أضف سؤال أو موضوع جديد          

سومات الإعلانات ما بين عدم الجديه و خداع الناس للأسف

up 5 down 0
saud rasheed 15
قبل 6 شهر و 2 أسبوع



سلام عليكم

جميعنا يلاحظ بشكل واضح و بشكل متكرر كثير من الإعلانات فيها مبالغه من ناحيه الأسعار فوق الواقع أو المعقول و ما بين بما يسمى سومات و في الأخير الأمر لا يتعدى كلام في الهوا و عدم جديه من كتبها و المصيبه صاحب السلعه يبني على سومته و يطمع في مبلغ أكبر من اللي كان يبغاه اصلا و لا يقع في هذا الفخ الا اللي على نياته أو اللي ما ينزل السوق و يشوف الأسعار بعينه هذا اذا ما كانت السومات فلم مسويه راعي السلعه و لا فيه ذمه و لا ضمير الا من رحم ربي و هم قليل للأسف ... أتمنى من اداره الموقع تحديث طريقه التعامل في الموقع بحيث يكون وسيط بشكل إحترافي ويضمن حق البائع و الشاري مثل eBay و غيرهم و بإذن الله تختفي هذي المناظر من الموقع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موقع حراج هذا فيه عجايب فيه الي يسوم ولايشتري وفيه الي يبي يبيع السلعه بنفس سعر مشتراها 
وفيه ( الي يسئلك سوال وانت كاتب جوابه فى الاعلان ) هذي النقطه بنسبه لي اكثر شي يقهرني 
وفيه عينه الي يسوم ويتفق اذا ارسلت له الموقع حقك يصير فى ديره ثانيه

لاتدقق وانااخوك الحين حراج اكثر الي فيه بزارين وماحولهم احد 
تخيل مره شايف اعلان واحد مصور خويه وعارضه للبيع !! وكاتب فىي الاعلان كلام وصخ  


up 3 down 0
k 6 4 i 1231
قبل 6 شهر و 2 أسبوع



اللي يزيد السوم فوق حق السيارة هذا شغلته يخرب على راعي السيارة البيع 
والمفروض راعي السيارة اذا شاف ان راعي السومة ماهو صامل على طول يروح للسومة اللي اقل منها مباشرة اذا كانت تناسبه
اما النوع الثاني اللي يعرض سيارته للبيع ويسوم من حسابات ثانية هذا غالبا يخرب البيعة على نفسه 
لانه لما يسوم فوق قيمة السيارة الصامل اللي سام سيارته واعطاه حقها بيسحب سومته وكذا محد بيشتري سيارته لان كل الصاملين شايفين ان السوم تعداهم 
لكن اللي فعليا سام السيارة هو صاحب السيارة نفسه من حساب ثاني 
الطريقة هذي ما تنجح الا مع السيارات المميزة لانه المنافسة والطلب عليها عالي 


up 3 down 0
mr.bdran 122
قبل 6 شهر و 2 أسبوع



الله يهديهم بعض الاخوان يسوم سومات ويرفع بسعر السيارة واخر شي مب شاري بس تخريب على البايع والشاري مادري وش الفايدة.
والمشكلة ان البايع احيانا مضطر والشاري كذلك يبغى يخلص.

الله يصلح الحال.


up 2 down 0
منيف2015 42
قبل 6 شهر و 2 أسبوع



فعلا ملاحظ هذا الشي لانه بعض الاحيان فيه سيارات اسعارها اعلى من سعر السوق وتصل احيانا الى سعرها وهي جديده.




up 2 down 0
reader2020 182
قبل 6 شهر و 2 أسبوع



فيه اعظم من هذا كله ، السيارات المصدومة اغلى من النظيفة
هههههههههههههههههههههههههههه
لا ويقولك تكلفة اصلاحها 5 الاف وهي 
وجهية + شاص + رديترات ومراوح + ثلاجة مكينة + ارباقات
ومصمم ان اصلاحها ب 5 الاف بس


up 5 down 0
rustic 219
قبل 6 شهر و 2 أسبوع



لاحول ولا قوة الا بالله

حسبي الله على كل ونعم الوكيل على كل محتال او نصاب هدفه الكذب على المشترين او تخريب البيع عليهم.


up 2 down 0
fawaz_v8
قبل 6 شهر و 2 أسبوع



حراج ناس تسوم وترفع السومات وما عندها نيه تشتري بل البعض منهم ما قرا الاعلان زين اصلا
وفي ناس فعلا تعرض سيارات مصدومه علي ان التصليح ما يكلف رغم ان شكل الصدمه مكلف غير الجهد والتعب في البحث عن قطع والركض ورا الورش


up 2 down 0
الشرقية ماركت 151
قبل 6 شهر و 2 أسبوع



البعض يقول السوم على العام برقم الجوال للمصادقية وبعدين يقول سيم في الخاص بكذا وكذا وين المصادقية ؟


up 1 down 0
ابومشعل14423 141
قبل 6 شهر و أسبوع