أضف سؤال أو موضوع جديد          

شاركونا تجاربكم لزيوت القير العادي .. وتغييره

up 15 down 5
speed for ever 3705
قبل 6 سنه و 12 شهر



ارجو قراءة الموضوع بأكمله .. قبل تقييمي .. عشان ما تظلمني بالتقييم .. ولأن فيه معلومات مهمه بنهايه الموضوع

لكن اول شيء
اتمنى اتمنى من اللي يقول لا تغير زيت القير العادي .. ما يشارك بالموضوع بتاتاً
لأنه ما جاب شيء جديد .. وبيسوي زحمه بالردود على الفاضي
كلام منتشر ومكرر عند بعض الناس .. و غير صحيح

يعني نبي شيء جديد .. نبي نتعلم ونتثق ونستفيد


كل شيء له عمر افتراضي .. الزيوت وكل شيء .. وبالكتالوج مكتوب كل كم يجب تغيير زيت القير العادي .. بعض السيارات مكتوب بالكتالوج كل 60 ألف وبعضها كل 40 ألف وبعضها كل 80 ألف والخ ...

لكن مشكلة بعض الناس .. يروح للبنشر أو فلبيني بترومين أو غيرهم .. ويسمع كلامهم ( سواءا يحط له زيت قير تريله أو الخ ... )
ويقوله غير زيت القير العادي .. بدون ما يقرأ كتالوج سيارته .. ويضرب بكلام الكتالوج عرض الحائط !!
وبعدين يجي راعي السياره .. ويقول خبط قيري أو خرب قيري أو التعشيق مو مثل أول

وهذا أكبر خطأ !! .. كله بسبب جهل راعي السياره .. وجهل البنشري أو الخ ... وتجاهل الكلام والتوصيات المكتوبه بكتالوج السياره

الشركه الصانعة للسياره والمهندسين اللي مصممين وصانعين السياره .. أبخص مني ومنك ومن البنشري ومن الفلبيني والخ ...

يعني دائما قبل تسوي شيء للسياره .. أقرأ كتالوج سيارتك !


ملاحظه مهمة جدا :

اذا سيارتك ماشيه كثير بدون تغيير زيت القير .. خلاص راحت عليك .. لا تغير زيت القير لأنه ممكن يخبط ..

واذا انت مستعد للمخاطره .. ممكن تنقص من زيت القير شوي .. وتعبيه زيت جديد بشرط يكون مناسب " أقرأ كلام الكتالوج "

أو تغيره بالتدريج .. تسحب شوي ثم تزوده زيت جديد .. وتمشي عليه ..
ثم بعد فتره
تسحب شوي ثم تزوده زيت جديد .. وتمشي عليه
ثم تغيره كله .. لكن ممكن يخبط القير ( لأنك ماشي كثييييير على السياره بدون تغيير زيت القير )


الخطوات الصحيحه لتغيير زيت القير " للسيارات اللي ما مشت كثير " :
يعني تقريبا تكون ماشيه 40 أو 60 أو 80 ألف

1) تقرأ كتالوج سيارتك .. واكتب في ورقه خارجيه نوع الزيت المناسب واللزوجه المناسبه " المذكور في الكتالوج "

2) تبحث عن الخيارات المتاحه في السوق . بشرط تكون زيوت مناسبه ولزوجتها مناسبه " وكتالوج سيارتك هو اللي يحدد وش الزيت المناسب واللزوجه المناسبه "

3) تروح لفني شغله نظيف .. وتغير زيت القير ( وبإمكانك الإحتفاظ بالزيت القديم .. للاحتياط )

4) اذا واجهت مشاكل .. رجّع الزيت القديم

لكن لا تستعجل بالحكم بمعنى جرب الزيت الجديد لمسافه ومده كافيه

واذا الزيت ممتاز .. غيرّه كل 40 ألف أو 60 ألف


طبعا اذا مالقيت الزيت المناسب .. لا تغيره إلى أن تجد الزيت المناسب
وممكن تطلبه من الخارج مثل موقع amazon

ملاحظه :

قير سياره ماشيه 300 ألف مع المحافظه على تغيير الزيت كل 40 ألف .. أفضل بكثير من قير سياره ماشيه 300 ألف بدون تغيير زيت .. أو مهمل بتغيير الزيت

أقصد من ناحيه الأداء والنظافه وكل شيء ..


ترى انا كتبت الموضوع وتعبت عليه .. من أجل إفادتكم ومشاركة المعلومات اللي عندي
يعني اتمنى تعطون الموضوع حقه .. وتتفاعلون

والمعلومات هذي اكتسبتها بعد بحث طويل سواءا بمواقع الانترنت الانجليزيه أو العربيه أو الكتالوج أو تجاربي الشخصيه ..

