أضف سؤال أو موضوع جديد          

سبب من أسباب ارتفاع أسعار السيارات حاليا

up 2 down 6
anosi 1411
قبل 3 شهر



الملاحظ ارتفاع أسعار السيارات حاليا
وحتى لو فيه سيارة ما تسوى 50 ألف ريال تجد من يسومها بستين ألف ريال
كذلك ملاحظ أشخاص يشترون سيارات مثلا ب 70 ويستخدمها سنة ويبيعها ب 65
حتى من أشترى سيارته قبل إقرار الضريبة يقدر يبيعها اليوم بنفس سعر الشراء
السبب ليست الضرائب فقط
ولكن المال الرخيص
البنوك تعطي أموال شبه مجانية وصل ببعض البنوك منح 200 ألف مقابل 210 آلاف وأقل من ذلك خصوصا من راتبه يتجاوز 15000
البنوك المركزية خفضت الفائدة لذلك البنوك تحاول تعطي عملائها أموال بأقل فائدة فهي لا تكسب من تكديس الأموال
لذلك طبيعي ترتفع الأراضي والسيارات والعقارات والأسهم وحتى تكاليف البناء ومواد البناء
وبمجرد رفع البنوك المركزية للفائدة
راح تستقر أسعار كثير من السلع ومن ضمنها السيارات
لأن مو معقول شخص يشتري سيارة بسبعين ألف ويستخدمها حوالي سنة ويسومها البعض ب 65 وجادين بالشراء







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نسبة الفائدة هذي محرمه فكيف انت تشجع على زيادة نسبة الفائدة؟


up 3 down 3
bmw z4 1499
قبل 3 شهر



عساك سالم
عمرك سمعت ان السيارات رخصت

من طلعنا علي الدنيا العقارات والسيارات كل يوم تزيت

ولا حياه لمن تنادي لا وزاره التجاره ولا حمار المستهلك يشوفون
حيلهم علي بياعين الفصفص والبطيخ


up 2 down 1
ابوحاتم6 467
قبل 3 شهر



وش السيارة اللي قيمتها جديدة بـ 70 وتنباع بعد سنة بـ 65 !؟ 
ما اعتقد فيه عاقل يغامر ويشتري سيارة مستخدمة سنة حتى لو كان متأكد انها نظيفة
بس عشان يوفر 5 الاف 
عموما انا من الناس اللي مقتنع بالسوق الحر اللي خاضع للعرض والطلب 
فيه عوامل تزيد الطلب وبالتالي يزيد السعر وعوامل تنقص الطلب وبالتالي ينقص السعر 
مثل مانتقبل انخفاض السعر لازم نتقبل ارتفاع السعر 
على سبيل المثال ارتفاع البنزين نقص الطلب على السيارات اللي استهلاكها عالي للبنزين مثل الجيوب وبالتالي نقص سعرها 
بالمقابل ارتفع سعر السيارات الاقتصادية 
اللي سبب اختلاف السعر هو اختلاف كمية الطلب على السلعتين بسبب عامل ارتفاع البنزين 
اذا تبغون الاسعار تنزل لازم يقل الطلب ، السلعة اللي تبغونها تنزل قاطعوها خلوا الطلب عليها يقل ، عمر بن الخطاب لما ارتفعت الاسعار بعهده 
ما امر بانزالها او جلد صاحب السلعة لكن قال ارخصوه انتم بالترك يعني قاطعوها عشان يقل الطلب وبالتالي ينزل السعر 
ادري كلامي ممكن يزعل ناس كثير لكن هذا رأيي بالتسعير انه يكون خاضع للعرض والطلب مو على كيفنا وحنا جالسين ببيوتنا 


up 0 down 1
mr.bdran 122
قبل 3 شهر



BMW Z4
فين التشجيع؟
هذا تتحكم فيه البنوك المركزية ولأسباب كورونا وتنشيط الإقتصاد تم خفض الفائدة ولكن ذكرت انه متوقع زيادة أسعار الفائدة بعد تعافي الاقتصادات

الأخ أبو حاتم :
التضخم يحدث بشكل تلقائي سنويا بنسب بسيطة ولكنها تراكمية، التضخم هذه السنة كان استثنائي لأسباب فرض الضريبة

الأخ مستر بدران :
أبحث عن كونا وفعلا بعضها مستخدم سنة وتعرض بأقل من خمسة آلاف من سعر الشراء

