وش افضل ورش للسمكره

مالي علم بالدمام ولكن حاول غير الرفارف افضل ولا يكثر معجون وهذا مهم جدا ومن ناحية البوية انصحك في بويات سكينز افضل شي

انتبه أخوي لا يصير لك مثلي
أولًا:
قول إلى الورشة إنك تبي الألوان نفس الشي(اشرط عليه شرط وإذا تقدر خليه يكتبه في العقد)
ثانيًا:
الورش إلي ما تاخذ فترة طويلة في الشغل هذاي نصابة مو شاطرة لأن المعجون الأصلي يا خذ فترة علشان ينشف
ثالثًا:
مثل ما قال أخوي "موووت احبك "لا يكثر من المعجون لأنه مع حرارة الشمس بيتقشر أو يشفط البوية ماني ذاكر بس مو زين نهائيًا كثرة المعجون بس مع ذلك لازم تنحط طبقة معجون خفيفة جدًا.
رابعًا:
اشرط عليه الثنر يكون أصلي.(هذا واحد من أصحابي قالي عنها)ويقول إذا كان الثنر مو أصلي بكون اللون "مبهق".
خامسًا:
روح لورشة محترمة لأبعد الحدود حتى لو خسرت لكن تشتري راحت بالك.
سادسًا:
صابتني مرة أخوي صدم بسيارة (صابونة 91)كانت الصدمة في المراية والمراية ما تنكفس فنكسرت والنطعج الباب.
فاتشفت أن الورشة الحرامية أصلحة مكان الضربة ومعجنتها وبعدين رشت الباب كامل على البوية السابقة والقهر لما دخلنى السيارة الورشة قال لازم رش باب كامل بابا<<هندي.
____________
وبالنسبة للمبلغ1100ريال رخص التراب
معناتها في حاجة(لازم فيه لعبة)والله أعلم
علمًا أن مبلغ ربع كيلو صبغ من 25 ريال إلى 30 ريال حسب اللون إذا لؤلؤي أو لأ
والباب الواحد كامل يحتاج ربع كيلو بس.
وآسف على الإطالة (سحبت في الكلام من القهر)
وأكرر أهم حاجة تشرط الألوان متطابقة لأن سيارتي ألوانها مو متطابقة وجايبة ليي أزمة نفسية

افضل ورشة وسعرها ممتاز وشغلهم نظيف في الميكانيكية و السمكرة ورشة الدار البيضا في صناعية الأحساء