تغطية لوح السيارات باعلانات البيع

اخوي الموقع نفسه يطلب منه تغطيه اللوحة حتى المواقع الاخخرى وشكرا 

يا رجال يمكنه متزوج اللوحة وما يبيك تشوف محارمه هههههههههههه 

بعض المواقع يشترطون ان يكون مكان اللوحة شعار الموقع 
لكن موقع حراج ما يشترط هذا الشي 

انا اشوف ان فكرة طمس اللوحة مالها فايدة ابدا 

صوت العزاوي غلطان يالغالي الموقع مالة علاقه بالموضوع 
وبالنسبه للاخوان الي يخافون حتى من الاتصال يمكنهم من الطبقه المخمليه ويخافون تغبر عليهم 

ابراهيم ذكرتني بسالفة واححدد باختصار جدا  اشترى سيارة عن طريق الموقع وضرب مشوار فوق  550
 والرجال ما دق عليه وهو معطيه رقمه  يوم      دخل على المموقع وحصل رسالة على الخاص   طلع انه مرسل  له رسالة
وانه باع السيارة على واحد من الجماعة  وطلع ولا عاد شاف وجهه  وانجن خوينا 

 كلام راعي الموضوع سليم 
انا اول ماجيت للموقع قبل 3 سنوات كنت اغطيها هههه مع الناس
لكن بعدين ؟؟
قلت ايش السبب ومالقيت اجابه 
ودام مابه اجابه تركت كل اعلان  واسهل لي بدون ماتعب نفسي واشطب
......................................
لكن في ناس ماتبي احد يعرف اسمها عن طريق الوحه لغايه ما

امحق طبقة مخمليه

طبقه مخاطية وانت الصادق

هالطبقة لازم انك تممممخط ثم تسفها في وجهه لانه يتكبر والكبر رداء الله عز وجل

فاللي يتكبر على الناس بأي طريقة ماله الا التسنيع وانا اخوك

واللي يغطي اللوحة هذا في بطنه بلا

اما انه مسوي مصيبه بالسيارة قبل يبيعها ويبيها تجي في راس اللي بيشتريها
او ان السيارة لها تاريخ مؤسف في الهجولة او السرقات او السطو 
او المضاربات الفجائية مثل اللي تحصل بالشارع واحد حد الثاني ونزلوا ومغطو بعض و واحد حاقد اخذ اللوحة
وفجاة شاف الاعلان قال بس صدته ويدق عليك يالضعيف ويقابلك ثم يموسلك وانت مالك ذنب 

والبعض مايبي احد يدري من ربعه او اخوياه اللي بالموقع يعرفون انه عارض سيارته للبيع
بدليل استعينوا على قضاء حوائجكم بالكتمان 

تغطية اللوحة له عدة اوجه ولكن لنحسن الظن ونقول استعينوا على قضاء حوائجكم بالكتمان

اذا جاك جار مثل يلي عندي اقسم بالله موب تغطي وبس يا رجل ودك تحط ايدك وتمشي بلشوارع 

عندي جار كل ما يشوف معي موتر يقول لي للبيع لدرجه كان معي موتر ايجار وشايفه جاييني من بعيد يقول لي المهم مثل ما توقعت 

جاني وقال لي شخبارك الموتر للبيع المهم قلت هلمرة ابي اشوف كم يدفع دام الموتر ايجار قلت ايه والموتر هوندا اكورد اخر موديل 

قال لي نظيفة قلت شف افحصها قال لا والله ما افحص يلا شريت قلت ونا بعت بس بكم 

قال لي بي 30 

قلت له هيا توكل ع الله وان شفتك تحوم جنب مواتري اقسم بالله بفقع عيونك ذي 

المهم من بعدها راح اشتكاني عند ابوي هههههههههههههههههه 


وابوي قال خير ما سويت وفكيت روحي منه 

عاده خذونها الناس لا يفكرون وش السالفه واعتقد الي اخترعها الشريطية عشان ماتنعرف السيارة
الي شراها امس ويقولك انها معاي من الوكالة !!!!!

اخوي القصد من تغطيت اللوحة هو عدم التعرف على السيارة اذا اراد المشتري بيعها مرة أخرى لشخص أخر 

لنفرض انك شريت اكسنت موديل 2010 راعيها كان عارضها هنا في حراج خذيتها من ب 40 الف 

ثم بعد مدة قررت انك تبيعها وعرضتها هنا في حراج ب 45 الف مثلا 

وجاك واحد من الناس اللي تابعوا اعلان الشخص اللي باعها لك وقالوا لك هذه كانت معروضة ب 40 وانت تبيعها ب 45 

ساعتها وش بيكون موقفك غير انك نصاب او محتال عندهم 

والهدف الثاني 

عدم التعرف على السيارة في المنطقة يعني تعرضها بس ما تبي الناس تتعرف عليها في الشارع 

اصحاب السيارات الغاليه هم اكثر ناس مغطين لوحهم لجل لحد من ربعه يشوفها ويقول والله فلان بيبيع موتره من الطفره بكره نشوف مععها اكسنت ولي يارس

ابومالك هههههههههههههههههههههههه احترم رايكم بس المثل يقول لا تسرق ولا تخاف 

والله يا اخوان الدعوه حرية شخصية غطيت اللوحة او ما غطيتها انت حر .
مااعتقد بتفرق كونها مغطاة او مكشوفه ..  إلا لو كانت السياؤة غير نظاميه هذا شي ثاني ..

تبون الزبده ؟؟؟؟؟؟؟     سارعوا على قضاء حوائجكم بالكتمان