أضف سؤال أو موضوع جديد          

هل خروج الايرباق يعتبر السيارة تالفه

up 1 down 1
ماهر السلاطين -1
قبل 3 أسبوع و يوم



السلام عليكم ورحمة الله وبركاته 
اخواني انا شريت سيارة من مزاد وبعد سنه من الاستخدام
حبيت ابيعها 
وعند الفحص تبين ان السيارة مصدومه بحادث قوي
وخرج جميع الايربقاات في السيارة

هل يحق لي ان اقدم شكوى علي المزاد بعد مرور سنه علماً اني لا اعلم الا الان 

ياليت اللي عنده خبره في هالمواضيع يدلني
وجزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت شريت خلاص
حتى لو بعد يوم مانقدر تسوي شي
تخسر ٤٠٠ ريال فحص ولا تخسر عشرات الالوف
حتى لو مزاد جيب معك سمكري وميكانيكي عطهم ٢٠٠ ريال يكشفون على السياره وهي واقفه ارفعها بعفريته من الامام وخلهم يشوفون بيوضح كل شي حتى من الخلف ارفعها وخلهم يشوفون
وفيه اجهزه رخيصه تفحص البويه يمديك تفحص انت وبكل سهوله



up 1 down 1



بخصوص الايرباق او الاكياس الهوائيه
تقدر تصلحها وترجع مثل الوكاله بس مكلفه جدا

السيارات اللي خرج ايرباقها غير مرغوبه عند البيع
اعتقد الفحص الدوري تمشي
بس بعد فتره يمكن ماتمشي الانظمه تتطور


up 0 down 0



بس فيه واحد من الاصدقاء عنده سيارة نظام تأجير صار عليه حادث وطلع الايرباق 
خذها البنك منه وقال التأمين مايصلحها وتعتبر تالفه مع العلم الضربه خفيفه ماتكلف حتي 4 الاف
علشان الايرباق طلع وقالو مايجوز بيعها


up 1 down 0
ماهر السلاطين -1
قبل 3 أسبوع و يوم



التأجير او الاقساط
يختلف عن الملك
الملك تتصرف فيها تصلح او تبيع والتأمين يعوضك فلوس

التقسيط أو التأجير المنتهي بالتمليك يبيعون السياره على المزاد وياخذون تعويض من التأمين ويقفلون ملف السياره
الاقساط اللي دفعتها كأنها اجار مايعطونك شي

تقديرات الحوادث هم يحددون تالف او لا
اعتقد اذا كانت منقلبه او طلع ايرباقها او ضربه في الشاصي يكتبون عليها تالف وتباع في المزاد



up 1 down 0



استخدمها مش حالك اعتبرها هايلكس سعودي
بدون ايرباقات الى موديل ٢٠١٥ الا بفئة الدبل
و الناس تشتريه و تبيعه ما فرقت معهم الحافظ الله
او بعها اذا خايف على نفسك و بلغ المشتري بهالعيب
و الله يعوضك الشكوى لله


up 0 down 0
مثقف سيارات 1089
قبل 3 أسبوع



ب خصوص الشكوي ما تقدر اي سيارة من مزاد مكتوب في ورقة المزاد قبل ما تدخل المزاد انت غير مسولين عن اي شي يعني تشتري كوم حديد
طبعا الناس تشتري وبس لان سيارات المزاد موديلات حديثة بس اغلبها ل شركات وما فيها شي عادي بعض السيارات طيبة وبعضها فيها عيوب
وانت شاري قبل سنة واستخدمت حتي لو من معرض او فرد يمكن ما يرجعونها لان فترة طويلة واذا رجعو راح يخصمون فترة استخدام
ب خصوص الايرباغ استخدم وما فيها شي وحاول تغير الارباغ من التشليح اذا السعر مقبول او غير جلد مكان الارباق الي انفتح واستخدم وانسي الموضوع
الفحص الدوري حاليا ما يفشل السياره في الارباغ رغم هذا معمول فيه في بعض الدول ولكن سمعنا كلام ان قريبا اي سياره ارباقها مفتوح
راح يصير لها تسقيط لوحات لو مرت الفحص سمعنا مو اكيد


up 1 down 1
الشرقية ماركت 145
قبل 3 أسبوع



قدم شكوى واخذ حقك تعبنا من النصب والغش في المستعمل


up 0 down 1
m-otaibi -2
قبل 2 أسبوع و 5 يوم