أضف سؤال أو موضوع جديد          

اهل الخبره بالماركيز ارجو الدخول ضروري ...

up 6 down 5
camry grandi 99 7274
قبل 8 سنه و 6 شهر



السلام عليكم يا شباب كيف حالكم ان شاء الله طيبين 

الله يجعل في هاليوم بركه وتوفيق للجميع 

يا اخواني الاعزاء عندي استفسار بسيط ومقلقني هالفتره 

اللي هو لما اشغل السياره اسمع زي الونه ولما اقرب من الدينمو يزيد ولما اشغل النور يزيد شوي ولما اروح عليه مشوار يخف وانا متاكد الصوت يطلع من الدينمو 

بس مدري هل هو فحمات او شيء ثاني وابي اعرف كم سعره اصلي وكم القاه تشليح وان شاء الله مو منه 

وعندي صوت السيور صوته احسه قوي مدري ليه مع اني رحت غيرته وغيرت البكره ولا فيه فايده هل جميع الفرود كذا او لا ؟؟؟؟؟؟؟؟؟؟؟

وبالتوفيق يارب 


وهذي صورة من الارشيف للملك عبدالله الله يحفظه مع الجمس هههههههه 

تمتعو بالمشهد 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الدينمو مايعبي واحتمال من البكرات ؛ او شد على السيور اعتقد راح يضبط سوه بنفسك


up 1 down 1
bassam alruwaili 151
قبل 8 سنه و 6 شهر



اخوي اتأكد من حاجتين سلامت الرمان والفحمات فكة انت بنفسك وشوفهم لان مافي كهربائيين يفكوة هذا الكلام عندنى فالغربية 
ماادري عن المناطق الثانية.

وفالك طييب


up 1 down 1
azooz123 369
قبل 8 سنه و 6 شهر



افصل سلك البطاريه الموجب والسياره شغاله اذا طفت اعرف انه الدينمو مودع اما صوت الونه ماعندي خلفيه ... شيك على شداد السير لايكون خربان لان الشداد يعطي حريه للسير انه يرتخي اذا تعرض لشد عشان ماينقطع جرب تضغط على الشداد والسياره شغاله شوف هل صوت السير يتغير ... الدينمو ماعندك الا دينمو بوليسي وكاله قيمته 1800 وانا مركبه لتحسين اداء الكهرب والقديم بعته طبعا البوليسي مايركب الا من مديلات 2003 تقريبا عشان كذه راجع منتدى فورد العربيه فيه واحد اشترى دينمو اصلي كلفه 1000 جابه لبيه هم يفديونك هناك فيه


اخوي بسام انا توني مغير السير والبكره وشاد عليها مضبوط عند ميكانيكي ممتاز هو خف الصوت بس ما زال لان اصلا كان صوت البكره واضح 

وبالنسبه لاخوي عزوز123 والله انا ودي اروح اليوم بس تعرف جمعه وماتوقع احد يفتح اليوم الا ورش قليله 

ومشكورين وماقصرتو والله 


up 1 down 0
camry grandi 99 7274
قبل 8 سنه و 6 شهر



مشكور ياخوي شاقح اولا ويشرفني مرورك على موضوعي كفييت ووفيت وبسوي هالحركه وبشوف وان شاء الله بس ما يكون من الدينمووالله غالي سعره ههههههههه الله يعين يارب 

الله يعطيك العافيه وماقصرت حبيبنا 


up 1 down 0
camry grandi 99 7274
قبل 8 سنه و 6 شهر



هل الصوت مثل الصفير لا يكون من دينمو المروحه


up 0 down 0
bassam alruwaili 151
قبل 8 سنه و 6 شهر



لا مو مثل الصفير 

مثل الونه يعني وووننننن كذا ادري التشبيه غبي بس تقبلها عاد ههههههههههه 

والله محتار وكلام شاقح عين الصواب وبشوف ان شاء الله اليوم اذا حصلت ورشه كويسه فاتحه بشيك عليها 


up 1 down 0
camry grandi 99 7274
قبل 8 سنه و 6 شهر



على فكره ترى فيه بالدينمو كتاوت بمكن صار فيهن ضعف مما سبب الونننن ؛ ههههه


up 0 down 0
bassam alruwaili 151
قبل 8 سنه و 6 شهر



غير الدنمو بنوع بوليسي وريح راسك أقوى وأفضل من الي راكب عليه والونه تجي من الرمان أو الفحمات منتهية ..... بالتوفيق .


up 1 down 0
مستر بن . 10379
قبل 8 سنه و 6 شهر



الونه بسبب الكتاوت الخلفي لدنمو وتسمعها بعض الاحيان مع الرادو صوتها مثل زززززززززززززززز بالنسبه لدنمو اذا موديل موترك من 2003 وفوق لا تاخذ الا بوليسي لنه هو الوحيد الاصلي الباقي كله مجدد مشاكله اما شحنه متغير مرات يشحن ومرات يضعف تعطله بدون سبب وبعضها مايكمل شهر ضهور صوت ونه 
فوائد البوليسي كهربا اقوا القزاز ينزل اسرع البواجي تحرق البنزيل مزبوط تروع التفه الي موجوده يعني تقوية الكهرباء بشكل عام 
التشليح 70% منها ماتضمنها وبنصف القيمه فابعد عنها 
بالنسبه لتركيب تقدر تركبه بنفسك فقط يوم تشتري الدنمو مر محلات بيع الزينه وادوات السيارات واشتر صاموله الي تركب على مسمار الدنمو تبع سلك الكهرباء لن الدنمو العادي مسماره اصغر بالنسبه لسلك الكهرباء توسعه بمفك او سكين ويركب 
الملاحضات اذا جيت تركب الدنمو قبل تفصل البطاريه شغل السوتش وخليه شغال على المبات وافصل البطاريه بعد ماتركب الدنمو وتركب اسلاكه نضف الاصابيع من الاملاح ونضف اسلاك الماس واحد اسفل بكرت الشداد واحد بجانب البطاريه تكها وتنضف اماكنها بصنفره واذا خلصت وجيت بتركب اصابع البطاريه طف السوتش واشبك البطاريه وخلها دقيقه ثم شغلا وخلاها شغاله لجل تبرمج تقريب دقيقه وتوكل على الله 
السبب بعضهم لما يفصل البطاريه ويرجع يشبكها تصير السياره لما تعشق القير كنها بتطفي او ينزل عداد الهواء لجل كذا قلت لك طريقة البرمجه 


up 2 down 0
princ 18875
قبل 8 سنه و 6 شهر



مشكور يا برنس على التوضيح والوصف الدقيق دايما متالق سواء في طرح المواضيع او خبرتك في السيارات 

الله لا يحرمنا من طلاتكم يا اخوان وكلكم فيكم الخير والبركه 

وياليت اقدر اعطيكم لايك كان كل رد عطيته بس الشكوى لله الله يعينا على ادارة هالمنتدى من سنتين وانا ارسل لهم شكوى عشان اللايكات معطله عندي ولا احد عطاني رد الى الان 

بالتوفيق يارب 


up 2 down 0
camry grandi 99 7274
قبل 8 سنه و 6 شهر



أنا كان عندي مشكلة في الدينمو موتري ماركيز غيرته اصلي 700 ريال 


up 0 down 0