اتمنى اني افدتكم واتمنى نستفيد من بعض واتمنى التفاعل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أشكرك ع التقرير المفيد للكل 

وياليت توضح بتوضيح دقيق متى يكون السيارة تحتاج تغير زيت الجيربوكس 

لان صرنا بنفس سالفه زيت الماكينة البعض يقول تغير الزيت الماكينه تكون بعد 3000 والبعض يقول 5000 والبعض 6000 

ماعرفنا وش السالفه وياليت تكون دقيق بعد كم كيلو يتم تغير زيت الجيربوكس 


up 2 down 0
أستشاري الحب 6472
قبل 6 سنه و 12 شهر



موضوع مميز تستاهل ليمككككككككككككك
.
لو ان كل واحد شغل مخه شوي وسأل نفسة وش فايدة الزيت الموجود في القير والدفرنس
والماكينة كان عرف السبب
الزيت فائدته تقليل الاحتكاك بين اجزاء المحرك (سواء ماكينة او قير او دفرنس او دبل) وتقليل الحرارة
ابي اسأل سواء واتمنى الشخص اللي مقتنع بأن زيت القير والدفرنس لا يغير او يزود حسب النقص.
زيت الماكينة يغير كل 5000 كم طيب لو لم يتم تغييره ابدا بل نزيده كل مانقص تتوقع وش راح يصير بالماكينة لو وصلت ل30000 كم بدون مانغير الزيت؟
كذالك زيت القير والدفرنس المفروض يغير كل 80000 كم وإذا زاد عن ذلك تحمل مايجيك
نصيحة اخ 
يـــــــــــــــانـــــــــاس غيرو زيت القير والدفرنس حسب كاتالوج الصيانة 
.


up 4 down 0
ماجد المطلق 10841
قبل 6 سنه و 12 شهر



موضوع تستحق عليه التقييم

 كثير منا م يهمل زيت القير العادي وعلى باله ان يتحمل حتى لو ما تم تغييره 
وهو فعلا يتم تغييره  بس بفترات اطول من الزيت الاوتو 


بالعاده اغيره كل  100 الف كيلو 

واخر مره غيرت بزيت كاسترول  بس ما اشوف انه مناسب

في زيت موتسوبيشي  ممتازه 




up 3 down 0
fahad alzhrani 144
قبل 6 سنه و 12 شهر



بسم الله الرحمن الرحيم

أستغرب من البعض من الذين يقولون زيت القير يزاد ولايتغير

طبعا لو فرضنا كلامهم صحيح

فيخطر على بالي سؤال بديهي

ليش المصنع حاط صرة لتفريغ زيت القير؟!

معقولة الزيت ماتنتهي لزوجته ولايصبح اثقل !!!

عموما كلامي السابق مجرد استغراب

ورأيي الشخصي نعم يتغير بشرط يكون نفس اللزوجة الموجودة بالكتالوج ونفس المواصفات

ولك احلى لايك لأن موضوعك يستحق بدون مجاملة


up 2 down 0
ماكسيما 2008 6741
قبل 6 سنه و 12 شهر



انا اشوف انه الزيت مايتغير الا لما تحس القير مايعشق زين او ينتع فقططططططط


up 0 down 0
adil ali 1741
قبل 6 سنه و 12 شهر



تغيير الزيوت للقير العادي فقط لربح المادي في صيانة السيارات ولو صيانة السياره خمس سنوات ودخلتها  الصيانه فما راح يغيرون زيت القير التغيير يكون للقيور الاوتو لنها خفيفه ونضام قيرها بنضام الضغط لزيت


up 1 down 0
princ 18864
قبل 6 سنه و 12 شهر



انا كانت معي النترا كانت ماشيه حدود 55 الف
اول ما شريتها كنت بغير الزيت بس قالي البنشري ما يحتاج
مشيت عليها الى 148 الف وما غيرته لين ما بعتها والقير مثل ماهو وكلام اخوي صادق كثيرين من الفنيين ينصحون بعدم تغيير الزيت ((التوماتيك)) اذا ميت عليه واجد وما غيرته خله
والمهم لا توسوس وتوكل على الله بعدين كلام التغير كلام شباب طلع مثل شغله تربيط السيارة وكلام فاضي


up 0 down 0
صوت العزاوي 526
قبل 6 سنه و 12 شهر



مشكوووووووووووور


up 1 down 0
وليد المنتهي 15
قبل 6 سنه و 10 شهر