هل هذا معنى الحريه ولا هذا .......؟؟؟

اخوي ترى سعر المكرفون دايم يكون ارخص حتى من (البرحه) اي نفس السوق حق السيارات وهالشي معروف لأنك تشتري
فقط اللي امامك بدون فحص عميق للسياره ، وبالنسبه للأسعار في الموقع فعلاًً فيه اشياء مرتفعه وفيه اشياء بالسعر الحقيقي
يعني مثله مثل السوق ^_^

أولا أخوي . تحت المكرفون انت بتخمها بالي فيها .وفي الموقع ماراح تشتري حتى تفحص.



ثانيا: أغلب الي في الموقع كلهم ينزلون سياراتهم لقصد معرفة كم بتجيب السيارة وليس هدفهم البيع (استغرب لانهم حطو علامة صح على القسم في الجدية في البيع)


ثالثا: الله يرزق الجميع

تحت المكرفون ما تجيب السعر الي يبيه راعيها لان المشتري ما يضمنها وما يقدر يفحصها لكذا تلقا الشريطيه هم الي ياخذونها 
لخبرتهم في السيارات ويعرفون وراها مكسب اما الناس الثانية محد ياخذها الا قليل لانه ما يضمنها وياخذ من الصالات او المعارض
لكونها مضمونة ولكونه يقدر يفحصها

الشراء تحت المكرفون مخاطرة كبيره لان في الغالب السيارات التي تباع تحت المكرفون توجد بها مشاكل رئيسية مثل القير او المكينة لذلك طبيعي سعرها اقل من السوق. ما أنصحك تشتري من تحت المكرفون الا اذا كنت تعلم بالضبط ماهي المشكلة الموجوده في السياره وكم تكلفة اصلاحها وكم من الوقت تحتاج للإصلاح.

افضل شي بالموقع انك تلقى السياره اللي تبيها 

يعني على سبيل المثال انا ابحث عن سوبارو. وابيها.     لو اجلس شهرين بالمعارض مالقيتها بينما راح القاها هنا بالموقع

ياخوي مافيه احد حر === مافيه حر الا الكلب وانتم بالكرامه ياكل وينام ويسويها في مكانه




ولا الانسان مقيد بتصرفاته و كلامه وعاطفته واسلامه





بالنسبه للي يبيع سيارته غالي هو الخسران لانه يعرف ماراح احد يجي يشتري سيارته



ودي اعطيك مثال بسيط لكن اخاف يزعلون اخوانا اهل القصيم ( الهلي ) وافهم يافهيم

يشترطون بعض اصحاب السيارات اللي عند المكرفون عدم فحص السيارة يعني تشتري ( حديد)
.. والحقيقة ان تقريباً 80% من اصحاب البيع تحت المكرفون هم شريطية

ذكرتني بواحد عارض كابرس ال تي زد 2006 ب 40 الف ..!!!!!!!!!!!

وهي بالسوق ماتسوى 20

يبيك تكاسره بالسعر لين يجي سعر فوق سعر السوق ويبيعك

حبيبي  هنا  في الموقع اسعار مرتفعة    بنسبة اكثر من  30 بلمية  
 يجيك واحد   وهو جالس و متكي  ويحط اعلان بموقع حراج  ويطلب سعر  ويقول بنفسه لو جابت حول السعر ببيع ما خسران شي الاعلان ببلاش  
وقت ينزل  السوق الحقيقي الحراج  و  ينطق    راسه في الشمس في السوق وزحمة الحراجات   وقرف والحر   والله ليبيعك  بسعر السوق   زي التوتو  هناك سوق حقيقي  يشوف السيارة الحاظر الناضر   ويسوم  ولو ما عجبه 
راعي السيارة السوم   فيه  1000 غيرها منتظرة زبون  يشتريها  
الحين في الموقع اشوف  كيا ريو  اخس  سيارة  موديل 2011  ب  28  الف  ليش ؟؟؟  سلامات  
شفتها بل السوق   ب  22 الف  وماشية 30 الف  وصاحبها   يدلل  عليها  ولا احد معبره  ومتسوبيشي لانسر   ومازدا  و قس  على ذلك 

حبيبي  هنا  في الموقع اسعار مرتفعة    بنسبة اكثر من  30 بلمية  
 يجيك واحد   وهو جالس و متكي  ويحط اعلان بموقع حراج  ويطلب سعر  ويقول بنفسه لو جابت حول السعر ببيع ما خسران شي الاعلان ببلاش  
وقت ينزل  السوق الحقيقي الحراج  و  ينطق    راسه في الشمس في السوق وزحمة الحراجات   وقرف والحر   والله ليبيعك  بسعر السوق   زي التوتو  هناك سوق حقيقي  يشوف السيارة الحاظر الناضر   ويسوم  ولو ما عجبه 
راعي السيارة السوم   فيه  1000 غيرها منتظرة زبون  يشتريها  
الحين في الموقع اشوف  كيا ريو  اخس  سيارة  موديل 2011  ب  28  الف  ليش ؟؟؟  سلامات  
شفتها بل السوق   ب  22 الف  وماشية 30 الف  وصاحبها   يدلل  عليها  ولا احد معبره  ومتسوبيشي لانسر   ومازدا  و قس  على ذلك