ماهو الافضل بين الهافال والشانجان

الناس أذواق شف احتياجك ورغبتك والشكل اللي يناسبك،، بالنسبة لي راح اختار الشانجان عشان الدبل

اذا بتاخذ نصيحتي خذلك باجيرو بنفس هذا السعر تقريبا وابعد عن الصيني ووجع الراس

يالغالي نصيحه لوجه الله
لاتتورط في السيارات الصينيه
لسا قطعها ماتوفرت بالشكل اللازم
ولا أثبتت اعتماديتها


زي ماقالك الاخ
فلوسك تجيب باجيرو وكاله
والا شف لك تويوتا مستخدم اخو الجديد
وكده وانسى
هذي نصيحة مجرب

صديقي عنده باجيرو 2020 .. يشتكي منه وندم انه اخذه ، إضافة الى انه يشفط بنزين بدرجة كبيرة .
وبالنسبة للسيارات الصينية فتجارب بعض ملاكه من موديل 2017 يثنون عليه للمستخدم العادي ( لا سرعة ولا طعوس ) .
والله أعلم

الفرق هافال مكينة 2000 سي سي 197 حصان. و قير 7 سرعات دبل كلتش والفرق بينها وبين اعلى موديل هو تنبيه المسارات و البانوراما يعني مو شئ ضروري.
شانجان 75 مكينة 1800 اشوفها صغيرة و قير 6 سرعات
تقريبا كلهم ضمان 150 الف و 5 سنوات
المجدوعي اشوفه افضل
هافال الدفعه الاخيرة نزل فيها ابل كار بلاي
السعر من صالح هافال وكذلك المواصفات وتعتبر شركة قوية في الصين تتبع ل great wall
العيوب اللي قد تكون مشتركة هي دفع هواء المكيف, مافي ملاحة, مافيها نظام صوت, البلاستيك والجلد من درجة ثانية او ثالثة.
والدبل في 75 ما اعتقد انه مستمر يعني لازم توقف علشان تشغله و حدك 60 لو ماتحتاجه بيكون مجرد وزن والمكينة صغيرة ويحتاج صيانة بعد فترة وغير قيمته اعلى. هذا كل اللي قدرت اجمعه

الالمان في مشاكل بقير الدبل كلتس DSG
VW و غيره
اختار قير معروف تبترونك
المحرك الافضل تنفس طبيعي
و الانتاج غير صيني
قارن بالاسعار مع الكوري او الياباني
و لو تضحي تاخذ مواصفات اقل
مهو لازم فول كامل ! مثل ما يكتبون البعض باعلاناتهم
الاهم الجودة و المواصفات الاساسية
مثل مثبت السرعة اذا تفضل دفع مستمر
الباقي ممكن تركيبه
انا اخذت راف فور استاندر طيس و مسجل ابو كلب
فضلته على توسان هونداي لسبب واحد جودة التكييف
و ركبت جنوط و شاشة و كشافات و ماشي الحال

الخلاصة لا تنبهر بكثر مواصفات الصيني
لكن بسعره ممكن بديل بسعر سيدان ياباني
تشوف كروس اوفر صيني استاندر
لكن فل كامل و نص فل بقيمة جيوب افضل تصنيع
لو اقل مواصفات و شكل قديم فأنت تخاطر
حسب ميزانيتك تحصل و مدري الاسعار مع الضريبه او بدون
شانجان افضل وكيل المجدوعي اذا مرة ملزم

لومكانك والله ماحطها فى صيني شف عندك ياباني كوري خيارات كثير برضو فيه بمبلغ الي معك 
لاتورط نفسك فى الصيني مافلحو فى شي 
اكبر دليل عندك شركه جيلي اول ماطلعت هبت فيها الناس جيلي وجيلي 
الحين تقريبا انقرضت من الشوارع فك نفسك منها 
وغير هذا كله قطع الغيار مالك الى وكيل فقط تبي قطع تنجبر تاخذ من الوكيل بسعر الي محدده عكس السيارات الثانيه المنتشره 
بغيت قطعه مستخدمه مثلا منت محصل فى التشليح واذا حصلت استغلك وبرضو لواحتجت لمبلغ واضطريت تبيعها لاقدرالله ينخسف سعرها لى انه غير مرغوبه
 دام الفلوس معك وتوك مااشتريت فك عمرك منها

المكيف بعز الحر لصالح الشانجان بجداره

يجي واحد يقولك ليش المنتدى مافيه تفاعل رديت بالموضوع واعطوني ديسلايك طيب ناقشني واطرح وجهة نظرك وافكارك بدون ديسلايك 

لاشانجان ولاهافال . خذ نيسان اكس تريل مريح واقتصادي وسعره مقارب لهم

ركبت من المطار للمنزل مع كريم ، شانجان cs75 الجيب المتوسط، وسولفت مع صاحبها عنها، يقول:

السيارة ٢٠١٨ ماشية ١٢٠ الف، بدون اي عطل او مشاكل ابداااا.

لكن المشكلة الوحيدة على كلامة غلاء الصيانة الدورية في الوكالة:

تغيير زيت القير كلف ١٢٠٠ ريال
ومثلها تقريبا الفحمات الامامية والخلفية

وايضا تغيير سير التايمن كلف حول ١٦٠٠ ريال

طبعا يقول لازم اواصل مع الوكالة عشان ما اخسر الضمان..

السيارة مركبها حلو وراسية وهادئة ودخلت مزاجي لولا موضوع غلاء الصيانة.

لكن لو اشتريتها مستقبلا راح اترك صيانة الوكالة بعد اول سنة لما اتأكد ان السيارة لا يوجد فيها عيوب مصنعية

وسلامتكم..

هافال متخصصين في الجيوب و واضح سيارتهم اقوي
شانجان شكل ومواصفات اكثر بلوتوث وغير ذلك