الشراء في المعارض والحراج وبالموقع

بالمناسبة حصلت على كل سياره 
وقحصتها طلع فيها عيوب قيمه الاصلاح تساوي 11الف شفل اليد فقط

وخبرتي بالسيارات محدوده دا خلاني اصبر كل ذي المده

لومينا هههههههههههههههه
يا ابوعبدالله حرام عليك تبغى تورط الرجال
ما سوو الورش اصلا الا عشان اللومينا والكابرس
لو بتاخذ لومينا انصحك تتعرف على راعي سطحة عشان يراعيك بالأسعار
وتحاول تاخذ شقة قريبة من الصناعية ولا تشيل هم المواقف لأنك بتوقفها عند الورش

نصيحة لوجه الله ابعد عن الامريكي والله لايجيب لك الشيب خصوصا الامريكي القديم زي اللومينا والكابرس كل يوم في ورشة غير البنزين اللي يشرب فيه شرب خلك على الياباني والكوري وان شاء الله تبثى نظيف

قيمه تغيير القطع الاستهلاكية واعطالها وصل 11الف
تغيير لصوفه المكينه فيه تهريب 
وفي حاجات ثانيه مساعدات و المكينه ما اذكر

بالنسبه ل الومينا مادري عنها واول مره اسمع عنها للاسف

صني ٢٠١٤ 
حصلت كككثير بالموقع نظيف جدا وماشي قليل 
وسعرها رخيص تحت ال٢٠







.

شوف لك كورلا ٢٠١٠ وتحت ٢٠٠٩ وكذا تحصل بفلوسك وموتر كرف واحرص على نظافة المحركات قبل البودي 

استغرب من اسعارهغ بالمعارض والحراج
امس نزلت هناك
حصلت لي النترا 2013 ستاندر
الشريطي يقولي على النقل بدون الفحص
احصل بعد كرويلا مديل 11 وصل 27الف 
كامري 2011 ستاندر ب40الف
سوناتا 2012 ب32الف
ذا الي شفتها امس
وفي سيارات رخيصة جداااا بس يلقطها حاكين الدلالين او الشريطية 
عرفتهم لمن راعي السياره يحد على الموتر يطلع على السياره وعلى طول يوديها للمعرض 
ويسوون خزعبلات مادري اول مره اشوفها 
لمن راعي السيارة يتردد ويرفض يبيع للمعرض يمسكون راسه لني يرضى 
يعني شفت راعي السياره متبهدل ومهو قادر ينفك منهم لانه لوحده 
للحين مافهمت الهرجه

شكلك تتردد كثيرا اولاتبحث بكثره لأنشغالك.   تلقى كوريلا.  حتى لو رش رفرفر رش باب اهم شي محركات نظيفه
تو واحد مشتري ٢٠٠٨ ب ١٧٠٠٠ نظيفه.  

قبل لا تشتري جرب السيارة وكل مطب مطبين عشان يبين لك مشاكل الموتر ولاتهتم للبودي أهم شي محركات وقير ومكيف وشاصي سليم وماجاها حوادث قوية أو انقلاب

اللومينا انا مجربها واثنين من عيال عمي شريناها سوا 
ابشرك تعرفنا على الورش حتى صارو يراعونا ويخفضون لنا شغل اليد
الحراره ماتلعب وتنكبك ونصيحه مجرب قديم لها انتبه انتبه انتبه تطب فيها هي والكابرس

عن تجربة للومينا والكابرس انا مع ابو عبدالله موتر يرفع الراس

بالنسبه للبنزين 6 سلندر صرفيته افضل من صرفيه الكامري عن تجربه

انصح وبقوة اذا الله وفقك بموتر نظيف تراه موتر خوي ومايقول اف .

ورجا لا احد يفتي اذا ما جرب وسلامتكم .

يا أهل الخير 
شفت لي اوبتيما 2011 نص فل ماشي 170الف
وراعيها مستعد يبيعها لي وعلى الفحص
اتوكل على الله اشوف الموتر