لاصحاب الفورد فكتوريا والماركيز موضوع يهمكم
7
1
إضغط هنا للإخفاء
السلام عليكم ورحمة الله وبركاته
(موضوعي يتكلم عن الفوردات بشكل عام وعن موديلات 2006 و2007 بشكل خاص)
سبق وطرحت موضوع عن معاناتي مع حرارة قير الفورد مع المرتفعات وايضا كانت المروحه تشتغل غالب الوقت على أعلى سرعة
وكنت واثق ان السيارة على شدة بلادها لانها نظيفه وماهي ماشيه كثير الحمدلله..
موديل اللي عندي 2006
وبتكلم عن هالموديل بالذات بحكم تجربتي
2006 واعتقد 2007 نفس الشي .. مشكلتها تجي (رديتر مشروك للمكيف + القير). بمعنى ان زيت القير تمر مواصيره على نفس الرديتر للمكيف ومخصص له تقريبا اخر ثلاث او اربع صفوف ويتم تبريده بواسطة الهواء الخارجي فقط .. (أي بمعنى ان ليس له نظام تبريد مبرد خاص فيه)
بعد التفكير والسؤال قررت اركب مبرد قير خاص .. وقمت بشراء قير مبرد 40000 وحده كندي .. سعره بالسوق من 550 الى 650 ريال انت وشطارتك
اخذته وشريت معاه علبة زيت قير موتركرافت ووديته لمهندس اتعامل معاه .. اخذ علي 150 ريال وتقريبا الفورد اخذ زيادة نص علبة زيت.. تركيبه سهل سهل للمعلومية مشكلته فقط انك توجد له مكان مناسب وتثبت قواعده بشكل آمن ويكون قدر المستطاع بوجه الشبك عشان الهواء.
(مستقبلا افكر اركب مروحة صغيرة اضافية بالشبك واسوي لها فاصل اشغلها فقط ف المرتفعات)
النتيجة#
فرق كبير كبير للاحسن ولله الحمد
السيارة ارتاحت بشكل كبير وقمت بتجربتها في عقبة عندنا صعبه وتعمدت اني اجور عليها ولله الحمدلله طلعت العقبة لاخرها بدون اي مشاكل
لدرجة ان المروحه ما اشتغلت الا على راس العقبه وعلى اقل سرعة.
حتى بعز الظهر ومع الاشارات والوقوف ماعاد تشتغل الا مع المكيف وعلى اقل سرعه وبعض الاحيان تشتغل على السرعة الثانيه
السيارة بشكل عام ارتاحت كثير وحسيت بسلاسة اكبر.
هذي تجربتي وانصح الكل بتركيب المبرد خاصه للموديل هذا .. اعتذر تعمدت اطيل الشرح حتى تصل المعلومة كاملة لكم.
إبلاغ
الردود
0
0
احسنت
0
0
اخوي محمد انت فصلت هوزات الزيت عن مبرد شد البلد ولا خليته متصل مع المبرد الجديد؟
0
0
اخوي باترولاوي
المبرد القديم الغيته بشكل نهائي لانه مشروك ماينفع.
فصلت الهوزات من اسفل السيارة وغطيتها وثبتها بربطات.
ووصلت مكانها هوزات جديدة من المواصير دايركت الى المبرد الجديد.
#ملاحظة لايحتاج برمجة مراوح او ماشابه ركب وامشي وامورك طيبه ان شاء الله
0
0
0
0
قبل 2 سنه و 9 شهر