اضر كثير بالموقع

ما ادري هل توافقوني الرأي أو لا ؟


الحاجه الثانية اللي ترفع الضغط خاصه عند اصحاب المعارض

" السعر عند الإتصال "

ياخي السياره وكاله حط سعرها وخلني اقارن بينك وبين غيرك
انا ادخل الموقع آخر الليل الى الفجر 
ماني رايح مزعجك
 و ان نمت نسيتك.  :)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لو تبغى تشتري شي من الموقع هذا لازم الاستفزاز وعدم الوضوح خاصتا بالاسعار
عشان كذا انزل المعارض واتعب نفسي شوي افضل من اللي حاصل بالموقع


up 3 down 1
ابو عبدالله احمد 3502
قبل شهر و 2 أسبوع



عن نفسي انامن النوع الي يلغي خاصيه الردود ايش ذنبي يجي واحد يخرب الاعلان او يخرب الردود لاكن تقدر تتواصل على الخاص وتستفسر ويرد عليك موشرط تتصل عليه 
فيه عينات هي الي خربت الموقع تكتب الموتر للبيع يجي يقولك تبدل فى الموتر الفلاني اويشوف الي قبله سايم مثلا 1000 يجي يسوم 500 يقول على قد فلوسي !! 
ولاعينات الي يرفع السوم ولين تواصلت معه معاد رد قفل الردود الصامل المهتم بيتواصل معك 
اتمنا تعليقي مايزعل احد لاكن هذا الواقع 


up 7 down 3
k 6 4 i 1150
قبل شهر و 2 أسبوع



K64i
اتفق معك 100%


up 3 down 1
legacy2010 -6
قبل شهر و 2 أسبوع



وفي ناس تنزل اعلان لسيارته بهدف يعرف كم يوصل سعرها ولا له نيه يبيع .. والبعض ينزل صوره يستعرض بسيارته ويبحث عن مزادات وهمية.. لذلك انا اشوف اللي يقفل على اعلانه هو الجاد في البيع..
واي مزادات او سوم بدون عربون اعرف انه كلام وهمي.. وسلامتكم


up 1 down 1
legacy2010 -6
قبل شهر و 2 أسبوع



مقدر للشباب ردودهم و تأييدهم إغلاق خاصيه الردود 


لكن

السيارات الجديده ليه مايحطون السعر لانها بدون سوم
واصلا عدم وضع السعر يتعبر مخالف


up 2 down 0
الملك المجهول 157
قبل شهر و 2 أسبوع



اتفق معاك المشكلة ان الشريطيه غزو موقع حراج قبل كم يوم اتصلت على راعي معرض شريطي وسألته عن لكزس 16 ES350 قالي 185 الف قفلت الخط في وجهه من القهر
ليت موقع حراج يفتح خاصية الردود على الاقل نعرف الاسعار والسوم وين وصل
المشكلة ان الشريطي تلقاه مسوي له اكثر من حساب ويزايد على روحه الله لا يبارك لهم في رزقهم ان يستغلون حاجات الناس وجهلها


up 0 down 0
هكر القلوب 16
قبل شهر و 2 أسبوع



قبل كم يوم بعت سيارتي
لمن نزلت الاعلان وفتحت الردود بخسو سعرها للارض وربي انقهرت
بعدها بيوم رتبت الاعلان وحديت السعر وقفلت الردود
ثاني يوم اتصل علي واحد وقال شريت بحدك ورحنا فحصنا وطلع اشياء استهلاكيه ونزلت له الف ريال
عشان كان معي محترم وباين انه يبي يستخدم وتمت البيعه بنجاح

والله اقفل الردود لان عارف مثيلاتها بالسوق تسوا 20 ويجيني واحد مطفي النور يسوم ب 10 ؟؟



up 0 down 0
فـهـــــد الفهد 446
قبل شهر و أسبوع



والله ياجماعه بالنسبه للبخس
لو انك في المعارض و تواجهه وجه بوجه لازم سعر السياره
الشريطي يبقى شريطي 
لكن في موقع حراج انا اتسدح اخر الليل و اشوف السيارات
بتلقى ناس تبخس بس بتلقى السوم تعداهم
هذا بالنسبه للمستعمل
اما الجديد فالسعر عند الاتصال ——-> وين اكلمك اخر الليل


up 0 down 0
الملك المجهول 157
قبل شهر و أسبوع