أضف سؤال أو موضوع جديد          

مجموعة نصائح من تجربه لمن يرغب في سياره تقسيط

up 52 down 14



السلام عليكم ورحمة الله وبركاته


ابشركم بعت سيارتي وكنسلت موضوع الجيب وبطلع اكسنت اقساط ميسره وبشتري ارض والله يرزقني ويرزقكم نبي نخش فمشاريع الاراضي


بقولكم على نصائح مع شركات التاجير والبنوك بعد تجربه معاهم وهي مفيده للي حاب يدخل في عالمهم


قبل ماتوقع العقد أقراه حبه حبه واسئل عن كل شي


هل تقدر ترجع السياره لهم وكيف الطريقه وايش الشروط وكم النسبه اللي ياخذونها وغيره


هل تقدر تتنازل عنها لغيرك او لا لانه فيه شركات او بنوك ترفض التنازل حتى للقريب لك


في حال تاخرك في القسط هل ياخذون غرامه تاخير او لا


تاكد لو اسنبحت السياره بسبب تاخرك وكان فيها اغراض مهمه او فلوس وراحت عليك فالبنك يخلي مسؤليته والعقد اللي انت موقع عليه يقول ( عند سحب السياره البنك يخلي مسؤليته عن فقدان اي اغراض فالسياره )



في حال سحب السياره بسبب تاخرك هل يرجعونها لك بعد ماتكمل لهم الاقساط المتاخره ولا يروحون يبيعونها ويدفعونك الفرق بين قيمتها الباقيه وقيمة بيعها فالسوق !!!


هل يوقعونك على سندات قبض بقيمة السياره توقعها كامله وهذي خطيره شوي لانهم موقعينك على قيمة السياره كامله بسندات ( بعض البنوك او الشركات ماتوقعك ولا شي )


هل يعطون تفويض لغيرك يستخدمها ويعطونه تامين بعد او لا


تاكد ان السياره ليست ملكك ولو سحبها البنك بسبب تاخيرك في القسط ماتقدر تحاجه وان سحبت عليهم راح يتعلق اسمك في ( سمه ) وتبقى في البلاك لست


تاكد انه هناك قد تكون شروط او جزاءات او غرامات مرتفعه في العقد لن يظهرها لك الموظف لان هدف الموظف هو اظهار الشرط الميسره ومدح السياره من اجل كسب العملاء وهذا ماحدث معي اليوم


سئلت الموظف ؟


قلت له ليه ماتوضحون للعميل عن شروطكم مثل عدم التنازل عن السياره في عجز العميل عن السداد !!!!


قال ياحبيبي هذي مشكلتة العميل ليه ماقرى العقد !!!! لذلك انتبه وحاول تعرف ايش اللي لك وايش اللي عليك


التزم بسداد القسط اول باول مهما كنات ظروفك وانا جربتها مع بنك فرنسي وبصراحه كان تعاملهم واجرائاتهم سهله وتعاونو معي يوم تركت السياره لاني كنت منتظم فالسداد


نجي نحسبها ماديا


مثلا راتبك 6000 ومتزوج


بتاخذ سياره قسطها 1600 يبقى من راتبك 4400


ايجار الشقه 1500 يبقى 2900


فاتورة الجوال + فاتورة + الكهرب + وصرفية + الاكل + وزوجتك وعيالك !!!! 2900 ماتكفي شي ولاتعيشك ولا بتصبر 5 سنوات على 2900 هذه اذا مارتفع الايجار والحياه بدات تصير غاليه


لذلك وقف وانتبه وارجع عيد الحسبه وابحث عن سياره تناسب دخلك الشهري سواء عزوبي او متزوج قبل ماتفكر فمواصفات السياره وتطنش قيمتها وقسطها فكر في وضعك المادي وكم راح يصفالك نهاية الشهر !!!


لذلك فكر في قسط السياره قبل ماتفكر في مواصفاتها وقوتها لان السياره مجرد وسيله وليست غايه عشان ارمي نفسي 5 سنوات اقساط مهلكه !!!


لذلك ابحث عن سياره قسطها 900 ريال والسيارات موجوده ولا تقول ابي اكشخ وابي سياره حقت خط !!!


كل شوي امسك خطوط واشوف ناس مسافرين بسيارات صغيره ومنها الياريس مكينه 1.3 سيارات كلها تمشي وتمشيك بس متى الواحد يفكر وياخذ سياره على قد حاله !!!


بعد ماتوزن حسبتك الماديه وتحدد قسط السياره المناسب لك ابداء البحث مره اخرى عن سياره جديده


عشان الواحد يتفادى لايتعرض على ازمه ماديه ويضيع عمره وحياته وهو يقسط وفي البالك لست لاهو !!!!


وتاكد انه البنك او الشركه الماجره ماراح تضرب حساب لظروفك وتقدر وضعك


الشركه اهم شي عندها انه القسط يجيها شهريا ومثل ما الشركه التزمت معك وطلعلتك سياره جديده انت بعد التزم بسداد القسط اول باول لذلك انسى شي اسمه ظروفي الماديه صعبه او من ذلك


لذلك لاتاخذ سياره الا بعد ماتحسب وضعك المادي وتشوف القسط المناسب لك وتاخذ سياره على قد حالك وتعيش حياتك بدون ازمات ماليه


اخيرا اذا السياره لها اكثر من وكيل لازم تمر الوكلاء كلهم وتشوف الاسعار كيف ومثلا الاكسنت عند الوعلان مكينه 1.4 قيمتها 59 الف


والاكسنت اللي اخذتها عند الناغي مكينه 1.6 ب51 الف يعني مكينه اقوى وارخص


انتهى :::


اي خطاء او اضافه او تعديل او سؤال نتقبل رائيكم فيه والموضوع للنقاش


حاليا اخترت اكسنت مكينه 1.6 فل اوبشن مواصفات الناغي قيمتها 51500 كاش والقسط 1150 السياره بتكون بيني وبين اخوي توه متوظف شراكه بيننا


بعد فتره ان شاءالله راح اعطيكم رائيي فيها من جميع النواحي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يكتب اجرك وماقصرت كفيت ووفيت


up 1 down 0



فيه نصيحه عندي

ليش ماتخلي الفلوس تشتغل لصالحك بدال لصالح البنك. كيف؟
إشتري مستعمل وبيع بعد سنيتن وزي كذا. السيارات هالأيام عمليه جداً وتتحمل.
بدال ماتدفع الضريبه - فوايد البنك - طيحة سعر السياره لين فكيتها وكاله - إكسسوارات إضافيه.

فلوسك تروح عليك عالفاضي.


up 0 down 0
hemo1001 33
قبل سنه و 2 شهر