الكامري الجديدة الهايبرد

اشتراها احد اقاربي ويمدحها مرة خصوصا من ناحية الاقتصاد في الوقود داخل المدينة، اما في الطرق السريعة فاستهلاكها مثل الكامري العادية نظرا لاعتمادها على محرك البنزين وليس محرك الكهرب

الزبدة: تويوتا لن تنتج الا سيارات ذات جودة عالية مقارنة بالمنافسين، فتوكل على الله..

خذها مني قاعدة اي واحد تشوفه يمدح شركة معينه مدح مبالغ فيه ويذم باقي الشركات اعرف انه (طبل) لذلك لاتستشيره بالسيارات
وخذ المعلومه من شخص محايد يتكلم عن مميزات السيارات وعيوبها بكل وضوح

بالنسبة لي انا شخصياً متخوف من الهايبرد لأنها
تكنولوجيا جديدة عندنا في السعودية
ماتدري عن صيانتها بكره وش وضعها
ولا تنسى أن القير بيكون cvt وليس قير ٨ سرعات اللي موجود في
الكامري العادي
يبغالك تسأل ورش موثوقه او شخص تثق فيه يعمل في صيانة عبداللطيف جميل

هذي مشكلة الهايبرد نقص المعلومات و الثقة
بالاضافه لتجربة واحد معنا بالمنتدى
ان التكييف ما يشتغل بكل كفاءته
اذا مهدي ماشي على الكهرب فقط

اذا بتغامر و اجرب كورولا او كورولا كروس هايبرد
الكامرس غاليه و نازله بقوة الموديل هذي هو و الاكورد

انا انصحك بالكامري العاديه البنزين الهايبرد جيد ولكن ماتدري عن الشريحه /البطاريه الكهربائيه و مدى تحملها وتكلفه سعرها عند التلف وللمعلومه القير عندك.هcvt عكس الكامري العاديه الي تجيك توبترونك ٨ سرعات
اما بالنسبه للمطبات على حسب المطبات الي تمر فيها كمثال انا في الجنوب عندنا المطبات قويه بعض المناطق وتحك فيها السياره على طول خاصه اذا معك ركاب اشوف ان الموتر نااززل من قدام بالحيل مقارنه بالمنافسين الباقين اما من النواحي الاخر السياره بطله واعتماديه وصرفيه ممتازه ومبروك مقدما واعتذر عن الاطاله تحياتي. 

ترا الهايبرد منتشر بكثرة في الأردن ولها اكثر من 10 سنين تحصل أمريكي و ياباني. البريوس من تويوتا اول ما عرفتها في
الأردن و كانت بشكل غير عن اللي نزل بالوكيل, اللي بالوكالة الشكل الجديد. درست في الأردن و شفت لك اشكال و الوان
سيارات هايبرد و سوقها ماشي هناك البنزين عندهم اضعاف اضعافنا ترا صدق و اسأل مجرب.

انا معي هايبرد موديل ١٨ وماشيه زي اللوز وصرفيتها جداً ممتازه وبالنسبه للنزول فالكامري بكل فئاتها نازله لاكن برضو ماتوصل
مرحله انها تحك الا اذا اكلت المطب سفري ، اهم شي اهتم بفلتر البطاريه تحتاج تغيره كل ١٥ الف او ٢٠ لان لو امتلى غبار يصير
الموتر ما يستفيد من الكهرب وسعر الفلتر ٢١ ريال ولو تغيره بالوكاله ١٢١ ف غيره بنفسك احسن واسهل

وبالنسبه للي يقول التكييف مايشتغل بكفائه عالكهرب ف هو غلطان ، المكيف بارد جداً سوا كان عالكهرب او البنزين نفس الشي