أضف سؤال أو موضوع جديد          

هل شعرت بالندم بعد ان حصل لك موقف اثناء السرعه ةماذلك الموقف

up 9 down 3
السهل الممتنع 6405
قبل 6 سنه و 11 شهر



السلام عليكم ورحمة الله وبركاته

هل حصل لك موقف اثناء السرعه
وبعدها تندمت عليه وحاولت انك ماتسرع بسبب هذا الموقف!!

وماذلك الموقف

دعوه لتبادل الآراء كي نتعبر ونفيد بعضنا بما قد حصل لنا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معي لومينا اس اس  كان جنبي واحد معه دوج تشارجر ومعه اهله انا دزيت   وهو يكبس لي  وتهورت وضغطت على بنزين كله 

 واخر شي صادتني كامره ساهر *_^  والرجال يبي يبين لي ان  قدامك ساهر انتبه    وانا  احسبه يبي يجاكرني   

 صراحه نتدمت بعدها ادز زي كذا   احراج 

 وموقف ثاني كان معي فياقرا 2004  على  طريق الشرقيه راعي فورد  يراوغ بسياره يمين ويسار وانا قلت ابي اشطفه على سرعه  والرجال طلع سكران وحدني وطلعت على ردميه اشوي بس الحمد الله بعد الله ثم الالماني السياره  مازحفت بردميه ثابته

 والسرعه مامنها فايده  تجيب لك نكبات وتشكر على موضوع  يا غلا   


up 3 down 0
سكودر 14888
قبل 6 سنه و 11 شهر



الحديد ابداً ماله امان صارلي حادث قبل سنتين تقريبا
كنت امشي 160 بس ماسك اليسارتفاجأت بسياره جايه من اقصى اليمين
حاولت اتفادى بس ماقدرت السياره راحت تشليح والحمدلله على السلامه بعدها
صرت مااقدراتجاوز السرعه 80 اخاف من صوت الجرس لشناعة الحادث
نصيحه مهماكانت وسائل السلامه في السياره تظل حديد الله يسترعلى المسلمين منه



up 4 down 0
talal bader 152
قبل 6 سنه و 11 شهر



انا كنت اشتغل بشركة توصيل طرود ,وكنت كل يوم اقطع 500 كيلو يوميا الى ان صارت السرعه عندي شي طبيعي .المهم كنت ماشي 160 والطريق مسار واحد رايح جاي وكانت فيه تريله بنزين جايه من بعيد ويوم قربت حولي 500 متر مشت على خطي وانا احسب السالفه مزح وتسليه ,وعلى جانب الطريق منحدر (السكه مرتفعه عن سطح الارض) الى ان قرب مني حوالي 20 متر ووجها لوجه انحرفت على طريقه يسار واناظر السواق بشوف وش قصته طلع نايم وصحى على صوت البواري  ومسك الدركسون ودرك التريله والحمد لله, الله ستر.


up 3 down 0
ال عامر 357
قبل 6 سنه و 11 شهر



السرعه دايم مافيه خي والمواقف كثير بس اتذكر مره كنت ماشي ومعي تشارجر وجا راعي كورولا شكله صغير سن ويساقط ومدري ايش لحقته وشطفته بدون ما يجيه اي شي وبعدها شوي الا جا ودخل علي من الركن اللي عند السواق وصك السياره وكان يبي يدخلن بتريله على يميني بس التشارجر ماشاء الله ماتحرك من محله وانا لفيت عليه لفه بسيطه ابي يبعد وفجاه حاست عليه السياره واحنا تقريبا سرعة 140 كم وراح جهة التريله ونطل عالعكس وركب الرصيف وانقلب وانا دزيت ومشيت بعدها ندمت ورجعت لموقع الحادث بسياره ثانيه تطمنت انهم الحمد لله بخير وماجاهم شي بس الكورولا انعدمت وسراحه ندمت ولكن الله يهديه هو جا لف علي كان يبي يدخلني بالتريله فهج عليه الموتر


up 2 down 1
adil ali 1739
قبل 6 سنه و 11 شهر



والله ياشباب مغامرات كم  حلوه بس مدامكم سالمين فهذا الأهم


up 4 down 1
عاشق الكورفت zr1 6475
قبل 6 سنه و 11 شهر



موقف حصل لي

بعده صرت اسوق سواقة " سائق تحت التدريب "

ولا قبلها كنت استمتع بالتشطيف والتخشيش بين السيارات ,

السالفه كالتالي كنت امشي بخريص الساعه 2 وشوي وابي الحق محل قبل الاذان ,, وطبعاً بما اني " "" كنت """ محترف صرت اخشش بين السيارات على 120 وامسك الكتف اغلب الاوقات

الي حصل

فيه واحد استنذل وماشي 90 ومارضى يوخر عن اليسار وقمت كسرت السياره كسر كامل للمسار الايمن " االطوارئ"

