ماهو الحل في مشكلتي مع شركة الاستيراد والتصدير

5 1

لايمكنك التصويت حتى الحصول على 20 نقطة على الأقل
إضغط هنا للإخفاء

a v a l o n 2184
قبل 12 سنه

السلام عليكم ورحمة الله وبركآته , 

اسعد الله وقتكم بكل خير , 

إن شاء الله الموضوع مايتقفل او يغلق لان يعلم الله ودي بالشور الي يرضى الله سبحانه وتعالى 
ولا ودي اتسرع في الموضوع , 

موضوعي بإختصار : 
استوردت سياره عن طريق شركه استيراد وتصدير وبيننا عقد واضح وبين 
طبعا فيه بند بالعقد مذكور فيه الاتي : 

تقوم الشركه بفحص السياره قبل شرائها وارسال التقرير للمشتري للإطلاع عليه , وبناء على طلب العميل يتم فحص السياره في شركه فحص متخصص في امريكا بمبلغ 120 دولار يتحملها المشتري .. 

----------- 

طبعا تم فحص السياره عن طريق الشركه وارسلولي تقرير يثبت ان السياره سليمه ومافيها اي شي .. 
وبناء على االفحص تم شراء السياره , 

لكن بعد وصول السياره طلب مني مسؤول الشركه مبلغ 1200 ريال قيمة تخليص جمركي للسياره 
طبعا المبلغ جدا مبالغ فيه وقلت له انا بخلصها بنفسي .. وكانت هذي بداية التحول في طريقة التعامل .. 
بعد اخذ وعطا وجلست السياره بالميناء اسبوع لان اوراقها ماهي معي وبعد اسبوع استلمت الاوراق وطلعت السياره وقمت بفحصها مبدأيا بالميناء واكشتفت سرقة امور بداخلها مثل سخانات المقاعد وغيره .. طبعا المكينه الي تجي تحت المقعده

وارسلت لمسؤول الشركه رساله ورد علي وقال :
[ لا يوجد طريقه للأسف يمكن التأكد إلا عند الإستلام بحيث يكون مندوب المخلص الجمركي متواجد أثناء التفريغ. ] 
طبعا مشيت الموضوع وقلت يالله حصل خير وبتحمل الي انسرق لان رده لي مثل الي يقول ماحد قال لك 
تخلصها بنفسك 
المهم
 كشفت على السياره في شركة بجده وتبين ان فيها مشكله وقيمة اصلاح المشكله كلفتني 2000 ريال , 

ارسلت للشركه ايميل وضحت فيه كل شي .. وتم تجاهلي 
اتصلت على جوال المسؤول وتم تجاهلي .. اكثر من 4 ايام تجاهل كل اتصالاتي ورسايلي 
طبعا في نفس الوقت الي اتصل وارسل له ومايرد .. هو متواجد بموقع حراج وله اعلانات ومتابعها 
يعني الرجال مايبي يرد 
صلحت السياره على حسابي .. ووكلت امري لله , 

السؤال يا اخوان وش الحل الان ؟ يعلم الله مبغا الـ 2000 ريال ولا غيره 
لكن ليه التجاهل ؟ تغيرت معاملته من بعد مارفضت يخلصها لي بالميناء 
انا اطلب المشوره منكم .. والموضوع مو مستاهل شكوى رسميه بالشرطه او غيره 
لان فيه عقود مختمه وكل شي وكل كلامي فيه اثباتات سواء رسايل نصيه او على البريد 

كيف آخذ حقي منهم ؟ 
اشهر فيهم ؟ 
ابسط شي اصلحه افتح موقع واكتب فيه كل الموضوع من اوله لآخره وماعندي مشكله اعرض رقمي وحتى اثباتي 
لاني على حق 

ارسلت للشركه رساله ع البريد يوضح فيها المشكله 

للمعلوميه فيه رساله بريد منه شخصيا يقول [ نضمن السياره بعد وصولها ولو ظهر فيها شي نتحمله والر ساله هذي رسميه وتعتبر شاهد لك ] 

وش السواة الله يسطول بأعماركم 

إبلاغ

الردود