إلى متى هذه القيادة السيئة

انا من الناس الي اتجاوز من اليمين
ﻻن الي بالنص ميتين
كل واحد يمشي80 وملحمين
وراء بعض واليسار طايرين
اذا تجاوزت من اليسار مقدر ارجع للنص
ﻻنهم كل واحد ملحم بالي قدامه
التجاوز من اليمين اريح تتجاوز براحتك
والمسار يكون فااااااضي
تحصل الزحمه باخر مسارين على اليسار
واليمين فاضي وتتجاوز براحتك
ونتمنى من المرور يحدد
مقدار السرعه بكل مسار
والي يخالف يمصعه
بمخالفة عرقلت السير
عشان نقدر نمشي نظاميا
ونختار المسار المناسب
موب فوضاء كانك تلعب كراش ههههه

ايه بس لو تتجاوز من يمين ويطب عليك واحد تكون مخطي 100%

قبل فترة أمن الطرق عطاني مخالفة تجاوز خاطيء

لأني سقطت من اليمين طريق مكه جده

مثبت السرعة على 110 و الكلب ماسك يسار

و يمشي 100 او اقل

المفروض أمن الطرق يوقفه هو

ههههههه تشوف بس 

مافيه حل الى انكم نفسكم تسون حمله على الي يمشي 80 في المسار الاوسط او 100 وماسك الايسر اذا شفتوهم لحمو وراه وازعجوه بالبوري والانوار العالي حتى لو الشارع فاضي حتى يفهمون انهم على غلط ومن ثم يمسكون الايمن تجنبا للمضايقات اما تخلونهم على وضعهم ماراح يتعدلون ابد والمرور ماهو فاضي يلاحقهم

العينات هذي ما عندها أحساس

بعد ما يفتح لك الخط تجي تبي تسقط عليه

يطالع فيك كأنك أنت الغلطان

أو يطلع يده من الشباك يقولك الخط مفتوح روح

ولا كأنه مسوي شيء

أنا أقصد اللي يمشي أقل من سرعة الشارع و ماسك يسار

و الخط فاضي ما أقصد اللي يبلش خلق الله

زحمه و يبي يسقط غصب هذا همجي

انا اتمنى تكثيف ساهر حتى بلحواري 
وعند المدارس ويكون الخطوط الطويله كل بعد كيلو ساهر افضل 

عني انا اللي زي كذا اعطيه شطفه محترمه واجي قدامه واهدي الين خمسين عشان اعلمه كيف الضغط يرتفع والمفروض ع قولتك يعطى تحذير او يعطى مخالفه ع طول وفي الدول الاجنبيه اذا كانت سرعة الشارع ١٠٠ وتعديتها يصكونك مخالفه وايضاً اذا كنت تحت الميه مثلا تمشي ٨٠ يصكونك مخالفه لان فيه مسار يمين للي بيهدون والمفروض الخطوط السريعه مثل الرياض والطائف تكون ١٤٠ لان ١٢٠ صعبه واتحدى احد يمشيها اغلبهم ١٤٠ وفوق الا من رحم ربي ولازم قوانين المرور يعدلونها لانها ترفع الضغط فوق القسايم اللي مالها داعي تلقاك مروق وشوي تجيك رساله عدم ربط حزام الامان وانت رايح البقاله تجيب لبن وراجع البيت صورك العسكري ومن جد فيه عسكر الله يهديهم يبيلهم توعيه بالانظمه المروريه ماهو كل شي مخالفه 

ما يقهر الا السواقين ماسكين خط اليسار وعلى سرعة 60 والمشكلة سيارتهم كبيرة من سيكويا ويوكن واشكالها يعني انت وراه هو حاجب الرؤية قدامك من كبر السيارة وعلى بالك قدامه في سيارة ويوم تطرف على اليسار تشوف الخط فاضي -_- حسبي الله عليهم

طيب اذا المرور محدد اقصى سرعه 120 على اليسار
واللي وراك ماشي 160

سوى حمله على المجانين اللي يمشى فوق السرعه المحدده

طيب اذا المرور محدد اقصى سرعه 120 على اليسار
واللي وراك ماشي 160

سوى حمله على المجانين اللي يمشى فوق السرعه المحدده

برق الحيا والله محد يمك وبالنسبة باللي يتجاوز يمين بيجي لك يوم مرة بتجاوز يمين ولا امداني افر الطارة الافية واحد مبنشر وواقف وستر الله ماكنت مسرع وتبت بعدها

يارجل الادهى والأمر 
نص الشعب عندنا يسوق بيد والجوال باليد الثانية 
والله كارثه واغلب الحوادث بسبب الجوال 
من يوم تشوف اللي قدامك يتخبط مره يمين ومره يسار اعرف انه ماسك جواله ومشغول فيه 
والبعض مسوي انه منتبه وماهو مسوي شي خصوصاً بالليل
وأول ماتتجاوزه ينزل جواله وناسي ان الاضائه حق جواله عاكسه بالزجاج الامامي 

يارجال لو يحددون السرعه ١٤٠ ماراح يتغير شي 
لان يبي يجيك اللي يلحم فييك وشوي ويصدمك عشان تبعد 
عن طريقه تمشي ١٦٠ ولا ١٧٠ كأنك واقف كل شوي 
جايك واحد ملحم فييك يحسسك انك واقف 
شلون لو تمشي ١٢٠ او ١٤٠ 

صدقت ياصاحب الموضوع. 

وفيه ناس الله يهديهم يسبب لك زحمه اذا وقف عند اشاره

يوقف يسار وهو يبغى يروح يمين واذا فتحت الاشاره 

لف يمين غصب يسبب زحمه عشان يروح يمين. طيب 

من البدايه خلك باليمين ولا تسبب. زحمه. والله احياناًً 

تقفل الاشاره. وباقي مامشينا والسبب هو يدخل يمين ويجبر السيارات

توقف ولا بيصدمك. مو بس عند الاشارات حتى بالطرق السريعه. مثل الدايري وخريص 

تشوف الزحمه تقول يمكن حادث. واذا قربت. تشوفه واحد جاي من اقصى اليسار. يبغى 

يطلع مع مخرج باليمين. الله المستعان. ومتعودين. عليهم. 

ان تكلمنا ماراح نستفيد تنصح واحد فيه غيره كثير   

اما السواقين هذولا قصه ثانيه  سرعه الشارع١٠٠

وهو يمشي ٦٠ وكل شوي يمسك فرامل.  تحسب ان قدامه سيارات. واذا تعديته. تشوف 

محد قدامه الخط فاضي.  بعضهم. بينه وبين السياره الي قدامه اكثر من كيلو. وهو. 

يمسك فرامل. كل شوي. والسيارات بعيده عنه. 

الله يعين عليهم. دائماً سبب الزحمه الي يمسك اقصى اليمين. وبعدين يلف يسار غصب ويجبر الي وراه يهدي 

من وين نلاقيها منهم ولا من. الحفر والصبات والتحاويل. 

الله المستعان 

انت تكلم من راسك الحد الادنى للسرعه هو 80 المفروض
انت مشكلتك مع المتهورين فقط

اعطني مسؤل ناجح وأضمن لك تطبيق النظام والانضباط....