قصتي اليوم مع راعي الجمس ....
13
17
إضغط هنا للإخفاء
سلام عليكم
اخباركم عساكم طيبين
اعتذر لكم عن غيبتي الطويله شوي
اليوم ابي اقولكم قصتي مع راعي الجمس
المهم وانا في طريقي في البلد مع الخط العام ومشغل هذيك الشيله اللي يحبها قلبك
وداخل جو معاها ومندمج ههههههههه
وفجاه الا ذاك راعي الجمس طالع علي من الحاره
وهاا يوالد ويش تسوي الا واكبس فرامل
وامسك السياره يالذيب ومن الربشه الا والمساحات تشتغل
وادق بوري لراعي الجمس ومسكت نفسي وتعديت وقلت لنا الله
وفجاه واوقف عند الاشاره ثم واحد جنبي يدق لي بوري
واشوف السياره وماهي غريبه علي والا وهو راعي الجمس
وانزل القزاز الا والله الرجال ينافخ سلامات ماتشوف انت بغيت تعدمني
والمشكله انه رجال كبير وصعبه ارفع صوتي علي
وعاد انت تعرفون بعض الشيبان الله يهديهم لو هو مخطي يطلع الخطاء عليك
ياعم الله يهديك انت اللي داخل علي
واتكلم انا وهو وفجاة الا الناس وراي طييط طييييط طييييييط
الا ولا الاشاره خضراء
والمهم قلت ياعم اذا انا المخطي العذر والسموحه
ويعطيني هذيك النظره امممممم
وارفع القزاز وامشي واتوكل على الله
والله اني احس بقلبي حره بس الاجر عند رب العالمين
والعبره من هاذي القصه ان ياخوان الواحد يحاول يمسك نفسه
ويتعوذ من ابيلس لان ابليس ملعون
والله ان الظاهر لو انه ماهو رجال كبير كان حصل مالايحمد عقباه
بس الحمدلله انها جاات كذا ...
وهاذي نهاية قصتي اليوم ونلتقي بكم في موضوع او قصه اخرى باذن الله
محبكم واخوكم /ابو العنوود
إبلاغ
سيارات للبيع
الردود
ثانيا لابد ان كل شخص يمر بمثل هذه المواقف .. انت في شارع فيه الصالح والطالح
لابد ان الشخص يمسك نفسه ويحاول قدر المستطاع انه يتجنب المشاكل ,,
الا اذا نشب بحلقك واعترض لك ,, يقول المثل مادون الحلق الا اليدين
تحياتي للجميع والله يفكنا شر المشاكل والحمد لله على السلامة يا ابا العنود
0
1
وخاصه اذا كان االرجل كبير
وانا لزمت الصبر لان الرجل كبير في عمره
بس بالعقل لو يجيك ورع وينافخ عليك تبي تتركه بحاله بالعقل هاذي
تحاول تمسك نفسك بس ماراح تقدر
اتمنى انك تفهمني جيدااا
الله يوفقك دنياا واخره
قبل 11 سنه