أضف سؤال أو موضوع جديد          

فن السواقه - وإحترام الشارع

up 11 down 3
s-18 539
قبل 9 سنه و 10 شهر



السلام عليكم ورحمة الله وبركاته

بهذا الموضوع أحب اناقش ظاهره وللاسف الكثير يفعلها في الشارع


أهمها :


1 - في الخطوط السريعه يمسك حارة اليسار ويجيك فجأه يمين علشان ياخذ المخرج يمين ؟!!!

ج : وش مخليك بحارة اليسار من الاساس وطاير واذا جا المخرج يمين لفيت بسرعه للمخرج !!!


2 - عدم إحترام إشارات السياره ، بمعنى أصح لا جا واحد يمين توه مسك الشارع طق اشاره يسار يبغى يرجع للشارع الثاني فوق تحت

- : الاكثريه ملاحظها اذا طقيت اشاره يسار يسرع مايخليه يمر ما ادري هو تعمد او ايش لين تطوف على الشخص المخرج ؟؟

3 - لا جاك واحد وبغى يصدمك بالغلط او جاي عكس السير، إذا كلمته ينزعج وشوي الا ينزل عليك من السياره كأن الحق معه


وشمعنى بالدول الثانيه نتقيد بالمرور، ونصير أحسن من اهل البلد نفسهم بإتباع انظمة المرور، وعندنا لا ؟؟؟؟؟؟؟؟


وايش رايكم توافقوني باللي قلته ؟؟ والي عنده نقطه حاب يضيفها حياااااه الله :d







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السبب بسيط خارج المملكه النظام صارم ومافي تخلف وهذا ولد عمي وهذا قبيلي وخراط فاضي اخطيت تتعاقب بصرامه اما هنا ام الواسطات والقانون عالمسكين الضعيف بس وهذا اذا طبق القانون اصلا جا ساهر وطبقوه بشكل همجي ويتخبا ورى الاشجار وبس هدفه سرقة فلوس مافي اي توعيه او اي شي هذا السبب وشكرا


up 3 down 0
adil ali 1738
قبل 9 سنه و 10 شهر



عندك ناس يرمي سيارته فنص الطريق ويروح يقضي شغله ثم يرجع للسيارة ويغل ويمشي بعد ما يسكر الطريق


up 1 down 0
عاشق الكورفت zr1 6469
قبل 9 سنه و 10 شهر



يغل = يشغل.       


up 1 down 0
عاشق الكورفت zr1 6469
قبل 9 سنه و 10 شهر



بسم الله الرحمن الرحيم
الاخs-18
مو بس اوافقك الرأي الا اشكرك بعنف
واهدي التحيه للاخوه الاعضاء على ردودهم القيمه
والله العظيم صرنا نشوف امور ترفع الضغط وتعكر المزاج وتضايق النفس
لدرجه ان مسئله الخروج بالسياره لقضاء غرض معين في ذا الوقت اصبح اشبه ما يكون بمغامره يوميه واحيان ماتسلم من الشر حتى لو كانت السياره واقفه بطريقه مثاليه في موقف عام يجيك واحد وصفط جنبك وفتح بابه على بدي سيارتك وجرح البدي او خدش البويه ولا كانه سوى شي ؟ ومن هم من لا يجد موقف الا خلفك مباشره غير مبالي بانك قد تود الخروج او ان ما قام به هو سلوك خاطي؟
انا اتعجب من ((ثقافه استقصاد الاسائه )) هذي كيف انتشرت بهذا السرعه بين كل الفئات بكل المستويات العمريه وكيف ان اغلب الشعب اصبح يعاني من احتقانات نفسيه وترسبات اخلاقيه اصبحت تنعكس على واقعه اليوم وتتجلى من البعض في اسلوب قيادته وطريقه تعامله مع الاخرين ...


up 3 down 0
doom1 198
قبل 9 سنه و 10 شهر



بالنسبة يوم تقول ان الواحد يمسك اقصى اليسار ثم يحذف يمين للمخرج
هذا واحد من اخويانا كان ع الدائري توه داخل من المخرج الى فيه واحد طايييييير من اقصى اليسار لليمين ويصقع خوينا مع ورا طقه بسيطة لكن انحرفت السياره وخذلك كم قلبه لكن الحمد لله الرجال ما توفى لكن راح فيها كل جسمه جروح وفيه زي الاسياخ في فكة ورجولة فيها اصياخ ويديه طبعا اللي صقه حط رجله ما وقف


up 3 down 0
mohammed1122 33
قبل 9 سنه و 10 شهر



خليهم بتعلمون كيف يحترمون انفسهم
حتى يحترمون الشارع
عندنا مشكله الدلاخة والغباء واللامسؤوليه والواسطه منتشرة بشكل كبير جدا
والمرور وامن الطرق نايمين ولاعندك احد


up 2 down 0
الكحلي 36
قبل 9 سنه و 9 شهر



بنشدك عن رجلٍ شراله معاميل ...وأخذت ثمان سنين ما دق فيها





إما يســـــويها ســــواة الـرجاجيل ...و إلا يخلـــيها لمــن يقــتنيـــها





ما تصــلح الدلـة وبيض الفنــاجيل ...إلا لمن هو يحــــرق البن فيها





up 0 down 2
جامح جمحان -1
قبل 8 سنه و شهر