أضف سؤال أو موضوع جديد          

تكييس السياره

up 1 down 1
jamal778899 264
قبل 11 سنه



اخواني تكييس السياره بالنايلون الخفيف او الثقيل لكاااامل السياره هل له سلبيات وعيوب ؟







إبلاغ إبلاغ



الردود


والله ماراح تستفيد شي ابدا ياخوي قسم بالله ان تطفش منها وتفكها يعني اذا كنت مكيس المراتب وكنت واقف بالشمس وركبت السياره صدقني ظهرك يبي يولع حراره كاتم ويعرق بظهرك انا اشوف اذا مثلا مثلا كنت تبي تحافظ على فرش السياره نجدها مخمل وغير فرشات الارضيه .. وانا اشوف انك تحللها من داخل احسن لك وتستفيد من قيمتها يعني اخر شي يجي واحد مادفع بالموتر الا نصف قيمته ويستمتع فيها اكثر منك بس لابغيت تبيع الموتر سوي له تلميع ساطع احسن لك





up 10 down 0
حربي اتكيت -24
قبل 11 سنه



انا اشوف تكييس السيارة وسوسه مالها سنع
عن نفسي بكون شاري السيارة عشان استخدمها مب عشان اللي بعدي
ولو بكييس بركب نايلون 3 ملي على الارضيه فقط وفي الغالب مانيب مسوي ذا الحركة الا على جيب او سيارة بستخدمها في البر


up 4 down 0
سراب9 175
قبل 11 سنه



الاخ الي يقول ابركب نايلون على الارضيه ركبته انا مره بيوكن وتحسفت ورجعت فكيته ياخي تتزلق رجولك وانتم بكرامه ويجمع غبار بين النايلون والارضيه ماتدري منين يجي قبل يركبونه يفكون المراتب كامله بعدين يرجعونها يعني بعد فتره من التركيب الله يعينك على الاصوات الي بتطلع من كراسي المراتب


up 1 down 1
حربي اتكيت -24
قبل 11 سنه



له إيجابيه واحده فقط يحافظ لك على نظافة السياره


ماعداها كلها سلبيات

وأولا وأخيراً أنت شريت السياره علشان راحتك وهي ما بتريحك

ثانياً أنت شريت ودفعت فلوس ياخي استخدم مراتب الوكاله وأستمتع فيها مهو لازم اللي بعدك يحصلها وكاله


انا والله شريت سياره مستخدمه ولقيت المراتب ملبسه قشعتها حصلت مراتب الوكاله لم تستخدم

يارجال فرحت الحمد لله حتى جلسه عليها مريحه اكثر من السابقه

انا أستفدت لكن صاحبها الأول وش إستفاد..؟


up 3 down 1
ألو مرحبا 1895
قبل 11 سنه



لا تكيس السيارة ما لها داعي ... الدعاسات فقط الله يكرمكم ونوع ثقيل


up 1 down 0
muayad 1 767
قبل 11 سنه



اذا قصدك تبي تحافظ لبسها تلبسيه نفس المراتب تفصيل يعني مثل الوكاله  احسن من التكييس


up 1 down 0



اذا بتكيس

كيس الارضية بس

عشان اذا طاح عصير والا شي مايتعفن 


up 1 down 0
coco13 893
قبل 11 سنه



حركه غبيه الاكياس تشويه للمنظر وتسبب حراره للجسم وعدم ثباته مع اللفات والفرامل والانطلاقه

اذا على النظافه الكراسي راس مالها تلميع داخلي مايتعدا 100 ريال


up 2 down 0
abdullah9876 -190
قبل 11 سنه



حظ اللي بيشتري السيارة بعدك


up 2 down 0
fahd222 104
قبل 11 سنه



التكييس مع حرارة الشمس يطلع ريحه خايسه بالسياره 


up 2 down 0
abo.reetag 60
قبل 11 سنه



التكيسس اولا انه خسارة عليك مبلغ التكييس هاذا 1

2 انه يشوه منظر الموتر من جوا يعني اذا فيه تخشيبة ولا جلد ولا شي مايبين بسبة التكييسة

3 انه مثل ماقالوا الاخوان مع الغبار والاوساخ والشمس يطلع ريحة وبرضوه ساعات تأثر اتساخ الكيس وتعرضها لأشعة الشمس على الديكور نفسه او حتى المرتبة

4 ياخوي محلات التلميع فاتحين بيبانهم ولا اشتر لك بخاخ ب 25 كبير يلمع 5 مواتر وكل ما شفت الموتر توسخ مررة نظفه ولا تقعد تركب على اكياس كنك محدود واخرتها منتاب مستفيد شي

اهم شي الشغلة المهمة مثل ماقالوا الاخوان الارضية عشان الله يكرمك تعرف اذا انكب شي او تنثر شي وش يشيله ويمكن يبقع في الفرشة او يسبب ريحة مخيسة او مع الامطار والغبار والبران يدخل وسخ في الفرش الداخلي للارضية كيس الارضية والدعاسات الله يكرمك وبس والباقي خله ووسع صدرك بالموتر ... تقبل مروري


up 1 down 0
a.ibrahem 3168
قبل 11 سنه



من السلبيات يجيب لك بواسير وخاصة مع الحرارة


up 2 down 1
خالد٧٢١٧ 81
قبل 11 سنه



آذا سويت تكييس للسيارة ،، التكييس المفروض يكون خفيف جدا للمراتب عشان لا يزحلق ولا جسمك يعرق




up 0 down 2
بسدك 1365
قبل 11 سنه



التكيسسسسسس فاشل اذا تبي ماتوصخ حط قماش ب ٤٠ ريال 

زي التلبيسه 

افضل ولايعرق 


up 0 down 0