أضف سؤال أو موضوع جديد          

بيع السيارة المستخدمة اقساط وما هي الضمانات؟

up 3 down 1
mustaf 421
قبل 8 سنه



السلام عليكم ورحمة الله وبركاته. كيفكم يا اخوان عساكم بخير. شباب انا ملاحظ كثير في الموقع يعرضون على صاحب السيارة الشراء بالاقساط بس في اعلان شفته مره بالموقع واحد من الشباب يقول انه باع سيارته اقساط والمشتري رفض يعطيه باقي الاقساط . سؤالي هو وش الضمانات اللي ما تضيع حقك بالبيع؟ وفي حالة انه الطرف الثاني رفض يكمل الاقساط هل هذه الضمانات تعوضك بالمبلغ فوراً او تاخذ اجراءات معقدة او تكملك الاقساط على حسب ما هو متفق عليه مع الطرف الثاني (المشتري)؟ ارجو من اللي عنده معلومة يذكرها يمكن تنفع احد عشان لا ينلعب عليه.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ضماناتهم طال عمرك ياشيكات ياكفيل وانت تقدر تجر الي ماسدد على رقبته بالشيك ولا تستدعي الكفيل وفيها سجن وبهذله وكذالك الشيكات نفس الشي وبعضهم يطلب الاثنين


up 1 down 0
مزارق طيب 671
قبل 8 سنه



تعريف من جهة العمل موجه للمعرض بانة احد منسوبيها ولايزال على راس العمل
ان يكون الشاري موظف حكومي
اشتراط وجود كفيل غارم موظف حكومي
اخذ استقطاع شهري من البنك
شرط جزائي في حالة التأخر عن الدفع مهما كانت الظروف
او اخذ شيكات بقيمة القسط مؤرخه بنهاية كل شهر
عقد مبايعه من معرض معتمد ومصدق من المرور
وذكر طريقة المبايعه بالتقسيط والمبلغ على فترة الشهور المتفق عليها


up 2 down 1
ابـو يـوسـف 86
قبل 8 سنه



او لاتنقل السيارة باسمه الا بعد مايغلق من السداد
واعطيه ورقة موقعة باسمك ومختومة بالسماح له بقيادة السيارة .(المرور)


up 1 down 0
saeed7 221
قبل 8 سنه



مشكورين يا اخوان ولكم احلا لايك . الاخ (saeed7) اقتراحك حلو بس المشكلة لا يسوي فيها بلوة وهي بأسمك وخاصة هذه الايام انتشروا كثير بياعين الذمة والضمير والعياذ بالله.


up 1 down 0
mustaf 421
قبل 8 سنه



saeed7 ،، اذا مانقلها باسمه بتجي عليه مخالفات ساهر


up 2 down 0
lumina ss the best 81
قبل 8 سنه



أشوف اذا كان التعامل شخصي ,, 

أفضل حل انه يكتب لك شيكات بتاريخ كل شهر ,, ولو كان ما في رصيد تقدر تجره على راسه بالسجن سلام سلام


up 1 down 0
3boody830 264
قبل 8 سنه



فيه شي اسمه تفويض " مستخدم فعلي " عن طريق بوابة وزارة الداخلية بدون الحاجة لمراجعة المرور


وكل المخالفات ماتجي عليك تجي على مستخدم السيارة


up 2 down 0
YASSER505 4173
قبل 8 سنه



السلام عليكم
يجماعه انتم جميعا تتكلمون عن البايع طيب المشتري كيف يضمن حقو
يعني هو بسحب شيكات او او طيب انا كيف اضمن حقي سالت احد الاشخاص قالي تكاتبو فلمحكمه بس الله اعلم


up 0 down 0
copra1966 2
قبل 6 سنه و شهر



الشيكات وكتابتها قبل تاريخها جريمه يعاقب عليها القانون 


وقبولك للشيكات بتاريخ قادم انت برضه تعاقب    


فيها سجن وغرامه 

الحل الوحيد الكمبيالات 


او لاتبيع اقساط


up 1 down 0
anm6868 118
قبل 5 سنه و 11 شهر