واشوف واحد مسكين متعطله سيارته ونازل يكلم بالجوال وللأسف طيرته تطيير اليييييم
ويوم اناظر بالمرايه قلت خلاص الرجال ودع خلاااص راسه صفق بالاسفلت اكثر من مره وعلى سرعة 120

وشوي يوم وقفت اشوه يزحف يبي يطلع من الشارع وقمت شلته ووديته مستشفى والحمد لله الرجال سلم لكن رجله انكسرت وضيعت عليه دورته العسكريه وحقدت على نفسي ,,, بس بعدها يمين بالله اسوق كأني اول مره اسوق وخواااااااف الى يومكم , علماً بأن الحادث بيكمل له الحين 4 شهور الا اني لازلت اعاني من اثار الحادث ولا عاد قدرت اسوق ز ي اول والناس يحسبوني غشيم وحتى اخوياي الي كنت اتمتع باخافتهم بالتخشيش صارو يذبون علي ولاحظوا التغير



up 3 down 1
YASSER505 4157
قبل 6 سنه و 11 شهر



موضوع جميل وردود أجمل 
بالنسبة لي لآ احب السرعه  يعني في الشهر يوم 120 


up 1 down 0
عـاـشـقـ ـالـهـلـي 29
قبل 6 سنه و 10 شهر



انا صار لي موقف قمه في الا حراج كانت سيارتي في الصيانه وابوي كان عنده ضيوف ورحت له البيت قالي خذ السياره جيب العشاء
وانا رايح ومستعجل عشان باقي اهلي في البيت باخذلهم عشاء ماعندهم احد متجاوز من اليمين بخدمات ويطلع لي واحد باريوس وصدمته صدمه اليمه انعدمت سيارت الوالد
وسيارت الرجال سرت ارفع الجوال وانزله مادري اتصل عليه والاكيف والعلم اني انحرجت الاحراج اللي مابعده


up 2 down 0
الهن...ا 1709
قبل 6 سنه و 10 شهر



تدري اخوي ~ لي سنتين ~ ، اقصى سرعه وصلتهاُ 100- 110 < على طريق سفرَ ...

سويت حادث على دبآبي ، ~ كنـ^ـتٌ على سرعه 340 ~ 

< ارتجآج مخ + كسر في الساق والفخذ + علاج طبيعي + كسر اصبعين بـ"اليد" + 12 غرزهـ بالراسَ > ... 

ومن بعدها معآد اجيب الـ 100 الى في خطوط السفر < هذا اذا سافرت بالسيارهـ [ فقط الشرقيه ] 


up 1 down 0
فهد}~ 1263
قبل 6 سنه و 10 شهر



جزاك الله خير يا صاحب الموضوع 
انا فعلا صار لي موقف مع السرعه اللي هوحادث والله كنت مسرع بسيارتي كابريس رويال بس الصراحه مع الحادث والله مكنت ادري كم امشي بالظبط بس الاكيد.اني مسرع فوق 160 وما ادري وش صار تقلبت السياره بشهادة الحاضرين يمكن خمس قلبات ولله الحمد سلمت من الموت لكن تكسرت من كل محل اكثر من خمسه كسور ورضوض بكلامحل ووجروح بكل محل وتمزق بالاربطه للركب لكن الحمدلله ع كل حال وإلى الحين اعاني من الاصابات وعلاج طبيعي ومواعيد لكن الحمدلله فيا اخواني العضه العضه الله يكفينا ويوفيكة شر الحديد والحين ولله الحم ل


up 1 down 0
مجبور انا اعيش 179
قبل 6 سنه و 10 شهر



الله يكفينا شر الحوادث..


up 0 down 0
تركي2458 133
قبل 6 سنه و 10 شهر



الله يكفينا من الحوادث المصاب


up 0 down 0
ولدشريطي 15
قبل 6 سنه و 8 شهر



مره كان معاي يارس وماسك المسار الايمن امشي 170وكنت مؤه مستعجل معاي ولد خالي الصغير كان يلعب وانكسرت رجله وطااااااااير به المهم طلعلي راعي اللنترا مسك المسار ال ايمن

ومهدي انا قلبي معد ادري وين مكانه ب الضبط وهدا وصار يدقلي اشارات المهم الاخلاق صارت زفت واشطفه علا 160وطير مرايته بس بغيت اجيب العيد ب ذاك واليوم صارت لي سالفه ب الفورد كنت ماسك الايسر ومسرع ويجيني ذاك الي يمسك فراملات بوجهي ودفه من ورا طبعا انا فورد وهو كورلا الا شفت صدامه يحك ب الارض بس ابي اعرف ليه يمسكك فراملات بوجهي و سلامتكم



up 1 down 1

قبل 6 سنه و 8 شهر