أضف سؤال أو موضوع جديد          

موضوع عشوائي عن السيارات وحولها

up 3 down 1
رايق السيارات 589
قبل 6 سنه و 10 شهر



السلام عليكم ورحمه الله وبركاته


بتكلم اشياء عامه يغفلون عنها الناس الي هي قوانين المرور

1-الدوار في كل مدينه لازم دور يخف الزحمه المهم في قانون يغفلون عنه الناس كثير الي هو(افضليه المرور لمن بداخل الدوار) يعني الي داخل الدوار محمي يعني اذا صدمته وانت توه جاي من خارج الدوار الغلط عليك اكيد مافيه تفاهم عندنا دورات صغيره على خط المطار وشوف انا داخل الدوار ويجون 4او5سيارات ويجون من خارج الدوار واخليهم يمرون عادي لاني ماني فاضي صح ان الافضليه لي لو اخففف ويصدمني واحد من الخلف الخطا عليه بس المسامح كريم

2-الانعطاف يمين عند الاشاره او تقاطع الاشارات ناس كثيرين يغفلون عنها وهاذي ضروريه شباب انتبهوا اسمعوا (الانعطاف مسموح بشرط ان لايكون هناك تعارض مع سياره اخرى )يعني اذا اشارتك حمراء وجيت بتلف يمين والاشاره في الجهه الثانيه كانت خضراء وفي سيارات جايه مسرعه لازم توقف عندنا مافي اشارته حمراء والي اشارته خضراء يوقف وهذا غلط غلط مادام عندك اشاره خضراء محد يوقفك والي يلفون يمين لازم يصبرون لمن يكون هناك مجال موب مفتوح على طول

بعض السيارات الي بتغغير قريب مصادر موثوقه وبحوث وصور تجسسيه وجدت

فورد ايدج شكل جديد بعد 10شهور او اقل
مازدا سي اكس 9شكل جديد السنه الجايه
فورد تورس شكل جديد السنه الجايه
كيا سبورتاج شكل جديد قريب حول سنه
هونداي توسان شكل جديد حول سنه وشوي
كيا سوينترو شكل جديد تقريبا السنه الجايه

هذا اكيده لاتجلس تتحسف لمن ينزل الشكل الجديد انا خبرتكم

السيارات المبالغ في سعرها
فورد ايدج سبورت صحيح انها قويه وفخمه لكن سعرها فوق 150الف صعبه جدا
فيه جيب المازدا والسوريتنو والسنتافي ارخص منه وقطع ارخص
فورد فويجن الجديد شكلها غريب كبرها مره لكن ستاندر 81اشوف صعبه لكنها سيارات تستاهل اذا فل مواصفات رهيبه وشكل احلى من التورس

فورد اكسبلور سبورت حول 175على ايش تراه دفع امامي ودبل ابو كلب

التورس استغرب الناس تبتعد عن الدفع الرباعي فيه ناس اخذت ليمتد وبدون دبل وفيه ناس نصف فل اقل لكن رباعي تراه مهم في التراب وشويه ينفعك يوم من الايام في المطر او ماتزحف السياره ويعييك عزم عند الدوس

شركه مازدا تحتاج ان تصنع جيب ثاني يكون قوي مثل سي اكس 9اتذكر سي اكس 7وان سبب انقطاعه لانه اخوه الكبير مغطي عليه وبقوه ولاترى اكس 7كان شبابي عائلي رياضي روعه مكينه جباره تيربو دبل مازدا قوي نظام اخترعته مازدا موب باقي الشركات تشتري دبلات برخيص لا حق مازدا قوي
وفيه دف لوك الكتروني لوحده وشفت له فيديو قوي جدا خصوصا اكس 7جيب بمتعه قياده سيدان ماتحس انك تسوق جيب خفيف جدا وعند الفات يشد الدركسون معاك وعند الزحمه يدبر لانه خفيف مره لكنه قوي

مدري وش صار على دوج نايترو لكن يبغاله بديل ياخذ مكانه

اف جي يوقولون وقف في امريكا لكن بيكمل للخليج مدري صدق ولا

سلام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكور وجزاك الله الف خير 

والله يعطيك الف عافية 




up 0 down 0
جيلي ec7 2013 114
قبل 6 سنه و 10 شهر



الدوار اجراء مروري قديم وخصوصاً في المدن ذات الكثافة السكانية 




up 0 down 0
abo mbark 613
قبل 6 سنه و 10 شهر



الدوارات عندنا
البقاء للأقوى ..او البقاء للي بايعها
وبتعبير آخر الفائز يستمر


up 1 down 0
أبولتين555 655
قبل 6 سنه و 10 شهر



تشكرررررررر على موضوعك الجميل والمعلومات الوافيه والجديده لك احلى لايك دبل يابطل


up 1 down 0
امير الاصيل 1714
قبل 6 سنه و 10 شهر



وعليك السلام ورحمة الله وبركاته
موضوع يحتوي معلومات ممتازة وهامة أشكرك جداً عليه.
أكبر خطأ فعلته هو ما تفعله في ذاك الدوار، الناس إذا رأتك وقفت لها فستعتقد أن الأولوية لها، وتعرف هناك نسبة كبيرة جداً من سائقي السيارات لا يعرفون الكثير من أنظمة القيادة.
بل المفترض أن تواصل مشيك وتنبههم بواسطة المنبه والأضواء لكي يتوقفوا لك.

وبخصوص تشغيل إشارات الإنعطاف، عند الإشارات لها أهمية كبيرة وقد تنجي من حوادث، كمثل سيارتين خلف بعضهما منطلقين للحاق بالإشارة، فيتفاجأ صاحب السيارة الثانية بالسيارة الأولى تهدئ سرعتها بشكل مفاجيء وشديد لأن صاحبها يريد أن ينعطف لليمين أو اليسار !!

وأيضاً عند التقاطعات لماذا لا يتم تشغيل إشارة الإنعطاف؟ هل هو أمر صعب؟!
كثير من المرات أتوقف لانتظار سيارة أو سيارات ظناً مني أنها ستتجه للأمام، وإذا بها تنعطف وكأني غير موجود!


up 2 down 0
وليد م ع الدخيِّل 491
قبل 6 سنه و 10 شهر



السواقه بالسعوديه

استعراض سيارات اللي موتره بديه قوي ياكل الموتر البديه ضعيف

يعني بدوار بهبهاني واكسنت

من راح ينتصر

هذا قانون القياده عندنا

واقرب مثال الدوايري لم حراج بن قاسم

شوف الجيوب والونيتات كيف يطمرون الارصفه ويطب على الشارع الثاني ويطلع بوجه سياره صغيره

السواقه بالسعوديه

تحتاج اعادة تاهيل لان تعلم القياده لدينا سيء جدا

واصبح الكل يحمل رخصه قياده المتهور والعاقل


up 1 down 0
amear 1347
قبل 6 سنه و 10 شهر