نشاط السياره

نشيطه؟ 
يارجل حركات مراهقين ذي اللي يخلي الشوارع كانها حلبات فورملا 1
انا وش ابي بالسياره غير انها توديني وتجيبني وتكفني عن حاجة الناس 
مكينة سليمه تحت يدي اجلس ادعس لها عشان تصير نشيطه!!!! ليش وش بيصير في المكينه مثلاً لادعست لها بتصير مكينة فيراري ولا لمبرقيني!

بعدين تبي مكينه نشيطه وسريعه اشتري سيارة سبورت وخلصنا.

هناك ثلاث انواع 1 اذا السيارة دائما واقفة وشغالة يتراكم الكربون داخل السلندل ويغطي البوجي ويظعفة (فقط لاحد يتفلسف عليك)
2 كفائة عزل السلندر ويتحكم فيه الرنقات اللي عالبستم والصوفة حقت راس المكينة و الرنقات تهتريئ مع الدعس الكثير
3 plain bearings وهي الصفائح اللتي يدور حولها الكرنك والبستم والكام الخ (بديله عن الرمان لانه لايستحمل الحراره) هذه الحلقات المعدنيه تهتريئ مع سرعة الدوران العاليه خاصتا في السيارات الغير رياضية

هو كلامك صحيح ادعس وتسير السياره نشيطه بس المكينه والقير ووو يعيش فتره اقصر انا بقولك شي

اعرف ٢ اخوان ابوهم شاريلهم نفس السيارات ونفس الموديل هايلوكس ٢٠١٩الاول محافض عليها من الدوام للبيت ويطفيها ويروح للبقاله على وجوله 
والثاني خذلك صوت المكينه والدعسات بالحاره وازعاج والان الموتر يبيله توضيب مكينه وخرابات

عفوا الهيلوكس٢٠٠٩

طيب ياشباب لو كانت سياره رياضيه 
مثل الدوج R/T والموستج وغيرها

السيارات الرياضية اصلا عمرها قصير ولم تصنع للاستخدام اليومي

قدامك خيارين لاثالث لهم

الأول انه ادعس وقاوم تكون سيارتك أنشط بفارق بسيط لكن خرابها أسرع
الثاني سوق السيارة سياقة عادية تكون سيارتك أقل عزما عن النشيطة بفارق بسيط ويكون عمر السيارة أطول

العقلاء واللي يقدرون نعمة السيارة راح يختارون الخيار الثاني
والمراهقين وعيال النعمة راح يختارون الخيار الأول

ايه صح لو دايم تكون داعس لها بتستجيب السياره معك وتسير نشيطه وطبعا اهم شي تهتم بالصيانه اول باول وتكون مهتم فيها عشان نشاطها ما يقل
وطبعا اثارها علی المدی البعيد فقط

انا اشوف اذا تبغی العزم يقوی امسك فيها خط وخلي السارة مرتاحة مو تعطيها الاضافي 

السارة =السيارة 

اللي قال ان كثر الدعس يهد المكينة صحيح الكلام هذا ياخوي


يعني جب لك واحد مترفق على موتره ولا يدعس الا للحاجة ولا دعس دعس بالمعقول يعني دبله عايدية ولاهوب في كل وقت


وجب واحد حتى اذا رقى المطب ظغط للموتر لين يوصل ظغطه ثلاثة يبي اسرع له يوصل ل 80 او 100 اسرع من هذاك اوكي يقول لك موتري نشيط



لكن شف بعد فترة هذا موتره لازال بجدته ونظيف ومكينته ناعمه وتصفق معه لممشى مهول وماشاء الله تبقى شد بلد ، والحبيب الثاني ابوتدعيس تجيه فترة يقول ضعف عزم موتري والقير يبدأ يضعف الخ ..... ماعليك منه وهو موتره جديد اصفار ولا شبه وكالة يقول لك هذاني ادعس ماجاء الموتر شي



هذا قل له وعدنا بعد 5 سنوات ولا دخل موترك 200 الف او 250 ويمكن تطق مكينتها قبل او تبدأ يطيح عزمها وتنتهي قبل



ترى مهب معناها اني اغير زيت موتري في كل وقت بوقته يعني لازم ماتخبط ولا هي مهيب عملية طريقة تدعيسك وطريقة تحميتك المعقولة للسيارة وتغيير كل شي بوقته هذا من اهم الاسباب بعد يعني بعضهم يسمع صوت طرمبة الزيت وسافهها ولا قوى الصوت راح يقاله صار فيه خير وبيغيرها وبعد فترة تطق المكينة يلعن ام الموتر ويقول مهب عملي


بالتوفيق وانتبه لموترك لاخرب محد نافعك انت اللي بتصلحه وكثر التدعيس بعد حتى في بالك غير انه يعدم القير والمكينة يجهد الكمبريسر ما اقول لك امش 100 ف الدائري


انا رجال اعترف امشي 160 او 150 بس موتري يتطلب ويسحب من نفسه ماشاء الله 3.8 لكني ادعس بالمعقول هي تسحب من نفسها وظغطها مرتاح حتى يوم كانت معي السوناتا اربعة سلندر ووصلت الى 310 الف ماشاء الله وفاحصها مهنا انظف من مكينتها حتى الفلبيني انصدم من ممشاها


بالتوفيق

اذا تبي سيارتك تكون نشيطة مثل ماتقول وبنفس الوقت ماتجهدها
امش فيها بين فترة وفتره طريق سريع بسرعه معقولة بكذا انت سويت نفس
اللي يسوية متهور بقومات .. بضبط لكن انت بعقلانية