استفسار بخصوص صوت غريب بعد اطفاء السيارة

اعتقد صوت القزوز والله اعلم

هذا فيه ناس تقول انه من المكيف

والوالد الله يحفضه معه جمس وفيه زي كذا تك تك يوقولون صوت المكيف
والاخوان افهم مني وهم راح يعلمونك

وعليكم السلام هذا صوت طبيعي وخصوصا في السيارات الامريكيه لان حديد الشكمان هو عباره عن حديد مجوف ومبطن بفلتر صديق للبيئة والطقطقه ناتجة عن حرارة الشكمان والقزوز ودمتم

وارجع ااكد لك حسب خبرة سابقه ان الصوت طبيعي وبالعكس هذا يدل على ان محرك سيارتك ممتاز ويحرق بشكل جيد

اخوي هذا شي طبيعي جداً وممتاز للسياره في نفس الوقت من عرفت سيارتي وهي تطقطق ولين يومك هذا ماصار اي خلاف 

لاتخاف من الصوت حتى انا لما اطفي السياره واواقات والسياره شغاله واهي واقفه اسمع الصوت ويطلع من الدبه اللي بالنص عاااااااااااااادي يابو

صوت طبيعي لو انه توها طالعه من الوكاله

كانمعي يوكن 2001 ونفس السالفة والحين معي تاهو 2011 ويطلع صوت عادي اغلب السيارات كذا

الصوت طبيعي خاصة في الشتاء
اذا عندك الصوت او ماعندك الصوت = كلها واحد ولا عندك مشكله

الصوت هذا بظهر فالسيارات الجديده بشكل خاص وفي السيارات القديمه بعض الاوقات وقت الجهد العالي

لان الحديد المعدن يتمدد مع الحراره ويتقلص مع البروده  فبسبب تمدهه تسمع اصوات تكتكتك

على سبيل المثال لايضاح اكثر

وجيه القزوز اذا كان فيها تنسيم خفيف تسمع صوت السياره مفجور وكئنه الشكمان مفقوع

بعد ماتحمى الصوت يختفي والسبب انه وجه القزوز والقزوز نفسه مع الحراره يتمدد ويسد فراغات التنسيم

واذا وقفت السياره فتره وبردة وشغلت بيرجع صوت تنسيم لكن بعد ماتحمى راح يختفي الصوت

من وانا صغير اسمع هالصوت بالسيارات عادي جدا تك تك تك ههههههههههه

هذا صوت القزوزكانت معي كامري ٢٠٠٨من كثر ماجلدتها طلع هالصوت

هههههههههههههههههه 

كل واحد يتفلسف 

هاذا صوت عادي جدا ودايم يجي يا السيارات زي الي حرارتها قريبه من النص 

زي الفورد - و السوناتا - و الازيرا والخ....

اخويا انا سيارتي جديدة و تسوي كذا عادي و هذا يجي لمن تدعس و تمشي كثير بالسياره

قبل خمس سنوات الموضوع بس أثناء البحث طلع لي
هذا صوت البوابة الثروتل اذا ضعفت البطارية يطلع لو فكيت الخرطوش تشوف البوابة تتحرك والسيارة طافية
وجاري البحث في حلها

سيارتي دوج وكاله واذ طفيته ومرت نص ساعه يطلع صوت طيط مادري تيش صوت

شكر لكل من مر من هنا ولصاحب السوال خشيت بقوقل بنفس السوال وحصلت الجواب عندكم شكراااا

الموضوع قديم له ٨ سنوات ، وشكرا للأخوان ،انا يطلع لي ومعي كيا ...اعتقد سببه الجهد العالي على المكينة ،يعني لو تمشي حول الحي ما تسمع الصوت ، لكن لما تمشي بسرعات عالية ومسألة بيطلع ،،والصوت يجي صيف شتاء ما له خص

تقبلوا مروري ✋

شكرا لكل اللي جاوب انا معي باسات 2016 .. 5 سلندر بس الاول كان صوت تكتكة مرتين الي 3
بعد ما غيرت الدبة اصبح يطول