أضف سؤال أو موضوع جديد          

سؤال وجواب؟؟؟

up 3 down 0
حسام -ابوسيف 57
قبل 2 شهر و 2 أسبوع



المخالفات المروريه نبغ لها حل أو افاده وشكرا لكم.
حيث أن لدى مخالفات مروريه المبلغ كبير شوي أقل من ال70 الف ريال
تقريبا لها 12سنه. من ايام بدايات ساهر وماكنت أعلم أو اعرف ب المخالفات وأساسا ماكنت مستخدم للسياره وماكان فيه ابشر أو رسايل جوال تذكرني ب المخالفات
وماكنت أعلم بذالك الا من فترهه قريبه تقريبا قبل 3سنوات فعلت ابشر واطلعت وشفت المخالفات وبصراحه صدمت من مجموع المخالفات اللي مسجله على لوحة السياره اللي هي ب اسمي وليس على إثباتي الشخصي
وذالك وبكل بساطه انا ما اسوق اسياره اساسا. وتعلمت وتدربت من فتره بسيطه على القياده ولله الحمد اختبرت في مدرسة القياده دله واجتزت الاختبار ونجحت ولله الحمد ولكن الأمور ماهي على مايرام لم أستطع إصدار الرخصه وطباعة الكرت وذلك بسبب المخالفات المروريه المتراكمه على سجلي المدني
إن لله وإن إليه راجعون. الآن أنا رجل موظف واحتاج إلى تحسين وضعي أرغب في استئجار سياره لا أستطيع الا بوجود رخصه أرغب في شرا سياره بالتقسيط لا أستطيع الشرا الا بوجود رخصة قياده ساريه المفعول وعدم وجود مخالفات مروريه مسجله
ارهقتني المشاوير اليوميه من كريم واوبر وتكاسي وما إلى ذالك نرجو منكم الافاده وشكرا لكم برأيكم ويش الحل وويش اسوي الوظيفه قطاع خاص وماتجيب لي الشي الكثير الراتب ببساطه قليل يادوب يكفي الحاجه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


‏الله يعينك وييسر امرك 
سمعت انه اذا كلمت المرور كان عندك مبلغ كبير يخفضون لك المبلغ 
جرب كلمهم وشوف كم يخفضون لك المبلغ  وكلم الي كان يستخدم السياره الي حاط عليك المخالفات يساعدك فى المبلغ لوقليل اوحاول تسحب لك قرض ولاتتسلف ماعليه لوتضغط على نفسك شوي 
بس اهم شي ترتاح من مشكلتك هذي وتحسن وضعك 



up 0 down 0
k 6 4 i 1228
قبل 2 شهر و 2 أسبوع



الله يعينك لكن ولاتزعل من هالكلمه الحق عليك

كيف تسجل سيارة بأسمك وتعطيها للناس هذا خطأك

لكن ومع ذلك المفترض اي شخص توصل مخالفاته
لعشر الالف يطلبه المرور ويبلغه ويعطى تحذير لكن توصل
مبالغ كبيره وتتعطل حياة انسسسان بسب هالمبلغ
هذا مصيبه والله ماعرف اي حل لكن كلم المرور ارفع طلب شكوى
حاول بكل الوسائل والله يعينك وييسر امرك


up 0 down 0
عاشق البيداااء 65
قبل 2 شهر و 2 أسبوع



الله يعينك ويسهل امرك اخوي حسام
مثل ما قالو الاخوان لاني اذكر كان في خبر العام او قبله يتعلق باسعار وتسديد المخالفات واللي متاكد منه بعد فواتير الاتصالات واخوي كان عليه مبالغ متراكمة قديمة ما يقارب 10 او 12 الف ونزلوها الى حدود 5 الاف وتسهلت
حاول بشتى الامور وان شاء الله تفرج والله يسعدك


up 0 down 0
مشاري557 272
قبل 2 شهر و 2 أسبوع



المخالفات في ابشر اكثر منها في تشيك الصرافه حقت اي ينك
الي تسبب في المخالفات خليه يطلعك سياره باسمه
او يسدد المخالفات تقدر تشتكيه يشيلونها من اسمك لاسمه


up 0 down 0
ابو وليد و رسيل 98
قبل 2 شهر و 2 أسبوع



اذا تقدر تشتري اكسنت 2008 ب10 الاف سجل السيارة بأسم احد من اهلك وخله يضيفك كمستخدم في الاستمارة نفسها عن طريق المعرض
لكن ترا المخالفات تجي عليهم والتأمين ما يشملك في حال صارلك حادث وانت المخطي لاسمح الله


up 0 down 0
its_o_o 471
قبل 2 شهر و 2 أسبوع



الله يعينك ويفرجها علينا وعليك وعلى كل مسلم يارب.


up 0 down 0
منيف2015 42
قبل 2 شهر و أسبوع



التسديد اجباري .. 

انا شاري موتر لاهلي وحاطه باسم امي بالشمال وانا موظف بالجنوب

طلع اخوي الله يهديه مهجول وزاحف وقبل فتره تواصل المرور وقال اما تسديد خلال ٦ اشهر او ايقاف خدمات مع تحويل للمحكمه .. المبلغ حوالي ٥٠ الف وسددت ٢٠ الف وباقي شوي ..

وفيه ولد عمي عليه ٩٠ الف !!!!!! والله م اكلم من خيال ووقفوا خدامتهه وحالياً يسددها  


up 0 down 0
مشاااووير 8
قبل 2 شهر



69300 اللحين شفتها في ابشر.
ولو رحت للمرور القى حل ولا لايوجد وهل ينزلون لي نصف المبلغ ولا ما ينزلون لي


up 0 down 0



الله يعينكم ويفرج عليكم



up 0 down 0
منيف2015 42
قبل شهر و 3 أسبوع