و المطلع على سعرها قبل يعرف أن كثير يطلبون غير المعقول ويجدون المشتري




up 1 down 4
anosi 1411
قبل 3 شهر



والله ياخوي مالي خبرة بالكونا لكن سويت بحث سريع حصلت المستخدم نادر جدا
وبمقارنتها مع السعر الجديد فيه فرق اكثر من 20 الف 
لا يغرك السعر اللي يحطونه حقين المعارض ترا حاسبين السعر بدون ضريبة وتأمين ولوح 
عموما اذا شايف سعر السيارة مرتفع واكثر من حقها الموضوع بسيط شوف غيرها وخلي راعيها يبلش فيها بسعره هذا 


up 2 down 2
mr.bdran 122
قبل 3 شهر



مع احترامي لصاحب الموضوع
الاسباب واضحه ومعروفه.. سوق مغلق ومضيق عليه من كل جهه وش تتوقع
هذا باختصار شديد.. الشكوى عل الله


up 3 down 1
midnight_963 676
قبل 3 شهر



تلميحه بسيطه ذكرتها قبل كم سنه
(الالمان الاغبياء يصنعون سيارات تضر بالبيئه بعد مرور ٥ سنوات عل صناعتها!! ؟؟)
طيب كان خلوها عل الاقل بعد ١٠ سنوات تبدا تضر البيئه.. مايفكرون صح


up 0 down 3
midnight_963 676
قبل 3 شهر



(على سبيل المثال ارتفاع البنزين نقص الطلب على السيارات اللي استهلاكها عالي للبنزين مثل الجيوب وبالتالي نقص سعرها
بالمقابل ارتفع سعر السيارات الاقتصادية)
الجيوب مثل اللندكروزلم تتأثر بسعر البنزين ولا زالت تباع بسعر خيالي حتى الموديلات القديمة


up 5 down 0
ابومشعل14423 142
قبل 3 شهر



فائده البنوك ماهي مرتفعه هاذا شي كويس. وانت وانا وغيرنا المستفيدين
ولكن بخصوص أن السيارات غاليه نعم غاليه جدا ومبالغ فيها ليش ويش السبب الله اعلم.
لا القديم رخيص ولا حتا الجديد رخيص. لاحول ولاقوة الا بالله. أسعار سيارات قديمه وصل سعرها بسعر الجديد
فتحتار في الموضوع تشتريها أو تشتري جديد. الحاجه احيان تحوجك وتحدك على المستخدم النظيف بالسعر المقبول
ولكن السوق ماوجدنا فيه اسعار معقوله ومرضيه انا من فتره شهرين ادور لي سياره رخيصه بسعر معقول ولاكن للأسف لم أجد بالرغم أني موظف وما اقدر اشتري سياره بالتقسيط وذالك بسبب المخالفات المروريه
ف اضطريت ادور لي موتر موديلات 15 14او 16.لكن أسعارها وجدتها غاليه جدا.


up 3 down 2



شكرا لكم مداخلاتكم الجميلة


up 1 down 3
anosi 1411
قبل 3 شهر



الوضع عندنا غريب ناس ترفع سعر سيارات ما تسوي و تمدح فيها و ناس تسب سيارات جيده و تذم فيها و اغلب الي يسومون خراطين ولا جاء وقت الجد طلع عيوب ومشا
شي غريب سوق السيارات عندنا


up 3 down 1



انا ما يقهرني الا الي اذا سمت قال غيرك سام اكثر و بعد كم يوم يدق عليك و يقول بعت ب سومك لان الي سام علي سومي مو جاد وهذا غالب الي يصير


up 2 down 1



لو تروح المعارض تحصل تكدس السيارات من سنين بعضها مانباعت لانه ببساطه مب مجبور صاحب المعرض يبيع بخسارة يخليها عنده لو بعد سنة يبيعها براس ماله ماعنده مشكله.
الاسواق في الخليج ارخص من عندنا لكن لو تحسب تكلفة السفر والرسوم والجمارك تطلع اغلى من عندنا.
وفي النهاية اسال الله ان يهدي التجار عامة ويتوبوا من الجشع والطمع والغش والتدليس على المساكين والمشترين والمستهلكين.


up 1 down 0
منيف2015 42
قبل 2 شهر و 3 أسبوع



باختصار سببين :
١-الضريبة ١٥٪؜ على السيارات الجديدة كان لها تأثير مباشر على السيارات المستعملة.
٢- عدم السماح باستيراد السيارات من دول الجوار إلا لآخر ٥ موديلات جديدة و يشملها ضريبة و رسوم جمركية. و سلامتك 


up 0 down 0
ابن علـي 329
قبل 2 شهر و 3 أسبوع



٣-موقع حراج أغلب الأسعار فيه غير صادقة و يوجد فرق شاسع في السعر على أرض الواقع (المعارض)


up 0 down 0
ابن علـي 329
قبل 2 شهر و 3 أسبوع



منع استيراد السيارات المستعملة وحصرها في ٥سنوات رفع اسعار الوكالات

واستغلو الوضع... الحل الوحيد فك استيراد السيارات المستعملة.. كما كان بالسابق

وعندما فكو استيراد الغنم والمواشي نزلت الأسعار


up 0 down 0
saeed mohamd 51
قبل 2 شهر