أضف سؤال أو موضوع جديد          

نصيحة لاتشتري سيارة قبل تجربتها .. للفائدة

up 8 down 1
أبو عبد الله 2 341
قبل 8 سنه و 7 شهر



السلام عليكم ورحمة الله وبركاته
الموضوع ومافيه ياأخوان مجرد تنبيه وتذكير
والمسلم أخو المسلم يحب له مايحب لنفسه
انا صارت لي بيعه في موقع حراج على كابرس صابونه موديل 95 والسيارة كانت بالرياض وانا بجده
والسيارة كان لها صور متفرقه وسمتها مع السوامه ووقف السوم عندي واتفقت مع الرجال على الاجراءات طبعا كان فيه عيب ان الجربكس ثقيل يعني يأخر النمر وكتب ذلك في الاعلان
وعندما كلمته سألته عن بقية العيوب قال غير اللي ذكره في الاعلان لايوجد ابد السيارة على مايرام
المهم حولت له مبلغ عربون وقلت له ارسلي صورة المبايعه واحولك بقية المبلغ
وبالفعل تم ارسال صورة المبايعه وحولت له المبلغ وكل شي وانتقلت الملكية باسمي وشحنها لي على البسامي
وبعد كم يوم وصلت السيارة وليتها ماوصلت
بودي يالله لك الحمد مختلف عن الصورة بشكل كبير
والداخلية سيئة جداً لأنه مانزل صور للداخلية وقالي نظيفه لا تقطيع ولاكسور ولاشيء وهو كاذب
المهم استلمت السيارة والنفس طايبه منها مرره وقسم بالله ماكملت معي 3 ساعات الا المكينة مجاوبة غير المساعدات مهلوكة والقير السيارة ماتمشي الا30 او40 وأخر شيء بعتها ب2500 تشليح
الزبده ياأخوان انا غلطان وستين غلطان عارف هالشي
بس اللي قاهرني ليش الواحد مايكون صادق وامين
يعني عشان الواحد صادق مع الناس يضحكون عليه ؟ المشكله ارسلت له رسالة وقلت له اللي صار قال خلاص ارسلك نص المبلغ لأن الباقي سدد به ديون ، وانا عارف انه مابيرسل شي لكن حسبي الله ونعم الوكيل فيه
نصيحتي لكم مهما شفتم الصور ومهما اغرتك المواصفات أو الممشى او السعر
سيارة ماشفتها قدام عينك وركبتها وجربتها وفحصتها لاتشتريها ولاتسومها أبد
لاحد يقول لي تستاهل أدري استاهل بس هذي تجربه وحبيت انصحكم ..
تحياتي لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شكرا على التنويه 
ولازم الفحص قبل شراء اي سيارة
ولو الشخص في مدينة تانية ارسل 
اي واحد من معارفك 
لحفظ اموالك وحلالك
ومعوض ان شاء الله


up 1 down 0
d-mexem 1285
قبل 8 سنه و 7 شهر



معوض خير ياخوي 


وان شاء الله انها خيره ويجيك الموتر الوكاله يارب 


up 1 down 0
majoud 5
قبل 8 سنه و 7 شهر



الله يعوض عليك بسيارة جديدة من الوكالة .


up 2 down 0
الأمانة444 159
قبل 8 سنه و 7 شهر



يا اخوي احمد ربك انها صابونه غير انضحك عليه في سيارات اغلى ومبالغ اكبر والحمد لله على كل حال والله انت غلطت ولكن ان شاء الله ربي يعوضك خير وينتقم لك منه


up 1 down 0
adil ali 1740
قبل 8 سنه و 7 شهر



الله يعوضك


خير وانت مره خوفتني الحين وشكلي بخرج من الموقع والي له تجربه في الموقع يقلي نبي الجانب المشرق والمضلم



up 1 down 0
ابو عمرين 4
قبل 8 سنه و 7 شهر



معوض خير اخوي.. ولله يرزقك احسن منها


up 0 down 0
ابوهنادي01 1539
قبل 8 سنه و 7 شهر



المصداقية مفقودة في سوق السيارات المستعملة سواء في موقع حراج أو في المعارض 
لذا تشوف الناس تتجه للتأجير المنتهي بالتمليك.


up 1 down 0
mcmanaman 1802
قبل 8 سنه و 6 شهر



انا شفت لي سيارة في موقع حراج على قد فلوسي وشفتها بالصور واعجبتني بس راعيها من مدينه ثانية وانا اقول بيني وبين نفسي اسافر للمكان السيارة واشوفها والا لا


up 1 down 0
mashaal61
قبل 8 سنه و 6 شهر



نفس مشكلتك تماما - احدهم كان معلن عن لومينا 2008
- كان منزل صوره للسياره وهي تلق ماشاءالله - للاسف اكتشفت ان الصوره مصوره من المالك الي قبله
ومن العيوب الي كاتبها بالاعلان فيها مساعد يبغاله تغيير فقط ب 210 الاصلي - الاصلي طلع فوق ال300 وغير كذا المشكله اصلا طالعه بالركبه وتكلف 600 ريال .. وشمعه طايحه وايرباق طالع وشريتها بنفس سعر السوق _ للاسف انا لحظتها كنت معتمد على الفحص بالكمبيوتر وما طلع انها كانت مصومه
لا فحص ولا معلن كذاب - حسبي الله ونعم الوكيل


up 0 down 0
al_orainy 57
قبل 8 سنه و 5 شهر



الله لايربحه ولا يجزاه خير


up 1 down 0
alzaeem1980 -18
قبل 8 سنه و 5 شهر