تجربتي لاستخدام سنتافي لمدة ٧ سنوات
14
1
إضغط هنا للإخفاء
السلام عليكم ورحمة الله وبركاته
اعرض لكم تجربة استخدام سيارتي سنتافي ٢٠١٤
بعد استخدام ٧ سنوات وثلاث شهور
والممشى ٢٠٥ الاف
السياره سته سلندر فل كامل
اولا الايجابيات
١/ سياره ممتعه في القياده
٢/ السياره عمليه ونشيطه ودعستها حلوه
٣/ قطع الغيار الاستهلاكيه متوفره بسهوله وقيمتها معقوله وهذا اللي خلاني اشتري من هونداي
٤/ سهولة صيانة السياره ومافيها اي تعقيد حتى في الانظمه والتكنلوجيا اللي فيها الصناعيه يعرفون يصلحونها
٥/ نقاوة الصوره في الكميرا الخلفيه اللي افضل من شركات كثيره في ٢٠٢١
٦/ لم تواجهني بعض المشاكل المعروفه والمنتشره بين السيارات مثل سلف او طرمبة مويه او تعطل مررحه او تعطل زجاج (ولكن توجد بعض المشاكل المختلفه)
ثانيا السلبيات
١/ العزل الارضي مع الحفر والزفلت الخشن وعزل الهواء من وجهة نظري اقل من المتوسط (وفي الشوارع الناعمه تحس انك راكب مرسيدس)
٢/ ايضا يوجد اهتزاز في الكراسي الخلفيه تصدر بعض الاصوات مع الشوارع المحفره
٣/ على حجم السياره تعتبر تشرب بنزين وبمعدل سيارات اكبر منها
ثالثا المشاكل اللي واجهتني في ٧ سنوات استخدام
نهاية السنه الاولى / علق القير الصبح عند التشغيل ويرفض يعشق الين اطفي واشغل من جديد
وتم الاصلاح على الضمان ( حساس قير او حساس فرامل ما اذكر بالضبط)
نهاية السنه الثانيه / المكيف صار حار وتم الاصلاح في الوكاله على الضمان ( لي المكيف وحساس وفريون) ومن بعد السنه الرابعه كل سنه تقريبا في بداية الصيف اغير لي او حساس واعبي فريون
نهاية السنه الثالثه / المرايه صارت ما تنصفط اوتماتيك وتم تغيير المرايه كامله في الوكاله على الضمان
ايضا صوت اسفل السياره وتم تغير جلد المقصات من تحت وجلد عمود التوازن ( خارج الوكاله )
السنه الرابعه/ الازرار في الدركسون لا تعمل وتم تغيير شريحة الدركسون ب ٢٣٠ ريال القطعه وشغل اليد
السنه الخامسه/ صوت تحت السياره وتم تغير اذرعه داخليه وخارجيه وايضا غيرت من نفسي مساعدات وجميع الجلد اللي ببطن الموتر تقريبا ب ٢٠٠٠ ريال
وايضا المرايه الثانيه تم تصليحها ب ١٠٠ لانها ما عاد تنصفط
ايضا تم اصلاح فضاوه في الدوده ب ٣٠٠ ريال
واصلاح قطعة بلاستيك داخل الدينمو قيمتها ٧ ريال بس تركيبها ب ٣٠٠ ريال (اللي عنده سنتافي يعرف هالمشكله وهي صوت بالطاره اذا حركتها وانت واقف
السنه السادسه/ صار في تهريب زيت من وجه المكينه وتم تغيير وجه المكينه ب ٤٥٠٠ تقريبا ( الوجه والزيت والبواجي وسير المكينه وكراسي المكينه والمخرطه وشغل اليد)
ايضا في السنه السادسه خرب البريك الاكتروني وتم تغيره تقريبا ب ٢٤٠٠ مع شغل اليد
(نصيحه / كل ما كثرت التقنيه في السياره وصارت فل راح تكون صيانتها اعلى)
السنه السابعه / طلعت اشارات في الطبلون لمساعد المنحدرات والتراكشن والاوتو هولد وصلب الدركسون
وطلعت المشكله بكمبيوتر الدينمو
وكلفني من التشليح ١٥٠٠ مع التركيب
ايضا الفتحه لان صارلي سنتين ما استخدمتها
فتحتها وبالقوه تقفلت معاي
واعتقد انها تحتاج تشحيم
هذا اللي مر علي في السياره
وطبعا في تغيرات لزيت القير مرتين
والفحمات ثلاث مرات
ختاما اتمنى اني افدت غيري بهذا الموضوع
ولا يعني موضوعي ذم في السياره وتشويها
ولا مدح وترغيب فيها
هي مجرد تجربه نقلتها لكم للفايده
واتمنى اللي عنده تجربه اكثر من خمس سنوات لاي سياره انه يذكرها
ويظل اكبر نقطه ايجابيه عندي بالسياره سهولة صيانتها وتوفر قطع غيارها
واكبر عيب عندي مكيفها اللي من ثلاث سنوات لازم كل صيف اغير لي او اغير حساس واعبي فريون
