سيارة عائلية مريحة ومعي ٥٥ الف

في الراحة عندك الامريكي وركز على الجنوط الصغار لان جنوط مثل جنط 20 قاسية

وعليكم السلام ورحمة الله وبركاته

الي أعطاك معلومة الاكسبدشن غلطان
الاكسبدشن اريح الأمريكي في فئته...
اسأل اكثر وادخل قروب ملاك اكسبدشن وراح يغيروا نظرتك عن الراحه

تقريبا افضل الخيارات الاكسبدشن ومين قال لك انها غير مريحة

مدري و الله مشكلة الاكسبدشن مكينته تصرف و التانكي اصغر
من اليوكون و التاهو افضل منه كما هو متداول من الاراء اللي مرت علي
اما بالنسبة لرأيي مع ارتفاع سعر البنزين تشوف لك فان ديزل للعائلة
و ان كان ارتفع اسعاره تعدى ال٧٠ كيا و هونداي مستورد
اذا مالك رغبة تبي سيارة تنفع لك شخصيا"
شف الست سلندر و ان كان غير منتشر من الامريكي
الصرفيه افضل ست سلندر
دودج دورانجو من ٢٠١٤ قير ثمان نمر
و في شفروليه ترافرس ما فيها مشاكل مثل اخوه الاكاديا
باقي الجيوب اصغر و المرتبه الثالثه ما تشيل ركاب كبار
و بشكل عام مع سواقة الحريم اعرف كم واحد
مخلي سيارة السواق لوحده من بناته او سيارة صغيرة
توصل امها و خواتها للمشاوير القريبه
زمن جمس كل العائلة يروحون و يجون مع بعض بينتهي
الا اللي باقي يحتاجون يسافرون عن طريق البر

و الله ان السته تبلع بلع مو طبيعي من الثمانيه خصوصا المواتر العائليه

خبرك قديم بالست سلندر
مثل اللي اول ينزل على البليزر و الانفوي 4.3
و اللي على الاكسبلورر القديم 4.0
نفس الثمان الصرفيه
انا اتكلم عن محركات حجم 3.6 موفره
من متابعة و تجارب قنوات السيارات الامريكيه
consumer report و غيرها على اليوتيوب

انا معي فورد اكسبلورر 2012 7مقاعد
اشتريته استخدام امريكي واسافر عليه شهريا 1100كيلو من الغربية للجنوب طلعت عقبات وطرق صعبه في ابها وفيفاء وجازان والباحة وماشاءالله من افضل مايكون
لاحرارة ولاهم يحزنون والصرفية طبيعية داخل البلد يمشي 530كيلو ومع الخط يمشي 600كيلو
اشريت الاكسبلورر بدلاً من الاكسبدشن لأن الاكسبلورر مكينته اصغر فتكون صرفيته للبنزين افضل ويجي منه دفع امامي بدون دبل تفك نفسك من صيانات الدبل ومشاكله
لكن الاكسبدشن فيه ميزة وحده ان مقاعده الخلفية الثالثه تكون اكبر من مقاعد الاكسبلورر

و نسيت اذكر الاكسبلورر الموديلات هذي لا بأس فيها
ارحم من صرفيه الاكسبدشن و اللي مثله
و ايضا" مازدا cx 9 لكن الاثنين المراتب الاخيره
ممكن ما تصلح للركاب البالغين ما يرتاحون فيها
نفس المشكلة البرادو و الفورشنر و حتى اللاند