تقدير اضرار الحوادث

نعم صحيح هي فيها ظلم, نجم المشكلة ما ينصف. قبل رمضان هذا باسبوع صار لي حادث بالخبر في تقاطع كنت ماشي و مهدي
الطرف الثاني مسرع و صفق الرفرف مع التاير عندي و ما قدرت امشي بالسيارة بعدها مما اضطرني استعين بسطحة يعني صعب
مستحيل امشي بها غير بس امتار قليلة. المهم جا نجم و وزع النسب علي 75% و الثاني 25% يوم قلت لوالدي دامها كذا تتصلح
السيارة على حسابنا احسن و بالفعل اضرار سيارتي ما مستاهله و في يومين الحمد لله خلصت و رجعت تمشي نفس قبل الرفرف
تعدل بنسبة 80% و بدلت المقص مع جلده و كرسي المساعد. يعني السيارة قعدت ثلاث ليالي متتالية برا البيت.
و اللي خلاني اصلح بنفسي مثل ما تفضلت بيزيدون عليك التأمين لما تجدد و هي اصلا عليه زيادة الضريبة يعني تدبيل.

و ثاني شغلة مماطلة التأمين و التقدير بالاجراءات و ما عندي سيارة بديلة مالي خلق اقعد بالايجار حدي فيه يوم او يومين.
يعني تم السحب على التأمين و التقدير ورقة نجم ما طبعت منها غير الاصلاح و ختمتها بالمرور بس.

ملاحظة:
بالنسبة للمقص اللي تغير من حسن حظي بدلت المقصات اصلية مع جلدها قبل و القطع القديمة خليتها ما رميتها يعني تبع شد
بلده رجع للسيارة بس بجلد جديدة تمشي الحال والكرسي تبع المساعد هذا اصلي.

آسف على الاطالة.

فعلاً صاحب السيارة القديمة النظيفة عند حصول حادث على سيارته لاسمح الله خسارته مضاعفة..
خسارة من التقدير كما حصل معك،وخسارة نزول قيمة السيارة عند عرضها للبيع ولابد من اعتبار ذلك في الحسبة..

من وين تطلع هالقرارات ومحد يدري عنها... مثل سالفه عداد الماء من ٣٠٠٠ ريال الى ١٥ الف ريال وياقلب لاتحزن

السوال ليه ما يعملونا بالمثل السيارة الي فيها سمكرة او قديمة تامينها قليل نصف تامين السيارات الجديدة واذا كان الحادث لصالحهم يقول نتعامل مع ورش معينة ( اسعارها نار ) واذا صار لصالحك اي ورشة والسلاموليه استاجر سطحة وتقدير ورش ادفع الف ريال ويضيع يومي او ايامي وليه وليه وليه ( ما ابي اصدع روسكم )

قرار غريب و مجحف مفروض يعوض ب قيمة القطع ب شكل كامل
اصلا مفروض لما يكون الغلط ضدك يعني علي الطرف الاخر مفروض تعوض ويتم تغريمة ب مخالفه لان كل حادث ب سبب مخالفه ومفروض تعطي مبلغ فوق قيمة التعويض لان السياره راح يقل قيمتها ب سبب الحادث ولكن للاسف القانون عندنا غريب
واحد يصدمك هو يمشي وانت تتبهدل بين مرور وتامين وتقدير و مراجعات