إبلاغ
الردود
ماهي معقولة الخرابات ذي كلها على ممشى ٢٠٥ ألف يا ان استخدامك سيء والا الموتر فيه عيوب
6
1
عندي المازدا 2010
أكثر الأشياء هذه شد بلدها
4
1
لا تقارنون بين صناعة و اخرى
كل واحد و قدرته الشرائية لا تحرجون احد
4
6
التجربة صادمة من هونداي
في وقت أصبح سعر الاكسنت أغلى من سعر اليارس
وهي نفس الفئة
3
3
مشاكل بكمبرسور المكيف و طقة القير
حسب متابعتي للمواضبع قديما" و حديثا"
و هذا اللي خلاني اصرف النظر عن توسان و طلعت راف فور ١٨ اقساط
قبل فرض اول ضريبة ٥% و الان مكمل معي ١٧٥ الف على خير
ان شاء الله انزل موضوع عن استخدامي له اذا كمل ٢٠٠ الف ان شاء الله
2
0
اللي يسال ويقول يمكن حوادث او سوء استخدام
الموتر لم يتعرض لحادث ولا سمكره وشد بلد الحمد الله
والتغيرات في الوكاله الين ١٢٠ الف
ولاني راعي قومات ولا سرعه
بالنسبه لبعض الاعطال اللي ذكرتها
مثل الجلد والبريك الالكتروني وتصفيط المرايه وشريحة الدركسون
ترا تعتبر جميعها قطع استهلاكيه في هونداي
واتوقع قليل تلاقي احد مستخدم ٧ سنوات وما غيرها
يمكن المشكلتين الحقيقيه اللي واجهتها هي تهريب الزيت من الوجه
وكمبيوتر الدينمو اللي غيرته
والمكيف اللي اغلب ملاك هونداي يشتكون منه
5
1
3
0
اشكرك على طرح تجربتك الله يجزاك بالخير
وفعلا اذا حصلت القطع وحصلت احد يعرف يصلح العطل والله نعمة كبيرة
2
0
التغييرات غير زيت المكينة والقير والفلاتر والبواجي
(في الوكالة)
2016- كمبروسر على الضمان
2018 - مرايات على الضمان كانت تعلق
2018- ظهر الكرسي للسائق على الضمان
2020 غيرت بلف الكمبروسر
اول تغييره للفحمات قبل شهر امامية وخلفية 358 قيمتها
ونظفت الدعسة وللاحتياط غيرت طرمبة البنزين على ممشى 150 الف
0
0
انا كانت عندي سيارة مشابهة كيا سورينتو دبل ٦ سلندر ٢٠١٥ الشكل الجديد
بعتها قبل شهرين كانت ماشية ٢٦٠ الف ما خرب على فيها غير المكيف وغيرت الكمبرسور والثلاجة فقط
غير القطه الاستهلاكية ما خرب على شي في السيارة ابدا ولله الحمد
0
0
بعض السيارات مبروكه
حتى القطع الاستهلاكيه فيها تطول
والجلد والمقصات تستمر سنوات وما تطلع صوت
0
0
كمبيوتر الدينمو حق ايش بالضبط؟
دينمو abs او دركسون؟
0
0
الكمبيوتر حق دينمو الدركسون
نفس عمود الدكسون من تحت يوجد فيه كمبيوتر
الكمبيوتر هذا اذا خرب
راح تولع اللمبات اللي في الطبلون
ويتعطل الاوتو هولد
وراح يتعطل نظام المساعده على النزول من المنحدرات
وفيما بعد تعطل نظام الدكسون الكهربائي وتصير الطاره ثقيله جدا
وتولع لمبة التراكشن في الطبلون
وللمعلوميه اول ما خرب ما ولعت كل اللمبات
بس تعطل الاوتو هولد والمنحدرات
ومشيت على السياره ثلاث شهور وبعدها قفل الدركسون وصار ثقيل واضطريت اغيره
انا اخذت دينمو كامل من التشليح ب ١١٠٠ واعتقد انه مغليه علي لاني كنت مستعجل
واخذت منه الكمبيوتر فقط وركبته على الدينمو حق سيارتي الوكاله
ورجع كل شي تمام
بالتوفيق لك عزيزي
0
0
تعتبر تجربه سلبيه
شكلك شاركت في الحرب العالميه الثانيه
هههههههه
وش باقي ماغيرت
يمكن سوء استخدام او حوادث
......................................................................
تجربتي مع تويوتا شريتها مستخدم مصدوم ومصلح وجهيه داخليه
جلست معي ٩ سنوات
اللي غيرته
كمبروسر مرتين
وفحمات كل ٦ شهور
مساعدات وجلد مقصات مرتين
ودواسة البنزين مرتين غيرتها
صحن وفحمة كلتش مرتين
من ٥٧ الف إلى ٢٧٥ الف وهي على يدي
٩ سنوات
هذا اللي غيرته
اعتبرها تجربه ايجابيه
جربت اغلب ماركات السيارات تبقى تويوتا هي الأولى
قبل 3 سنه