امل المساعدة في تكيف السيارة

في فيديو في اليوتيوب (سيارتك مع عبدالحق ) تكلم عن هالمشكلة طالما مافي عندك تهريب ودفع الهوا قوى احتمال تكون الثلاجة تعبت اوساخ وتنظيفها سهل
رابط الحلقة https://www.youtube.com/watch?v=8XvqEe0hLUw

اشكرك نجربها خاصة ان دفع الهواء عندي جيد

اخوي احتمال كبير المشكله من الثرموستات 

كيف عرفت ان مافيها تهريب فريون هل فحصتها في ورشه
متى اخر مره عبيت فريون ومتى صارت لك هاذي المشكله هل صلحت شي في السياره ثم جتك هاذي المشكله

كانت معي سوناتا ٢٠١١واخوي أزيرا ٢٠١٣

عقدنا التكييف يبرد ويفصل
ترفع رجلك عن البنزين و تدوس مره ثانيه يشبك
انا واخوي نفس المشكله

المشكله في حساس الكمبرسر لكنه مايغير لوحده لازم الكمبرسر
واعطاله متكرره
انا غيرت الكمبرسر مرتين وبعت السياره وحلفت ما اشري كوري
واخوي راح لصناعية الخليج بالرياض
 ورهم كمبرسر سوناتا ٢٠٠٨ على الازيرا ومشت معاه كم سنه وباعها

الملك المجهول الرجال المكيف الخلفي عنده يبرد والامامي حار ماله علاقه الكمبرسر اوالحساس  لوالمشكله من الكمبرسر كان كله طلع حار 
بخصوص الحساس سبق وخرب عندي حساس الكمبرسر حق هيونداي اكسنت ورحت الوعلان اشتريت منه الحساس مو شرط تاخذ كمبرسر كامل 

اشكر تجاوبكم
فحصت الفريون ست شهور ونقص شي بسيط المهم سحبت الفريون كامل وحطينا زيت جديد وفريون اصلي ولا تغير شي اذا سافرت ع السيارة يبرد من الامام لكن مو التبريد المطلوب بديت اشك بالمراوح الامامية اخوي لو رديت ع كلام الورش كان غيرت مكيف وثلاجة تصدق لكن الله ستر وفحصتهم ولا لهم علاقة بالمشكلة

المشكلة صارت من حوالي سنه فحصت فريون بعد ست شهور تقريبا من تعبئة اخر مره وكان نقص بسيط لا يذكر

احتمال كبير عندك البلف المتجه للثلاجه الاماميه مقفل ويحتاج تبديل اسمه بلف الثلاجه

والبلف المخصص لثلاجه الخلفيه سليم

جزكم الله خير بحط كل هذه الامور وحصها وارد خبير

بلف الثلاجة الامامية

شيك على المراوح الامامية و انه اتجاه دورانها صحيح و ليس معكوس

غير فلتر الثلاجه تلاقيه خلف الدرج
وبعدها افحص قسام الحار بارد (قسام يحول من الحار للبارد والعكس يستخدم في فصل الشتاء)