استفسار الفرق بين رش السياره بالفرن والرش العادي؟

آلفرن سلمك آلله يكون في مكآن مغلق ,

آلعآدي يرشونه لك بالورشه وآحتمآل بعد آلرش يكون على آلبدي زي آلنقآط لآنهآ آتربه ،


آلآفضل وآلآضمن آلفرن وخذ لك ضمآن سنتين آو ثلآث سنين عشآن تضمن بويتك مآتتبهت

وبالتوفيق

البويه العاديه يرشها العامل بمسدس هوا وهي بدائية جداً
اما الفرن يفك كل الجلد اللي في السياره ويدخلها جوا غرفه اللي هو الفرن ويرشها بجهاز
رشة الفرن انظف وادق بكثير خاصه اذا ماكان فيه معجون
اشرط عليهم نوع البويه ( ميتاليك ) أفضل بويه للسياره ماتقلب
مووووووووووووووفق

نفس ماقالوا الأخوان.............
وأيضا تحس إذا صبغت السيارة بوية عادية ماتحس بجمالية السيارة
أما بالفرن تحس بجمالية االسيارة وترتاح بالسيارة زيادة

بصراحة نادر ماصرت أسمع عن الرش العادي

الكل صار يرش بالفرن حتى لو الرش بسيط والمساحة صغيرة

كل السمكرية والصبّاغين يتناوبوا الدور ويستأجروا الفرن.

تبي نصيحه  اخوك اذا انك رجال عندك فضاوة هلايام شد الرحال ع تركيا ولا الاردن ورح رش موترك وتمشى وغير جو بنص القيمة ولا الشغل افضل من هنا بمليون مرة اعرف واحد من العيال معه مرسيدس راح رشه في لبنان بي 2000 ريال ويعتبر هذه اغلى سعر عندهم والرشه فحصها هنا بلسعودية قالو مهيب مرشوشه رشه بلادها 

اخوي رش الفرن انظف 
واشترط عليييه انه يحرق البويه القديمه مو يصنفرها 

البويه العادي يعني يرشها العامل في الورشه وطبعا الرش في الورشه يطلع عيوب زي الحبوب في البويه اوبهاق في اللمعه وغيرها

هاذي العيوب يقدر يغطيها الصباغ حسب خبرته بس في الصبغات الجانبيه فقط

اما الرش في الفرن هو رش عامل بنفس مسدس الرش العادي (بعكس ماقال الاخوان)بس في غرفه مغلقه على فلاتر من الاعلى والاسفل ويشتغل الفرن على كهرباء طبعا مع ديزل عشان يولد حراره عشان ينشف البويه على حراره معينه

تنبيه: بعض الافران خربانه مايشتغل فيها نظام الحراره او نظام شفط الغبار او الاثنين معا بس حاطينها ديكور ويضحكو على الناس

رش الفرن
1- غالي
2- يمسك في البودي مزبوط
3- ما يدمع
4- يلمع اكثر
5- ما يجي فيه ذرات الغبار



الرش العادي داخل غرفه مغلقة
1- رخيص
2- بدون ذرات غبار
3- تلقى تدميع في البوية
4- اللمعة لك عليها

الرش العادي في الهواء الطلق
1- رخيص حدا
2- مليان ذرات غبار
3- البوية فيها التدميع زايد
4- اللمعة مشي حالك

الله يجزاكم خير جميعاً وشكراً على التوضيح.

ماخبرتو ورشه سعرهم معقول يرشون بويه بالفرن؟

السلام عليكم عندي فورد وابي ارشً بويه. وماني عارف التكلفه كم 

ياخوان للمعلوميه الفرن لابد من فتره لفتره صيانه فلاتر ومراوح ال اخ
وعندنا ناس تطبخ لاصيانه بس ضحك علينا ماعندهم سالغه لاتركي ولاهندي
محد يعرف يرش غير بن بشر بجده وشرطه مافي تعديل تغير كل القطه المدقوقه 
او المصدومه ويرش اخر 5 موديلات فقط وشغل يده6الف يعني
 الدعوه نصب بنصب انا اتكلم كذا من االي اشوفه بصناعيه يشي يفقع القلب
 محد يعرف يرش يرعووون ..انا متابع في اليوتيوب امريكين يرشون سياراتهم 
فب الكراج حق بيته وتطلع ارجل من رش ابو جميل نفسه خشو وشوفو
. 

ياشباب رش نفس الشي والبوية وحدة والمسدس واحد بس الخلاف اذا 
اللملمع  أصلي والاتجاري  لأن في كل الأحوال لازم السيارة تتلمع
 

فيه ورشه ممتازه جدا في القصيم بريده في صناعيه السليم اسمها مراس للسمكره ممتازه وسعيها حلو وشرط فرن وضمان على البويه انصحك فيها 

انا عندي سياره كرولا 2005فيها طعجات متفرقه هل الرش الفرن يشمل السمكره
وهل تعرفو كم يكلف الرش الفرن

التعليق الاخير صاحب السيارة كوريلا طبعا الطعجات ماتشمل الرش واذا انت بالرياض حيابك حنا في صناعية العاصمة اسم محلاتنا تكنوكار عندنا رش فرن اصلي وضمان وكمان عندنا سمكرة طعجات شغل نضيف ومرتب انت تفظل عندنا ولك خصم خاص تبي تتواصل معي هذا رقمي 0536120664

تسويق حتى هنا اذا يمني لا تشتغل عنده نصااابين الا قله قليلة

بلاش العنصرية لا تقول فلان يمني والا سعودي والا بريطاني ترى كلنا مخلوقين من ماء مهين وكل جنس فيه طيب والخبيس وخلقنا هكذا لبس لنا دور في خلقنا ولكن لنا كل الدور في اقوالنا وتصروفاتنا واكرمنا عند الله اتقانا وسلامتكم