نصائحكم .. كيف اشتري سيارة مستعملة؟ كيف اشيك عليها؟

شف يخوي بلاول قل بسم الله الرحمن الرحيم 
واول شي تسويه تجي عند السيارة والكبوت مفتوووح تظغط ع الدعسه البانزين واسمع صوت الماكينة وخلك ماسكها لا تفك شف فيها طقطقطقطق

ثاني شي خلي واحد يدوس ونت رح شفها من الشكمان لا يكون فيها دخان او زيت 

ثالثا تجلس بلسيارة وتعشق السيارة تعيشقه تعيشقه حبه حبه بلاول حطها في الار طبعا هذه اذا انها السيارة تماتيك 

حطها في اول تعيشق يلي هو r وشف اذا يتاخر القير ولالا

رابعا حطها في  d شف اذا في طقه ولا نقزة بقوة ولا تاخير 

وبعدها افحس السيارة حاول تدخل راسك من تحتها وتشوف اذا فيها تهريب 

نفس الشي من ورا وتتاكد من سلامه الدفرنس لا يكون فيه تهريب 

بعدها يا حبيب قلبي تكشب ع البدي انتبه من حواف السيارة والجلد 

يعني تبدا من حواف الرفرف لا يكون خشن اذا هو خشن هذه مرشوش 

وبعدين شف حواف جنب الاسطبات لا يكون فيها قطرات بويه 

وفك المقعدة الخلفيه لا تكون السيارة مقصوصه 

انشاء الله اذا كشفت ع هلاشياء وطلعت السيارة سليمه انشاء الله انها تكون السيارة تمام وتوكل ع ربك وبتاخذ يلي مكتوب لك 

وبعد ما تاخذها لا تنسيى تتصدق وتقراء الدعاء 

وتحياتي وتقديري لك 

تبي نصيحتي ابعد عن المستعمل
وخذ سيارة بقراطيسها وكاله

شوف موضوعي على الرابط التالي ::

http://montada.haraj.com.sa/4901/كيف-تشتري-سيارة-....-بدون-لاحد-يلعب-عليك-/

شكرا للاخوان جزاكم الله الف خير
وشكري الخاص للاخ استشاري الحب
تحياتي

ركز في اطراف السياراه من الكبوت ،،، صوت المراوح تشتغلل عاالي او وسط ،، اضغط على الخروطوش بشكل بسييط هل هو محجر والا لا

استشاري حب ماشاء الله عليك هذي المعلومات اللي فعلا عن خبير اما بالنسبه لي والله اقعد قدام السياره واقزها هههههههههه
قالك اشوف الوقفه هههههههههههه 

ههههههههههههههههههههههه

يا بعد قلبي يا غريباوي برضو يا بعد طوايفي الوقفة لها دور يا معلم 

أنا لي زميل عمل اذا شاف السيارة من نصبتها يقول لك وشلون السيارة ماشاء الله عليه 

ونت برضو شكله نفس الشي يا برنس 

في قطعه +لو معاك جهاز اندرويد   تفيدك بالكشف عن المكينه  ومشاكلها