أضف سؤال أو موضوع جديد          

مشاركاتكم ... فكره استأجر السياره .... التكملة بالداخل

up 7 down 0
a.a.77 2843
قبل 8 سنه و 7 شهر



السلام عليكم ورحمة الله و بركاتة 

مساء الامطار اللي على الرياض وبعض مدن المملكة 
اخبار علوم < علوم ولا رياضيات ههههه
وش مسوين عساكم بخير 

المهم اليوم وانا افرفر بذا الجو الحلو ماشاء الله طقت براسي فكره قلت لية بدال ما نفك موتر بمبلغ و قدره و صيانة و قروشة و لو كليت مطب انجنيت و تنزل تشوف الموتر و قلق 
وغير كذا اسعار صيانة الوكالة و قطع الغيار  الحوسة 

اللي ابي اوصله لكم و ابي رايكم فية 

وش ريكم بفكره استأجر موتر ب50 ريال باليوم تقريبا موديل 2011 او 12
يعني تطلع بالشهر تقريبا 1500 ريال
و عليهم كل شيء قطع استهلاكية و زيت و كفرات و كل شيء كل ما عليك دق  سلف و امش 
لو تفكر فيها حلوه لان بتفتك من القلق 
وكل شههر غير موتر و جرب نص المواتر ههههههه


المهم رايكم بالفكره ؟



وشكرا 
اخوكم : a.a.77







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماينفع يابو




وقولك على شغله

لو لا قدر الله صار عليك حادث

القطع عليك والتصليح وهم لهم نسبه قليله يدفعوها

غير كذا احسب حساب الكيلوا مترات باليوم يعني لو 200 كيلو بلاش والزائد تحسب عليك بواقع 60 الى 50 هلله


والرياض ما شاء الله طول وعرض المشوار الواحد ياخذ اقل شئ 30 كيلو رايح وجاي 30


وغير كذا ماتقدر تضمنها لانها اجار يعني مهلوكه وفي عشرين واحد ساقها قبلك

ولو تبي تسافر برى المملكة قروشه


اشتري سياره لك على قدك ومشي الحال الين الله يسر لك وشتري جديد وكالة ولك لايك



up 7 down 0
aboamani 1148
قبل 8 سنه و 7 شهر



وعليكم السلام ورحمت الله وبركاته
فكرة ما تصلح بنظري
ﻻنك لو اشتريت سيارة وبعته بعد 5 سنة بتجيبلك مردود والسيارة قمية مثال 60000 كحد اقصى
وﻻ تنسا قطع الغيار
اما الاجار 1500 ×(12×5)=90000 وممكن تكون السيارة مكروفه او ماتلق وتتمرمط كم يوم
يعني فلوسك رايحه ريحه يا قطع غيار او اجار


up 1 down 0
جيب ديفندر 71
قبل 8 سنه و 7 شهر



ابو اماني 

كل واحد له وجه نظر 

ولو قلنا لك باليوم 200 كيلو يعني بالشهر 6000 الاف 
لو افر الرياض ما كملت 6000 ااف كيلو 

علىا لعموم لك لايك لمشاركتك 


up 0 down 0
a.a.77 2843
قبل 8 سنه و 7 شهر



طيب اللي افهمه ان التأجير المنتهي بالتملك احسن ؟


up 0 down 0
a.a.77 2843
قبل 8 سنه و 7 شهر



طيب بدل كل شهر تتدفع 1500 لو تجلس سنه بس 1500+ 1500+ 1500+ 1500+ 1500+ 1500+ 1500+1500+ 1500+ 1500+ 1500+ 1500+ = 18 الف تشتريلك سياره مستوره و حلوه و حقت كرف احسن من الايجار كل يوم 


up 2 down 0
abo3tb 511 1737
قبل 8 سنه و 7 شهر



يالحبيب 50 ريال تستاجر اكسنت فقط السيارات الزينة غااااالية والاكسنت قيمتها حول 40000 يعني اجار سنتين طلعت قيمتها


up 3 down 0
شليطيح 5018
قبل 8 سنه و 7 شهر



لا اويد الفكرة نهائيا  لعده اسباب

1:بدل ماستاجر اطلع لي موتر تقسيط افضل ويصير لي بالنهاية  ولو مابغيت الموتر سويتله تنازل لاي احد وخلاص وبمقابل بعد
2:من ناحية توفير الفلوس وان المحل بيصلح كل شيء بالموتر   انا بسالك وش ذا الموتر اللي بيخليك تخسر فيه 1500 كل شهر  ولا بعد موديله 2012 والله لو انه ايش   وبسبته تبي تطلع موتر ايجار؟

انا اويد الفكرة جزئيا انك تستاجر موتر لمده شهر تغير فيه جو فقط لا اقل ولا اكثر اما بتقعد طول عمرك قاعد على الايجار عشان ما تصلح الموتر اذا خرب  ما قد صارت ذي ولا قد سمعت بها




up 1 down 0
العامري دوت كوم 2 455
قبل 8 سنه و 7 شهر



هلا والله حياك
والله من ناحيتي اقول الفكره ماتصلح ابدا
لانو الموتر مو كل يوم بيخرب يعني فلوسك تدفعها في موتر لك
احسن لك بواجد والله الايجار مامنه الا خساره واي حكه او شي فيها سوو لك سالفه وهات وهات وهات وكل شهر يدقون عليك ةالموتر مو مفوض الا داخل السعوديه فقط ولا جيب بتفوض لازم فلوس . والله مايصلح ابد ادفعها في شي يكون لي
ترا الايجار مثل حرق الفلوس سوءا كان بيت او سياره , والسلام ختام



up 0 down 0
عـادل عبدالله 4751
قبل 8 سنه و 7 شهر



1500 ريال شهرياً = 18000 ريال سنوياً = 90000 ريال في خمس سنوات فقط


لو اشتريت كراون فيكتوريا ولا مجال طبعاً لمقارنها مع الأكسنت واشتريتها بـ 50000 ريال وصرفت عليها كل سنة 3000 ريال صيانة عامة وبعد 5 سنوات بعتها بـ 25000 ريال

بتكون خسارتك الحقيقية 40000 ريال في الخمس سنوات والسيارة سيارتك وراكب فورد مريح وقوي

والمسألة في النهاية رأي ولك حرية الاختيار


up 0 down 0
أبو عبادة 4852
قبل 8 سنه و 7 شهر



الآجار يصلح للي راتبه ضخم ويحب يغير ويدلع نفسه
  
أما اللي حالته وسط بهالحاله الآجار دم فااااااسد


up 0 down 0
فكوك 1684
قبل 8 سنه و 7 شهر



استاجرت اكسنت ب 90 ريال في اليوم موديل 2013 لمدة اسبوعين =1260


up 0 down 0
ابو فهد 771 206
قبل 8 سنه و 7 شهر