احذر اذا اردت ان تشري كفرات جديده

20 14

لايمكنك التصويت حتى الحصول على 20 نقطة على الأقل
إضغط هنا للإخفاء

abdulaziz 44 -67
قبل 10 سنه و 7 شهر

اخواني الأعزاء بما أننا على مشارف نهاية عام 2013 تتجه الأن جميع شركات الإطارات الى تصريف المخزون المتبقي لديها من جميع الاطارات بتاريخ 2012 وذلك بعمل عروض وتخفيضات عليها طبعاً احنا ماحنا مستفيدين شي والمستفيدين أكثر شي أصحاب المحلات وتغيير الكفرات وكل ماقام بالتصريف كل مازادت نسبة الربح والواحد منا اذا بيغير الكفرات رايح يحرص أن تاريخها يكون جديد وحق السنة حتى لو زاد السعر 100 ولا 150 ريال لأن بعد كم شهر بندخل في 2014 وكفرات 2012 بيصير لها سنتين ومستحيل أن الواحد منا يقوم بشرائها فتحصل العامل حاط اغلب الكفرات في العرض 2013 ويقوم يوريك بنفسه تاريخ التصنيع ويسوي لك خصم بسيط عشان يكسبك وفي حال الاتفاق بينكم يقولك طلع السيارة على الرافعه ويصيح على خويه ينزل طقم بالمقاس الى انت طالبه لسيارتك او يكمل الثلاثة الباقيه هنا مربط الفرس أخواني (( الحرص وقبل التوجه لغرفة الاستراحة المكيفه التأكد من تاريخ الكفرات للطقم كامل )) لأن البعض منهم يقوم باستبدالها بتاريخ 2012 ان مشت مشت وان انتبهت يحتج بأن العامل الله يهديه نزلها بالخطاء وانه هو اتفق وياك على 2013 ولكن مثل منت شايف العامل هذا هو المتسبب في الخطاء 
وغير كذا البعض منا يكون عنده احد الكفرات تالف ومضطر لتغييره وعند سؤال كم محل يجمعون أن مافيه الا تاريخ 2012 وان 2013 حتى في الشركة غير متوفر عشان يصرفونه ولكن قبل الشراء منهم توجه للشركة لنفس الكفر وشوف بنفسك راح تحصل عندهم 2013 لأنه وكيل وملزم بتأمين الكفرات وبتاريخ جديد 
هذا الى حبيت افيدكم فيه اخواني ولا أعمم على جميع المحلات ولكن تجربه صارت وياي وحبيت الجميع أنهم يستفيدون منها ...
















  




  

إبلاغ

الردود