أضف سؤال أو موضوع جديد          

موضوع سريع عن القير الاتوماتيك والمحافظة عليه

up 13 down 2



السلام عليكم ورحمة الله وبركاته 




في البدايه اشوف مواضيع كثيره عن القير ومشاكله ( واشوف ناس كثير توضب القير ) اكثر من مره وفي موديلات جديده بكل اسف 




كلامي بيكون من تجربه واللي يتبع الكلام الله يوفقه واللي مو مقتنع برضو الله يوفقه




.
.




قير السياره له عمر افتراضي وهو في الغالب طوويل ولكن بكل اسف اغلب الشعب عندنا مايعرف لا لصيانته ولا التعامل معه 












راح اتكلم عن القير الاوتو 




كان معي النترا موديل 2005 قير اوتو ( خمس سنوات خدمه ماخرب القير ولا اشتكى )




وش السبب !!!!








المحافظه على القير ومعرفه كيف التعامل معه هي العوامل اللي تطول عمر القير وتجعل اداء القير ممتاز حتى مع العمر الطويل للسياره








1




تغيير الزيت مع الفلتر كل 40 الف كيلو تقريباً ( التكلفه 300 ريال تقريباً )












2




لو حبيت تسافر لاتسرع في السياره ( تصك الطبلون فيها ) هالشيء يخرب عليك الترووس وممكن بعض التروس ينتهي عمرها الافتراضي بسرعه والسبب السرعه الزايده ( هذا غير انقاص عمر المكينه وغيرها من الاشياء المهمه في السياره )




^^
^




بعض الناس تفكيرها الا هالوقت فيه جهل ( يسرع في الخطوط يبغى المكينه تصير نشيطه )




ممكن تنشط المكينه ولكن لفتره ماراح تتعدى الاسبوع ومع كذا راح تنقص من عمر المكينه والقير وغيرها كثير وهالشيء ممكن يضر القير في المستقبل القريب












3




الزرزره << الدعس بالسياره وهي واقفه هالشيء يسنن عليك التروس وخاصه الترس الاول والثاني من القير 












.
.








الحمدالله والشكر مافيه شيء يخرب مع الاستخدام الجيد للسياره 




حبيت انزل الموضوع عشان اغلب الاعضاء ترتاح من هالنقطه المهمه




لاني اشوف مواضيع كثيره عن القير والشكاوي منه








طبعن هالكلام كله يطبق على السيارات كلها مهما كان نوعها 












وفي الاخير اتمنى منكم الدعاء لي بالتوفيق




واسف على القصور 
الموضوع منقول يااخوان للفايدة 
تحياتي لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


استخدام القير الاوتوماتيك بشكل هادي ومحترم يطول عمره
الابتعاد عن القومات العنيفه والدعس المفاجئ اهم شي للمحافظه
ومثل ما قال صاحب الموضوع مشكورا تغير الزيت والفلتر بشكل دوري كل 40 الف كلم


up 2 down 0
dub_r-50 424
قبل 8 سنه و 2 شهر



^^^^^^^^^^^^^^^^^^^^
كلامك سليم اشكرك على مرورك العطر


up 3 down 1



وايضا اذا جيت توقف السيارة N وجلنط بعدين P هذي كثير يوقف السيارة على القير وكذالك اذا جيت تبي تحط ريوس وقف على N بعدين R والعكس N و D



up 4 down 0
ما بنكسر صابر 2688
قبل 8 سنه و 2 شهر



احسنت يا مابنكسر صابر هذي نقطة مهمة


up 3 down 1
عزيز1212 15
قبل 8 سنه و 2 شهر



والسيارات الامريكية الجديدة فيها في الطبلون درجة حرارة القير حاول انك ماتدعس وهي فوق ٨٠ درجة ولا ركب مبرد قير اكبر 
مثل الكابرس والجموس وغيرها


up 1 down 0
فيصل بن سعد 356
قبل 8 سنه و 2 شهر



ولاتنسى نوع زيت القير  والبعد كل البعد عن الزيوت المغشوشة والمعاد تصنيعها


up 0 down 0
خاالد ابو تركي -32
قبل 8 سنه و 2 شهر



نورتو الموضوع ياشباب 


up 1 down 1



بعد لاتنسى فيه ناس توقف ٧٠ ثانيه بل اشاره وهو حاط القير با ال D وظاغط الفرامل 


up 0 down 0
fahad77777 1071
قبل 8 سنه و 2 شهر



السلام عليكم أخ فارس أنا عندي باث فندر تماتيك ٢٠٠٦ الثاني والثالث مايبدل يعني ينط من الأول إلى الرابع وعجزت من الورش والفحص بالكمبيوتر 


up 0 down 0
رياض العقيدي 9
قبل 7 سنه و 11 شهر



طيب انا اوقف بطلعه هل يضر القير


up 0 down 0
ابو درر2 -45
قبل 7 سنه و 7 شهر



ياشباب والله احترت ..أنا سيارتي ازيرا 2009ماغيرت زيت القير وهي ماشيةفوق 200
فيه ناس يقولون مولازم تغير بس تعبيه اذا نقص ...
وناس غيرو زيت القير وفرط أو خرب القير معاهم ..
مدري نغير الزيت أولا؟؟؟


up 0 down 0



غيرة بس قبل ما تغير اسأل كم بنشر عن افضل 



up 0 down 0
منتظر 55
قبل 5 سنه



السلام عليكم ورحمه الله وبركاته

شباب الي يعاني من مشاكل الجير الاوتوماتيك يتواصل معي عندي له حل ان شاء الله يفيده بدون فك جير او قطع ان شاء الله

نتعه بالجير تأخير التبديل الجير يفضي بين النمره والنمره واذا خايف تبدل زيت جير تطلع لك مشاكل تواصل معي كلها محلوله ان شاء الله 0549445911 مع امكانيه الشحن للمناطق البعيده

الموقع الشرقيه


up 0 down 0
nabeel706
قبل 3 سنه و 3 شهر