أضف سؤال أو موضوع جديد          

السيارة شبهة لا تشتريها

up 21 down 28
a.ibrahem 3167
قبل 3 سنه و 8 شهر



السلام عليكم ورحمة الله وبركاته

مساكم الله بالخير او صبحكم الله بالخير جميعاً


الموضوع باختصار وبدون مقدمات مثل ما هو موضح بالعنوان كثير نسمع عبارات السيارة هذي شبهة لا تشتريها خربوا سمعتها ما تنفع مع المفحطين مع الدرباويه مع اللحوج انا موضوعي يدور حول الفئة هذي من الناس اللي تصنف السيارة وفق ما تشوفها هي في الشارع ومنهي معه



يعني انا ما ادري وش الهدف من لمى ينزل موضوع واحد يستفسر عن هايلكس اوبتيما كادينزا ددسن غمارة شاص بهبهاني تجي الاجابة الموتر زين بس انه شبهه تلقاه مع البياعين والعياذ بالله



يعني بالله تبيني احرم نفسي من سيارة ممتازة وتناسب استخدامي اذا انا راعي تحميل ولا احب الفئة هذي وهي الانسب والارخص أو الاجود ومقتنع فيها شكلياً وداخلياً وقيادة وسعر عشان كومة جحلط


فيه ناس بتقول من اللي ماسكك اشترها لكن اذا انا شريت وما طقيت خبر للكلام اللي انقال عنها غيري مسيكين يمكن يحمل عمره دين زود ولا يروح يشتري سيارة مخيسة بنفس سعر هذي عشانهم قالوا له شبهة



يعني بتقنعني الدورية واقفة عند بابكم تحتريك تظهر ياحبيبي السيارة من شكلها ومن راعيها يعني بالله بشوف لي هايلكس بشد بلاده وبجنوطه وتضليله محترمة واللي يسوقه محترم وفي حاله ولا يوحي شكلي بأنه من الناس هذي بوقفه انا كدورية لازم يبدر منه شي يخليني اوقفه يا شكل شبهة تضليلة قوية موتر مصدوم ومطير نصه تفحيط سرعة


وبعدين واضحه اشكال مواتر المهجولين وواضحه سواقتهم ومعروفة اماكنهم ووين يتجمهرون فيه



الخلاصة من كلامي انه لا نعطي الاشكال هذي اكبر من حجمها ونصنف المواتر اللي يستخدمونها كممنوعات لنا


وبعدين بعضهم مكبر ام السالفة محسسك ان الدوريات تبيك وبتنفضك نفض يخوي اخويا لي واجدين اللي معه ددسن واللي هايلكس وكادينزا واوبتيما والله اني شبه يومي معهم رايحين جايين ما قد شفت دورية وقفتنا حتى التفاتيش نروح من عندها والعن التفاتيش سفارات وغيره




لذلك نصيحة اخويه لكل واحد مقتنع في أي سيارة مصنفيها بعض الشعب انها سيارات هجولة وخرابيط اشترها دامها في خاطرك وانا اتكلم والله بشكل عام أن لا نأثر على ارائنا عشان شلة صيع ما يسوون التالية من الغنم



وانا اجزمت ان الشي هذا غير صحيح خاصةً بعد تجربتي قالوا السوناتا شبهة وترى كل شوي بيوقفونك وثلاث سنوات والله ماشفت لا دورية ولا شبهة وفي النهاية هي على شكل موترك وعلى شكلك انت



ولو بنقيسها على هالمبدئ كان قلنا بعد ممنوع الواحد يشرب حمضيات ولا ياكل لوزين ولا يلبس ثوب نوم 7


تحياتي ،،،







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معك حق انا ودي اشتري كادينزا واللي مخوفني الناس اللي تقول شبهه


up 0 down 0
badermusaed 32
قبل 3 سنه و 8 شهر



بعض السيارات تم اساءة استخدامها و اخذت شهرتها من سلوكيات اصحابها مثل التفحيط

والتهريب ونقل العماله وكثرة الحوادث وغيره ومن هذي السيارات الفورد والكامري والكرسيدا وجيب الشاص وجمس الحوض القديم والهايلوكس غماره واحده بانواعه والسكويا والهوندا وغيرها وهذي ثقافة مجتمع واحد مثلا معاه مازدا زوم وخلفه واحد معاه جمس حوض واقفين عند التفتيش فرصة ان الجمس يتفتش اكثر من المازدا وهذا المقصود في الشبهه وبالنسبه للتفتيش مشكله مو دايم الواحد جاهز باوراقه احيانا تنسى محفظه استماره هويه وما ودك بالتفتيش لكن سيارتك تنكبك



up 0 down 0
ابو سرهد -63
قبل 3 سنه و 8 شهر