موضوع خاص ل.الجيوب

4 1

لايمكنك التصويت حتى الحصول على 20 نقطة على الأقل
إضغط هنا للإخفاء

السترين 185
قبل 10 سنه و 8 شهر

السلام عليكم ورحمة الله وبركاته وبعد
موضوع خاص لأهل الجيوب..
وادري بعد الموضوع هذا كلهم يحقدون علي..
المهم....
بالشتاء كنت ابحث عن تويوتا ربع 91 
حصلته بأسعار خياليه فوق ال 35 الف ولاهو نظيف متوسط
ثم قلت يارجال ابتعد عن تويوتا يمكن كذا غالي حتى القديم
ثم حولت نظري إلى نيسان باترول ماتفرق ربع أو لا
كنت ناوي من موديل 98 الى 2001
اسعاره ناااار وكل اللي حصلته مرشوش ومسمكر واسعاره فوق 35 ألف
يعني تحت المبلغ هذا ما لقيت. .
قلت يابن الحلال تعوذ من إبليس ودور من 97 وتحت
ونفس الشي اسعار نار واغلبها مرهمه ..
انا راس مالي 30 ألف
وقلت بسأل الناس اللي لها خبره بالموضوع هذا
قالوا هذي اسعاره ..الكلمه هذي للشريطيه اللي مستخدمين يقولون بالصيف رخيص
والشتاء غالي..
انا الحين مروق وصابر والله ادور برواقه وأصحاب الجيوب يبون يبيعون بأي قيمه
لأن الرغبه له صارت قليله
الحين اللي يبي يشتري هو اللي يتشرط ماهو راعي السياره عكس الشتاء صاحب السياره هو اللي يتشرط
..الموضوع لا أحد يتحسس منه هذا الواقع الحين. .
نصيحه اللي يبي جيب ينتظر الصيف ياخذه ب رخيص. 
وقبل شوي دخلت على إعلان ما اعجبني. .
جيب باترول 2000 حالته عاديه .. أول سومه 40 ألف 
لا أحد يقول إني احسد أو شي لا اعوذ بالله لاكن بالعقل اول سومه 40 ألف
معناه صاحب السياره هو اللي دخل بحساب ثاني وسامها
والمشكله ما احد رد عليه كلهم سحبو وين حنا فيه ترا لنا عقل ومخ.
ونفهم الأمور هذي..
وتذكروا يا أهل الطمع والحيل لا تحرم ما احل الله 
فلوس موترك حلال تسوي الطريقه هذي وتخلي فلوسك حرام ليش.؟
نهاية الموضوع أتمنى ما أحد يتضايق من كلامي
لأن هذا الواقع والحقيقه. .والحقيقه دايماً تزعل
وسلام عليكم..
الموضوع غير منقول من كتابتي انا.عقاب.
تقبلوا تحياتي

إبلاغ

الردود