أضف سؤال أو موضوع جديد          

خطورة لمبة الضباب

up 21 down 3
f.az 57
قبل 3 سنه و شهر



ياشباب فيه ناس ماتدري عن ططورة لمبة الضباب الخلفية وتخليها شغاله طول الوقت ع ساس انه كاشخ او مميز , ترى انوار الضباب قوية جدا على العين وتسبب ضعف رؤية احتمال يصير حادث للي وراك بسببك . وحط في بالك اذا كان اللي وراك شايب ويسوق على مهله تجي انت تخرشه بانوار الضباب ., انصحو اي شخص انه ما يشغلها لانها مالها علاقه بالكشخه انت تاذي خلق الله وتخليهم يدعون عليك .
انوار الضباب قوية ومخصصه للاجواء الضباب والترابية عشان تشوف السياره من بعيد . ولعلمكم تراها اقوى من الفرامل الليد .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياكثرهم الله يصلحهم 


up 1 down 0
غريب الدار 079 111
قبل 3 سنه و شهر



انا من الناس الي اذا شفتها الرؤية عندي تصير لك عليها، لكن الحل الوحيد الي اسويه لهم اكبس نور عالي حتى أتجاوزه


up 5 down 0
by me 226
قبل 3 سنه و شهر



انوار الضباب الخلفية تشتغل  اتوماتيكيا مع انوار الضباب الامامية لذلك البعض مايعرف إنه الخلفية شغالة  ويكشخ بالانوار الامامية


up 0 down 17
sam7srt 191
قبل 3 سنه و شهر



نعم، أؤيدك على هذه الملاحظة وأجدها مزعجة جداً لما أشوف حدا ضاويها قدامي. أنا أصلاً لغيتها من عندي وشبكتها مع لمبات البريك وركبت زيها على الجهة اليمين وصار عندي لمبات بريك رباعية.


up 0 down 1
sjanzeir 283
قبل 3 سنه و شهر



ما لها دخل في كشافات الضباب الامامية
لها زر مستقل تشتغل اذا شبكته


up 4 down 0
رعد 4 3254
قبل 3 سنه و شهر



امس واحد مشغل هاللمبة وماشي بطيء على كيفه ادق له العالي يعابط ويفرمل حسبي الله عليه


up 0 down 0
ryyan555 701
قبل 3 سنه و شهر



مراهقين و مبزرة لم يجدوا نظام يردعهم 


up 4 down 0
أبو راشد 33 978
قبل 3 سنه و شهر



حسبي الله عليهم والله انها تشوش النظر
واستفزاز للمسلمين
المفروض الوكالات مايدخلوها البلد عندنا اجوائنا ماتحتاج لها
الامامية تكفي


up 0 down 1
ابو عبدالله احمد 3490
قبل 3 سنه و شهر



لاتلومهم ..اللوم على النظام المروري والتوعيه اللي تحت الصفر...تفرغ المرور للاسف هذي الفترات على افضل الطرق لتجميع المال...قبل فتره كتبت عن الغاء عدادات الاشاره (التايمر ) اللي اتحدى اي واحد يثبت لي انها غير مفيده...هي غير مفيده لهم لتجميع المال....الى يومك مستمرين في الغائها بس بخطه خبيثه وهاديه عشان ماحد يحس ماشين نظام حبه حبه شوي شوي...مسوين اذكياء :)))


up 2 down 0
midnight_963 628
قبل 3 سنه و شهر



الله يهديهم

المشكلة لا صرت ماسك خط وصار الي قدامك من ذي النوعية
وإذا تعديته تلقاه مشغل العالي بعد
يعني معميك وأنت وراه ومعميك وأنت قدامه
لازم المرور يشوفون حل، صار الواحد ينزل مراياته عشان ما يعميه النور على حساب سلامته


up 0 down 0
ابو شعمل -16
قبل 3 سنه و شهر



المفروض تكون عليها مخالفة من المرور إذا كان مشغلها في جو صحو ما يكون فيه غبار أو ضباب


up 2 down 0
الوافي62 350
قبل 3 سنه و شهر





في ابها هذي الايام والسودة 
وما جاورها 
ضباب كثيف جدا 
فنحتاج مثل هذي اللمبة 

موجودة في البانوراما والكدلك من زماان 
لكن ما عرفناها الا من البزارين يوم نزلت بالاكسنت والسوناتا 


up 1 down 1
حرف الالف 1026
قبل 3 سنه و شهر



تستفيد منها بعد في الناس اللي ماتخاف الله وتمشي بالعالي ولاهمه


up 0 down 1
بريق الرياض 259
قبل 3 سنه و شهر



صور
وبلغ من خلال تطبيق كلنا أمن


up 0 down 2
عبودي-aboode 95
قبل 3 سنه و شهر



الحمدلله صار لي كذا سنة ما اشغل لا انوار ضباب ولا حتى الإنارة الداخلية مع فتح الأبواب الا للضرورة
وابشركم البتري عندي طول له سنة و 8 شهور توي غيرته قبل اسبوع ولسه كان باقي فيه 30%


up 0 down 2
chevrolet zr1 611
قبل 3 سنه و شهر



امس حصلت واحد الله يهديه مشغلها على طريق الهدا معه سوناتا الجديده
اعمى عيوني الله يصلحه اكبس له بالعالي يطنش
اتمنى اي واحد عنده انوار ضباب خلفيه ما يشغلها


up 0 down 0
zy23j 116
قبل 3 سنه و شهر